ਗੈਜੇਟ ਡੈਸਕ : ਵਟਸਐਪ ਵਿੱਚ ਇੱਕ ਨਵਾਂ ਫੀਚਰ ਆ ਰਿਹਾ ਹੈ, ਜਿਸ ਦੇ ਬਾਅਦ WhatsApp ਵੈੱਬ ਵਰਜਨ ‘ਤੇ ਵੌਇਸ ਅਤੇ ਵੀਡੀਓ ਕਾਲਾਂ ਦੀ ਸੁਵਿਧਾ ਮਿਲੇਗੀ। ਅਜੇ ਤੱਕ ਗਰੁੱਪ ਵੀਡੀਓ ਕਾਲ ਅਤੇ ਆਡੀਓ ਕਾਲ ਲਈ ਸਮਾਰਟਫੋਨ ਜਾਂ ਵਟਸਐਪ Windows App ਦੀ ਵਰਤੋਂ ਕਰਨੀ ਪੈਂਦੀ ਹੈ। ਹੁਣ ਜੇਕਰ ਤੁਸੀਂ ਕਿਸੇ ਹੋਰ ਦਾ ਲੈਪਟਾਪ ਵਰਤ ਰਹੇ ਹੋ, ਤਾਂ ਆਉਣ ਵਾਲੇ ਦਿਨਾਂ ਵਿੱਚ ਵਟਸਐਪ Web ਰਾਹੀਂ ਵੀ ਵੀਡੀਓ ਜਾਂ ਵੌਇਸ ਗਰੁੱਪ ਕਾਲ ‘ਤੇ ਜੁੜ ਸਕੋਗੇ। ਇਹ ਜਾਣਕਾਰੀ WAbetainfo ਨੇ ਸਾਂਝੀ ਕੀਤੀ ਹੈ।
ਵਟਸਐਪ ਦੇ ਆਉਣ ਵਾਲੇ ਫੀਚਰ ਅਤੇ ਅਪਡੇਟ ਨੂੰ ਟਰੈਕ ਕਰਨ ਵਾਲੀ ਵੈੱਬਸਾਈਟ WAbetainfo ਨੇ ਦੱਸਿਆ ਹੈ ਕਿ ਵਟਸਐਪ ਵੈੱਬ ਵਰਜ਼ਨ ‘ਤੇ ਗਰੁੱਪ ਵਿੱਚ ਵੌਇਸ ਅਤੇ ਵੀਡੀਓ ਕਾਲਸ ਦਾ ਸਪੋਰਟ ਮਿਲੇਗਾ। ਅਜੇ ਇਹ ਫੀਚਰ ਡਿਵੈਲਪਮੈਂਟ ਸਟੇਜ ਵਿੱਚ ਹੈ। ਇਸਨੂੰ ਅਜੇ ਬੀਟਾ ਵਰਜ਼ਨ ਲਈ ਵੀ ਜਾਰੀ ਨਹੀਂ ਕੀਤਾ ਗਿਆ ਹੈ। ਰਿਪੋਰਟ ਵਿੱਚ ਆਉਣ ਵਾਲੇ ਫੀਚਰ ਨੂੰ ਦਿਖਾਉਣ ਲਈ ਇੱਕ ਸਕ੍ਰੀਨਸ਼ਾਟ ਵੀ ਸ਼ੇਅਰ ਕੀਤਾ ਗਿਆ ਹੈ।
ਵਟਸਐਪ ਵੈੱਬ ‘ਤੇ ਕਾਲਿੰਗ ਆਈਕਨ ਮੌਜੂਦ
ਮੌਜੂਦਾ ਸਮੇਂ ਵਿੱਚ, ਵਟਸਐਪ ਵੈੱਬ ਗਰੁੱਪ ਚੈਟ ਵਿੱਚ ਉੱਪਰ ਵੱਲ ਵੀਡੀਓ ਕਾਲ ਆਈਕਨ ਮਿਲਦਾ ਹੈ। ਜਿਵੇਂ ਹੀ ਵੀਡੀਓ ਕਾਲ ਦੇ ਆਈਕਨ ‘ਤੇ ਕਲਿੱਕ ਕਰੇਗੀ ਤਾਂ ਉੱਥੇ ਲਿਖਿਆ ਨਜ਼ਰ ਆਵੇਗਾ ਕਿ “ਵਿੰਡੋਜ਼ ਐਪ ਨਾਲ ਗਰੁੱਪ ਕਾਲਾਂ ਕਰੋ। ਆਉਣ ਵਾਲੇ ਦਿਨਾਂ ਵਿੱਚ, Windows ਐਪ ਤੋਂ ਬਿਨਾਂ ਗਰੁੱਪ ਵੀਡੀਓ ਅਤੇ ਆਡੀਓ ਗਰੁੱਪ ਚੈਟ ਕਾਲਾਂ ਕੀਤੀਆਂ ਜਾ ਸਕਦੀਆਂ ਹਨ।
ਵਟਸਐਪ ਵੈੱਬ ਵਿੱਚ ਸ਼ੁਰੂਆਤ ਵਿੱਚ ਮਿਲੇਗੀ ਸੀਮਿਵਾਂ
ਵਟਸਐਪ ਵੈੱਬ ਤੋਂ ਕੀਤੇ ਜਾਣ ਵਾਲੇ ਵੀਡੀਓ ਅਤੇ ਆਡੀਓ ਗਰੁੱਪ ਚੈਟ ਕਾਲਾਂ ਦੀ ਸ਼ੁਰੂਆਤ ਵਿੱਚ ਕੁਝ ਸੀਮਾਵਾਂ ਹੋਣਗੀਆਂ। ਹਾਲਾਂਕਿ ਵਟਸਐਪ ਵੈੱਬ ਨੇ ਹਾਲੇ ਤੱਕ ਅਧਿਕਾਰਕ ਤੌਰ ‘ਤੇ ਸੀਮਾਵਾਂ ਬਾਰੇ ਨਹੀਂ ਦੱਸਿਆ ਹੈ। ਆਉਣ ਵਾਲੇ ਦਿਨਾਂ ਵਿੱਚ ਪਤਾ ਲੱਗੇਗਾ ਕਿ ਵਟਸਐਪ ਵੈੱਬ ਦੇ ਗਰੁੱਪ ਵੀਡੀਓ ਅਤੇ ਆਡੀਓ ਕਾਲ ਦੌਰਾਨ ਸਟੈਂਡਰਡ ਵੀਡੀਓ ਦਾ ਸਹਾਰਾ ਮਿਲੇਗਾ ਜਾਂ HD ਵੀਡੀਓ ਦਾ ਸਹਾਰਾ ਮਿਲੇਗਾ।
ਕਵਰ ਫੋਟੋਆਂ ‘ਤੇ ਨਯੂ ਪ੍ਰਾਇਵੇਸੀ ਫੀਚਰਸ
Wabetainfo ਨੇ ਇਸ ਤੋਂ ਪਹਿਲਾਂ ਦੱਸਿਆ ਸੀ ਕਿ ਬੀਟਾ ਵਰਜਨ ਵਿੱਚ ਕਵਰ ਫੋਟੋ ਦੇ ਨਾਲ ਨਵੇਂ ਪ੍ਰਾਈਵੇਸੀ ਕੰਟਰੋਲ ਦਿੱਤੇ ਗਏ ਹਨ। ਇਹ ਕੰਟਰੋਲ iOS ਯੂਜ਼ਰਾਂ ਲਈ ਜਾਰੀ ਕੀਤੇ ਗਏ ਹਨ। ਇਸ ਦੀ ਮਦਦ ਨਾਲ ਯੂਜ਼ਰ ਆਪਣੇ ਆਪ ਫੈਸਲਾ ਕਰ ਸਕਣਗੇ ਕਿ ਕੌਣ ਕਵਰ ਫੋਟੋ ਦੇਖ ਸਕੇਗਾ।
