ਬਿਹਾਰ : ਬਿਹਾਰ ਵਿੱਚ ਜਲਦੀ ਹੀ ਗਰਮੀ ਦੀਆਂ ਛੁੱਟੀਆਂ ਹੋਣ ਵਾਲਿਆ ਹਨ। ਇਸ ਤੋਂ ਪਹਿਲਾਂ ਰੇਲਵੇ ਵੱਲੋਂ ਤਿੰਨ ਜੋੜੀ ਸਮਰ ਸਪੈਸ਼ਲ ਰੇਲ ਗੱਡੀਆਂ ਚਲਾਉਣ ਦਾ ਫ਼ੈਸਲਾ ਲਿਆ ਗਿਆ ਸੀ। ਗਰਮੀਆਂ ਦੀਆਂ ਛੁੱਟੀਆਂ ਦੌਰਾਨ ਰੇਲ ਗੱਡੀਆਂ ਵਿੱਚ ਭੀੜ-ਭੜੱਕੇ ਦੀ ਸਮੱਸਿਆ ਕਾਫ਼ੀ ਵੱਧ ਜਾਂਦੀ ਹੈ। ਕਈ ਵਾਰ ਯਾਤਰੀਆਂ ਨੂੰ ਟਿਕਟ ਨਹੀਂ ਮਿਲ ਪਾਉਂਦੀ। ਅਜਿਹੇ ਵਿੱਚ ਉਨ੍ਹਾਂ ਲਈ ਇਹ ਰਾਹਤ ਭਰਿਆ ਫੈਸਲਾ ਮੰਨਿਆ ਜਾ ਰਿਹਾ ਹੈ। ਤਿੰਨੋਂ ਰੇਲ ਗੱਡੀਆਂ ਦਿੱਲੀ ਅਤੇ ਬੈਂਗਲੁਰੂ ਲਈ ਬਰੌਨੀ ਦੇ ਰਸਤੇ ਰਾਹੀਂ ਲੰਘਣਗੀਆਂ।
ਨਵੀਂ ਦਿੱਲੀ-ਸੁਪੌਲ ਸਪੈਸ਼ਲ (ਟ੍ਰੇਨ ਨੰਬਰ 04072/04071): ਇਹ ਰੇਲਗੱਡੀ 15 ਜੁਲਾਈ ਤੱਕ ਚੱਲੇਗੀ। ਨਵੀਂ ਦਿੱਲੀ-ਸੁਪੌਲ ਸਪੈਸ਼ਲ ਟ੍ਰੇਨ 21.35 ਵਜੇ ਨਵੀਂ ਦਿੱਲੀ ਤੋਂ ਖੁੱਲ੍ਹੇਗੀ ਅਤੇ ਤੀਜੇ ਦਿਨ ਸੁਪੌਲ ਪਹੁੰਚੇਗੀ। ਇਸ ਦੌਰਾਨ ਇਹ ਟ੍ਰੇਨ ਹਾਜੀਪੁਰ, ਸ਼ਾਹਪੁਰ ਪਟੌਰੀ, ਬਰੌਣੀ, ਬੇਗੂਸਰਾਇ, ਖਗੜੀਆ, ਮਾਨਸੀ, ਸਿਮਰੀ ਬਖਤਿਆਰਪੁਰ ਅਤੇ ਸਹਰਸਾ ਹੁੰਦੇ ਹੋਏ ਸੁਪੌਲ ਪਹੁੰਚੇਗੀ। ਵਾਪਸੀ ਵਿੱਚ ਇਹ ਟ੍ਰੇਨ ਇਨ੍ਹਾਂ ਸਾਰੇ ਸਟਾਪੇਜ ਤੋਂ ਗੁਜ਼ਰਦੇ ਹੋਏ ਦਿੱਲੀ ਪਹੁੰਚੇਗੀ। ਸੁਪੌਲ ਤੋਂ ਇਹ ਟ੍ਰੇਨ 7.45 ਵਜੇ ਖੁੱਲ੍ਹੇਗੀ ਅਤੇ ਅਗਲੇ ਦਿਨ 3 ਵਜੇ ਦਿੱਲੀ ਪਹੁੰਚੇਗੀ।
ਆਨੰਦ ਵਿਹਾਰ-ਜੋਗਬਨੀ ਸਪੈਸ਼ਲ ਟ੍ਰੇਨ – (ਟ੍ਰੇਨ ਨੰਬਰ 04008/04007) ਇਹ ਟ੍ਰੇਨ 18 ਅਪ੍ਰੈਲ ਤੋਂ 11 ਜੁਲਾਈ ਤੱਕ ਚੱਲੇਗੀ। ਹਰ ਸ਼ਨੀਵਾਰ, ਇਹ ਟ੍ਰੇਨ ਆਨੰਦ ਵਿਹਾਰ ਤੋਂ ਸਵੇਰੇ 8:30 ਵਜੇ ਚੱਲੇਗੀ ਅਤੇ ਤੀਜੇ ਦਿਨ ਜੋਗਬਨੀ ਪਹੁੰਚੇਗੀ। ਵਾਪਸੀ ਦੀ ਯਾਤਰਾ ‘ਤੇ, ਇਹੀ ਟ੍ਰੇਨ ਜੋਗਬਨੀ ਤੋਂ ਸ਼ਾਮ 6:30 ਵਜੇ ਚੱਲੇਗੀ ਅਤੇ ਤੀਜੇ ਦਿਨ ਦੁਪਹਿਰ 3:00 ਵਜੇ ਆਨੰਦ ਵਿਹਾਰ ਪਹੁੰਚੇਗੀ। ਇਹ ਟ੍ਰੇਨ ਅਰਰੀਆ ਕੋਰਟ, ਪੂਰਨੀਆ, ਕਟਿਹਾਰ, ਮਾਨਸੀ, ਬਰੌਨੀ, ਸ਼ਾਹਪੁਰ ਪਟੋਰੀ, ਹਾਜੀਪੁਰ, ਸੱਚਪਰਾ, ਗੋਰਖਪੁਰ ਅਤੇ ਮੁਰਾਦਾਬਾਦ ਦੇ ਰੂਟਾਂ ’ਤੇ ਚੱਲੇਗੀ।
ਸਹਰਸਾ-ਯਸ਼ਵੰਤਪੁਰ ਸਪੈਸ਼ਲ ਟ੍ਰੇਨ – (ਟ੍ਰੇਨ ਨੰਬਰ 05551/05552) ਸਹਰਸਾ-ਯਸ਼ਵੰਤਪੁਰ ਟ੍ਰੇਨ ਹਰ ਵੀਰਵਾਰ ਨੂੰ ਚੱਲੇਗੀ। ਇਹ 23 ਅਤੇ 30 ਅਪ੍ਰੈਲ ਨੂੰ ਚੱਲੇਗੀ। ਯਸ਼ਵੰਤਪੁਰ-ਸਹਰਸਾ ਸਪੈਸ਼ਲ ਟਰੇਨ 19 ਅਪ੍ਰੈਲ ਅਤੇ 26 ਅਪ੍ਰੈਲ ਅਤੇ 3 ਮਈ ਤੱਕ ਚਲਾਈ ਜਾਵੇਗੀ। ਇਸ ਟਰੇਨ ਦੇ ਮਾਨਸੀ, ਖਗੜੀਆ, ਨਿਊ ਬਰੌਨੀ ਜੰਕਸ਼ਨ, ਕਿਉਲ, ਝਝਾ, ਆਸਨਸੋਲ, ਖੜਗਪੁਰ, ਭੁਵਨੇਸ਼ਵਰ ਅਤੇ ਵਿਸ਼ਾਖਾਪਟਨਮ ਵਿਖੇ ਸਟਾਪੇਜ ਹੋਣਗੇ।
