ਬਿਹਾਰ : ਬਿਹਾਰ ‘ਚ ਨਿਤੀਸ਼ ਕੁਮਾਰ ਦੀ ਅਗਵਾਈ ਵਾਲੀ ਸਰਕਾਰ ਦੇ ਮੰਤਰੀ ਮੰਡਲ ਦਾ ਵਿਸਥਾਰ ਹੋ ਰਿਹਾ ਹੈ। ਭਾਜਪਾ ਕੋਟੇ ਦੇ 7 ਵਿਧਾਇਕ ਮੰਤਰੀ ਵਜੋਂ ਸਹੁੰ ਚੁੱਕ ਰਹੇ ਹਨ। ਸਭ ਤੋਂ ਪਹਿਲਾਂ ਦਰਭੰਗਾ ਤੋਂ ਭਾਜਪਾ ਵਿਧਾਇਕ ਸੰਜੇ ਸਰਾਓਗੀ ਨੇ ਸਹੁੰ ਚੁੱਕੀ। ਮੁਜ਼ੱਫਰਪੁਰ ਜ਼ਿਲ੍ਹੇ ਦੇ ਸਾਹਿਬਗੰਜ ਤੋਂ ਭਾਜਪਾ ਵਿਧਾਇਕ ਰਾਜੂ ਕੁਮਾਰ ਸਿੰਘ ਨੇ ਮੰਤਰੀ ਵਜੋਂ ਸਹੁੰ ਚੁੱਕੀ।
ਦੱਸ ਦੇਈਏ ਕਿ ਇਸ ਵਿਸਥਾਰ ਵਿੱਚ ਕੁੱਲ 7 ਨਵੇਂ ਮੰਤਰੀ ਬਣਾਏ ਜਾ ਰਹੇ ਹਨ। ਇਨ੍ਹਾਂ ਵਿੱਚ ਰੀਗਾ ਤੋਂ ਮੋਤੀਲਾਲ ਪ੍ਰਸਾਦ (ਤੇਲੀ ਜਾਤੀ), ਸਿਕਤੀ ਤੋਂ ਵਿਜੇ ਮੰਡਲ (ਕੈਵਰਤਾ ਜਾਤੀ), ਸਾਹਿਬਗੰਜ ਤੋਂ ਰਾਜੂ ਸਿੰਘ (ਰਾਜਪੂਤ ਜਾਤੀ), ਜਾਲੇ ਤੋਂ ਜੀਵੇਸ਼ ਮਿਸ਼ਰਾ (ਭੂਮੀਹਾਰ ਜਾਤੀ), ਅਮਨੌਰ ਤੋਂ ਕ੍ਰਿਸ਼ਨ ਕੁਮਾਰ ਮੰਟੂ (ਕੁਰਮੀ ਜਾਤੀ), ਬਿਹਾਰ ਸ਼ਰੀਫ ਤੋਂ ਸੁਨੀਲ ਕੁਮਾਰ (ਕੁਸ਼ਵਾਹਾ ਜਾਤੀ) ਅਤੇ ਦਰਭੰਗਾ ਤੋਂ ਸੰਜੇ ਸਰਾਓਗੀ (ਵੈਸ਼ਿਆ ਜਾਤੀ) ਸ਼ਾਮਲ ਹਨ।
