ਵਾਰਾਣਸੀ : ਮੁੱਖ ਮੰਤਰੀ ਯੋਗੀ ਆਦਿੱਤਿਆਨਾਥ ਬੀਤੀ ਰਾਤ ਨੂੰ ਕੜਾਕੇ ਦੀ ਠੰਢ ਵਿੱਚ ਕਾਸ਼ੀ ਦੇ ਟਾਊਨ ਹਾਲ ਰੈਣ ਬਸੇਰਾ ਪਹੁੰਚੇ ਅਤੇ ਉੱਥੇ ਰਹਿਣ ਵਾਲੇ ਲੋਕਾਂ ਦਾ ਹਾਲ-ਚਾਲ ਪੁੱਛਿਆ। ਮੁੱਖ ਮੰਤਰੀ ਨੇ ਠੰਢ ਵਿੱਚ ਕੰਬ ਰਹੇ ਲੋਕਾਂ ਰਾਹਤ ਪਹੁੰਚਾਉਂਦੇ ਹੋਏ ਕੰਬਲ ਅਤੇ ਖਾਣੇ ਦੇ ਪੈਕੇਟ ਦਿੱਤੇ। ਉਨ੍ਹਾਂ ਦੀ ਤੰਦਰੁਸਤੀ ਬਾਰੇ ਪੁੱਛਿਆ। ਉਨ੍ਹਾਂ ਛੋਟੇ ਬੱਚਿਆਂ ਨੂੰ ਚਾਕਲੇਟ ਵੀ ਦਿੱਤੀਆ।
ਉਨ੍ਹਾਂ ਨੇ ਲੋਕਾਂ ਨੂੰ ਕਿਹਾ ਕਿ ਠੰਡ ਵਿੱਚ ਬਾਹਰ ਸੜਕਾਂ ‘ਤੇ ਨਾ ਸੌਣ ਦੀ ਅਪੀਲ ਕੀਤੀ। ਰੈਣ ਬਸੇਰਾ ਤੁਹਾਡੇ ਲੋਕਾਂ ਲਈ ਹੀ ਬਣਵਾਇਆ ਗਿਆ ਹੈ। ਉਨ੍ਹਾਂ ਨੇ ਰੈਣ ਬਸੇਰਾ ਵਿੱਚ ਸ਼ਰਨ ਲਏ ਲੋਕਾਂ ਤੋਂ ਪ੍ਰਬੰਧਾਂ ਬਾਰੇ ਜਾਣਕਾਰੀ ਲਈ ਅਤੇ ਪੁੱਛਿਆ ਕਿ ਕੋਈ ਕਮੀ ਤਾਂ ਨਹੀਂ ਹੈ? ਲੋਕਾਂ ਨੇ ਪ੍ਰਸ਼ਾਸਨ ਵੱਲੋਂ ਕੀਤੇ ਗਏ ਪ੍ਰਬੰਧ ਤੇ ਸੰਤੋਸ਼ ਪ੍ਰਗਟ ਕੀਤਾ। ਲੋਕਾਂ ਨੇ ਦੱਸਿਆ ਕਿ ਸਭ ਕੁਝ ਠੀਕ ਹੈ। ਬਿਛਾਉਣ ਲਈ ਬਿਸਤਰ ਅਤੇ ਓਢਣ ਲਈ ਕੰਬਲ ਤੇ ਅੱਗ ਬਾਲਣ ਦੇ ਢੁਕਵੇਂ ਪ੍ਰਬੰਧ ਕੀਤੇ ਗਏ ਹਨ।
ਮੁੱਖ ਮੰਤਰੀ ਯੋਗੀ ਆਦਿੱਤਿਆਨਾਥ ਨੇ ਮੌਕੇ ‘ਤੇ ਮੌਜੂਦ ਅਧਿਕਾਰੀਆਂ ਨੂੰ ਹਦਾਇਤ ਕਰਦੇ ਹੋਏ ਕਿਹਾ ਕਿ ਜ਼ਿਆਦਾ ਠੰਢ ਦੇ ਦ੍ਰਿਸ਼ਟੀਗਤ ਇਹ ਯਕੀਨੀ ਬਣਾਇਆ ਜਾਵੇ ਕਿ ਕੋਈ ਵੀ ਵਿਅਕਤੀ ਰਾਤ ਦੇ ਸਮੇਂ ਸੜਕ ਦੇ ਕਿਨਾਰੇ ਜਾਂ ਖੁਲੇ ਆਸਮਾਨ ਵਿੱਚ ਨਾ ਰਹੇ, ਗਰੀਬ ਅਤੇ ਬੇਸਹਾਰਾ ਲੋਕਾਂ ਨੂੰ ਰੈਨਬਸੇਰਾ ਵਿੱਚ ਰਹਿਣ ਲਈ ਕਿਹਾ ਜਾਵੇ। ਰੈਣ ਬਸੇਰਿਆਂ ਵਿੱਚ ਸਮੁੱਚੀ ਸਾਫ-ਸਫਾਈ, ਸ਼ੌਚਾਲਿਆਂ, ਪ੍ਰਕਾਸ਼, ਬਿਸਤਰੇ, ਅਲਾਵ ਆਦਿ ਦੀ ਵਿਵਸਥਾ ਹਰ ਹਾਲਤ ਵਿੱਚ ਯਕੀਨੀ ਬਣਾਈ ਜਾਵੇ।
ਇਸ ਸਮੇਂ ਦੌਰਾਨ ਸਟੈਂਪ ਅਤੇ ਕੋਰਟ ਰਜਿਸਟ੍ਰੇਸ਼ਨ ਫੀਸ ਲਈ ਰਾਜ ਮੰਤਰੀ (ਸੁਤੰਤਰ ਚਾਰਜ) ਰਵਿੰਦਰ ਜੈਸਵਾਲ, ਆਯੂਸ਼ ਅਤੇ ਖੁਰਾਕ ਸੁਰੱਖਿਆ ਰਾਜ ਮੰਤਰੀ (ਸੁਤੰਤਰ ਚਾਰਜ) ਡਾ: ਦਯਾਸ਼ੰਕਰ ਮਿਸ਼ਰਾ ‘ਦਿਆਲੂ’, ਐਮਐਲਸੀ ਹੰਸਰਾਜ ਵਿਸ਼ਵਕਰਮਾ, ਧਰਮਿੰਦਰ ਰਾਏ, ਵਿਧਾਇਕ ਨੀਲਕੰਠ ਤਿਵਾੜੀ, ਸੌਰਭ ਸ੍ਰੀਵਾਸਤਵ ਆਦਿ ਪ੍ਰਮੁੱਖ ਤੌਰ ‘ਤੇ ਹਾਜ਼ਰ ਰਹੇ।
