ਜਲੰਧਰ : ਖੁਰਲਾ ਕਿੰਗਰਾ (Vijay Nagar) ਇਲਾਕੇ ‘ਚ ਸਥਿਤ ਫਾਰਮ ਹਾਊਸ ਦੇ ਅੰਦਰ ਗਊਆਂ ਦੀ ਹੱਤਿਆ ਕਰਨ ਵਾਲੇ ਦੋਸ਼ੀਆਂ ਦੀ ਸੁਰਾਗ ‘ਤੇ ਥਾਣਾ 7 ਦੀ ਪੁਲਿਸ ਨੇ ਵਿਜੇ ਨਗਰ ‘ਚ ਛਾਪੇਮਾਰੀ ਕੀਤੀ। ਪੁਲਿਸ ਨੇ 2 ਹੋਰ ਦੋਸ਼ੀਆਂ ਨੂੰ ਵਿਜੇ ਨਗਰ ਤੋਂ ਗ੍ਰਿਫ਼ਤਾਰ ਕੀਤਾ ਹੈ ਜੋ ਗਊ ਮਾਸ ਵੇਚਣ ਦਾ ਧੰਦਾ ਕਰਦੇ ਸਨ।
ਥਾਣਾ 7 ਦੇ ਇੰਚਾਰਜ ਮੁਕੇਸ਼ ਕੁਮਾਰ ਨੇ ਫਿਲਹਾਲ ਇਸ ਦੀ ਪੁਸ਼ਟੀ ਨਹੀਂ ਕੀਤੀ। ਉਨ੍ਹਾਂ ਕਿਹਾ ਕਿ ਉਹ ਜਲਦੀ ਹੀ ਵੱਡਾ ਨੈੱਟਵਰਕ ਲੈ ਕੇ ਆਉਣਗੇ। ਦੱਸ ਦੇਈਏ ਕਿ ਥਾਣਾ 7 ਦੀ ਪੁਲਿਸ ਨੇ ਖੁਰਲਾ ਕਿੰਗਰਾ ਸਥਿਤ ਫਾਰਮ ਹਾਊਸ ‘ਤੇ ਛਾਪਾ ਮਾਰ ਕੇ ਦੋ ਦੋਸ਼ੀਆਂ ਨੂੰ ਗਊ ਮਾਸ ਸਮੇਤ ਗ੍ਰਿਫ਼ਤਾਰ ਕੀਤਾ ਸੀ। ਮੁਲਜ਼ਮਾਂ ਦੀ ਪਛਾਣ ਮੁਹੰਮਦ ਮਜੀਦ ਪੁੱਤਰ ਮੁਹੰਮਦ ਉਮਰ ਵਾਸੀ ਯੂਪੀ ਹਾਲ ਵਾਸੀ ਮਾਡਲ ਟਾਊਨ ਅਤੇ ਅਨੀਸ਼ ਪੁੱਤਰ ਖੁਸ਼ਹਿਦ ਵਾਸੀ ਪਿੰਡ ਭਗਤਵਾਲੀ ਹਰਿਦੁਆਰ ਹਾਲ ਤੇਜ ਮੋਹਨ ਨਗਰ ਵਜੋਂ ਹੋਈ ਹੈ। ਪੁਲਿਸ ਨੂੰ ਸ਼ੱਕ ਹੈ ਕਿ ਇਹ ਲੋਕ ਆਪਣੇ ਪੂਰੇ ਨੈੱਟਵਰਕ ਨਾਲ ਕੰਮ ਕਰ ਰਹੇ ਸਨ।
ਇਸ ਕਾਰਨ ਪੁਲਿਸ ਨੇ ਗ੍ਰਿਫ਼ਤਾਰ ਮੁਲਜ਼ਮਾਂ ਤੋਂ ਪੁੱਛਗਿੱਛ ਕਰਕੇ ਛਾਪੇਮਾਰੀ ਸ਼ੁਰੂ ਕਰ ਦਿੱਤੀ ਹੈ। ਥਾਣਾ 7 ਦੇ ਇੰਚਾਰਜ ਮੁਕੇਸ਼ ਕੁਮਾਰ ਨੇ ਦੱਸਿਆ ਕਿ ਇਸ ਮਾਮਲੇ ਸਬੰਧੀ ਜਲਦੀ ਹੀ ਜਾਣਕਾਰੀ ਦਿੱਤੀ ਜਾਵੇਗੀ। ਉਨ੍ਹਾਂ ਦੱਸਿਆ ਕਿ ਮੁਲਜ਼ਮ ਮੁਹੰਮਦ ਮਜੀਦ ਅਤੇ ਅਨੀਸ਼ ਤੋਂ ਪੁੱਛਗਿੱਛ ਜਾਰੀ ਹੈ। ਜਲਦ ਹੀ ਉਹ ਵੱਡੇ ਖੁਲਾਸੇ ਕਰਨਗੇ।