ਕਟੜਾ : ਚੈਤਰਾ ਨਵਰਾਤਰੀ ਸ਼ੁਰੂ ਹੁੰਦੇ ਹੀ ਮਾਤਾ ਵੈਸ਼ਨੋ ਦੇਵੀ ਧਾਮ ਵਿੱਚ ਸ਼ਰਧਾਲੂਆਂ ਦਾ ਸੈਲਾਬ ਉਮੜ ਪਿਆ ਹੈ। ਹਾਲਾਤ ਅਜੇ ਬਣ ਗਏ ਹਨ ਕਿ ਬੀਤੇ ਦਿਨ ਪ੍ਰਸ਼ਾਸਨ ਨੂੰ ਕੁਝ ਸਮੇਂ ਦੇ ਲਈ ਯਾਤਰਾ ਰੋਕਣ ਦਾ ਫ਼ੈਸਲਾ ਲੈਣਾ ਪਿਆ। ਭੀੜ ਇੰਨੀ ਜ਼ਿਆਦਾ ਸੀ ਕਿ ਭਵਨ ਖੇਤਰ ਵਿੱਚ ਜਗ੍ਹਾ ਦਾ ਪ੍ਰਬੰਧਨ ਕਰਨਾ ਮੁਸ਼ਕਲ ਹੋ ਗਿਆ। ਜਾਣਕਾਰੀ ਦੇ ਅਨੁਸਾਰ, ਸ਼ਾਮ ਕਰੀਬ 4 ਵਜੇ ਤੱਕ ਲਗਭਗ 39,000 ਸ਼ਰਧਾਲੂ ਪਹਿਲਾਂ ਹੀ ਗੁਫਾ ਮੰਦਿਰ ਵਿੱਚ ਦਰਸ਼ਨ ਕਰ ਚੁੱਕੇ ਸਨ। ਇਸ ਦੇ ਬਾਅਦ ਵੀ ਹਜ਼ਾਰਾਂ ਲੋਕ ਅਜੇ ਵੀ ਰਸਤੇ ਵਿੱਚ ਸਨ ਅਤੇ ਲਗਾਤਾਰ ਕਟੜਾ ਪਹੁੰਚਦੇ ਰਹੇ। ਨਤੀਜੇ ਵਜੋਂ, ਸੁਰੱਖਿਆ ਅਤੇ ਵਿਵਸਥਾ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਯਾਤਰਾ ਨੂੰ ਅਸਥਾਈ ਤੌਰ ‘ਤੇ ਮੁਅੱਤਲ ਕਰ ਦਿੱਤਾ ਗਿਆ।
ਵੈਸ਼ਨੋ ਦੇਵੀ ਯਾਤਰਾ: ਵਧ ਗਈ ਭੀੜ
ਸ਼੍ਰਮਨ ਬੋਰਡ ਦੇ ਅਧਿਕਾਰੀਆਂ ਨੇ ਦੱਸਿਆ ਕਿ ਜਿਵੇਂ-ਜਿਵੇਂ ਭੀੜ ਵਧਦੀ ਗਈ, ਪੁਲਿਸ ਦੀਆਂ ਗੱਡੀਆਂ ਰਾਹੀਂ ਲਾਊਡਸਪੀਕਰ ਤੋਂ ਐਲਾਨ ਕਰਕੇ ਯਾਤਰਾ ਰੋਕਣ ਦੀ ਜਾਣਕਾਰੀ ਦਿੱਤੀ ਗਈ। ਹੁਣ ਨਵੇਂ ਸਿਰੇ ਤੋਂ ਰਜਿਸਟ੍ਰੇਸ਼ਨ ਅੱਜ ਸਵੇਰੇ 4 ਵਜੇ ਤੋਂ ਸ਼ੁਰੂ ਕੀਤੀ ਜਾਵੇਗੀ, ਤਾਂ ਜੋ ਵਿਵਸਥਾ ਫਿਰ ਤੋਂ ਸੰਤੁਲਿਤ ਕੀਤੀ ਜਾ ਸਕੇ। ਕਟੜਾ ਤੋਂ ਲੈ ਕੇ ਭਵਨ ਤੱਕ ਪੂਰੇ ਰਾਹ ‘ਤੇ ਸ਼ਰਧਾਲੂਆਂ ਦੀਆਂ ਲੰਬੀਆਂ ਕਤਾਰਾਂ ਦੇਖਣ ਨੂੰ ਮਿਲੀਆਂ। “ਜੈ ਮਾਤਾ ਦੀ” ਦੇ ਜੈਕਾਰਿਆਂ ਨਾਲ ਪੂਰਾ ਮਾਹੌਲ ਗੁਜ ਉੱਠਿਆ ਸੀ। ਨਵਰਾਤਰੀ ਦਾ ਤੀਜਾ ਦਿਨ ਹੋਣ ਦੀ ਵਜ੍ਹਾ ਨਾਲ ਉਤਸਾਹ ਹੋਰ ਵੀ ਜਿਆਦਾ ਨਜ਼ਰ ਆਇਆ। ਇਸ ਦੌਰਾਨ ਪ੍ਰਸ਼ਾਸ਼ਨ ਨੇ ਸੁਰੱਖਿਆ ਦੇ ਵੀ ਪੁੱਖਤਾ ਇਤਜ਼ਾਮ ਕੀਤੇ ਗਏ ਹਨ। ਜਗ੍ਹਾ-ਜਗ੍ਹਾ ਚੈਕਿੰਗ, ਪੁਲਿਸ ਤਾਇਨਾਤ ਅਤੇ ਭੀੜ ਨੂੰ ਕਾਬੂ ਕਰਨ ਦੇ ਲਈ ਵਿਸ਼ੇਸ਼ ਵਿਵਸਥਾ ਕੀਤੀ ਗਈ ਹੈ, ਤਾਂ ਕਿ ਕਿਸੇ ਤਰ੍ਹਾਂ ਦੀ ਪਰੇਸ਼ਾਨੀ ਨ ਹੋਵੇ।
ਨਵਰਾਤਰੀ ਦੇ ਮੌਕੇ ‘ਤੇ ਮੰਦਰ ਵਿੱਚ ਧਾਰਮਿਕ ਰਸਮਾਂ ਵੀ ਕੀਤੀਆਂ ਜਾ ਰਹੀਆਂ ਹਨ। ਚੈਤਰਾ ਨਵਰਾਤਰੀ 2026 ਦੀ ਸ਼ੁਰੂਆਤ ਦੇ ਨਾਲ ਪਵਿੱਤਰ ਸ਼ਤ ਚੰਡੀ ਮਹਾਂ ਯੱਗ ਵੀ ਸ਼ੁਰੂ ਕੀਤਾ ਗਿਆ ਹੈ। ਮੰਦਰ ਪਰਿਸਰ ਵਿੱਚ ਵੈਦਿਕ ਮੰਤਰਾਂ ਦੀ ਗੂੰਜ ਨਾਲ ਇੱਕ ਅਲੱਗ ਹੀ ਅਧਿਆਤਮਿਕ ਵਾਤਾਵਰਨ ਬਣਾਇਆ ਹੋਇਆ ਹੈ। ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਆਉਣ ਵਾਲੇ ਦਿਨਾਂ ਵਿੱਚ ਸ਼ਰਧਾਲੂਆਂ ਦੀ ਗਿਣਤੀ ਹੋਰ ਵੱਧ ਸਕਦੀ ਹੈ। ਇਸ ਦੇ ਮੱਦੇਨਜ਼ਰ, ਸ਼ਰਾਈਨ ਬੋਰਡ ਨੇ ਸਹੂਲਤਾਂ ਨੂੰ ਬਿਹਤਰ ਬਣਾਉਣ ਅਤੇ ਯਾਤਰਾ ਨੂੰ ਸੁਵਿਧਾਜਨਕ ਬਣਾਉਣ ਲਈ ਵਿਸ਼ੇਸ਼ ਪ੍ਰਬੰਧ ਕੀਤੇ ਹਨ।
