ਸ਼੍ਰੀਨਗਰ: ਸ਼੍ਰੀਨਗਰ ਦੀ ਉਸ ਕਾਲੀ ਰਾਤ ਵਿੱਚ ਜਦੋਂ ਸ਼ਹਿਰ ਅੱਧੀ ਨੀਂਦ ਵਿੱਚ ਸੀ , ਨੌਗਾਮ ਪੁਲਿਸ ਸਟੇਸ਼ਨ ਵਿੱਚ ਠੀਕ 11:22 ਵਜੇ ਅਚਾਨਕ ਇੱਕ ਅਜਿਹਾ ਧਮਾਕਾ ਹੋਇਆ ਜਿਸਨੇ ਪੂਰੀ ਘਾਟੀ ਨੂੰ ਹਿਲਾ ਕੇ ਰੱਖ ਦਿੱਤਾ । ਧੂੰਏਂ ਅਤੇ ਟੁੱਟੇ ਹੋਏ ਸ਼ੀਸ਼ੇ ਵਿੱਚੋਂ ਨਿਕਲਦੀਆਂ ਆਵਾਜ਼ਾਂ ਨੇ ਇੱਕ ਤਹਿਸੀਲਦਾਰ ਅਤੇ ਇੱਕ ਇੰਸਪੈਕਟਰ ਸਮੇਤ ਨੌਂ ਲੋਕਾਂ ਦੀ ਮੌਤ ਦਾ ਖੁਲਾਸਾ ਕੀਤਾ। ਬਹੁਤ ਸਾਰੀਆਂ ਲਾਸ਼ਾਂ ਇੰਨੀਆਂ ਬੁਰੀ ਤਰ੍ਹਾਂ ਨੁਕਸਾਨੀਆਂ ਗਈਆਂ ਸਨ ਕਿ ਉਨ੍ਹਾਂ ਦੀ ਪਛਾਣ ਨਹੀਂ ਹੋ ਸਕੀ।
ਇਸ ਦੌਰਾਨ 29 ਲੋਕ ਜਖ਼ਮੀ ਹਨ , ਜਿਨ੍ਹਾਂ ਵਿੱਚ ਜ਼ਿਆਦਾਤਰ ਪੁਲਿਸ ਵਾਲੇ ਸਨ । ਕਿਸੇ ਦੇ ਹੱਥ ਵਿੱਚ ਫਰੈਕਚਰ ਹੈ ,ਕਿਸੇ ਦੇ ਚਿਹਰੇ ‘ਤੇ ਪੱਟੀਆਂ ਹਨ । ਸਾਰਿਆਂ ਦਾ ਇਲਾਜ 92 ਆਰਮੀ ਬੇਸ ਹਸਪਤਾਲ ਅਤੇ ਐਸ.ਕੇ.ਆਈ.ਐਮ.ਐਸ. ਸੌਰਾ ਵਿੱਚ ਕੀਤਾ ਜਾ ਰਿਹਾ ਸੀ। ਹਸਪਤਾਲਾਂ ਦੇ ਬਾਹਰ, ਉਨ੍ਹਾਂ ਦੇ ਪਰਿਵਾਰਾਂ ਦੀਆਂ ਡਰੀਆਂ ਹੋਈਆਂ ਅੱਖਾਂ ਨੇ ਸਿਰਫ਼ ਇੱਕ ਸਵਾਲ ਪੁੱਛਿਆ: “ਕੀ ਉਹ ਠੀਕ ਹੋ ਜਾਵੇਗਾ?”
ਕਿਵੇਂ ਹੋਇਆ ਧਮਾਕਾ ?
ਅਧਿਕਾਰੀਆਂ ਨੇ ਕਿਹਾ ਕਿ ਪੁਲਿਸ ਵ੍ਹਾਈਟ-ਕਾਲਰ ਅੱਤਵਾਦੀ ਮਾਡਿਊਲ ਮਾਮਲੇ ਵਿੱਚ ਜ਼ਬਤ ਕੀਤੇ ਗਏ ਵਿਸਫੋਟਕਾਂ ਦੇ ਨਮੂਨੇ ਲੈ ਰਹੀ ਸੀ। ਪਰ ਕੋਈ ਵੀ ਅੰਦਾਜ਼ਾ ਨਹੀਂ ਲਗਾ ਸਕਦਾ ਸੀ ਕਿ ਉਹ ਪ੍ਰਯੋਗਸ਼ਾਲਾ ਵਰਗਾ ਪਲ ਅਚਾਨਕ ਉਨ੍ਹਾਂ ਦੀ ਜ਼ਿੰਦਗੀ ਵਿੱਚ ਇੱਕ ਮੋੜ ਬਣ ਜਾਵੇਗਾ। ਇਹ ਹਾਲੇ ਸਪੱਸ਼ਟ ਨਹੀਂ ਹੈ ਕਿ ਪੂਰਾ 360 ਕਿਲੋ ਵਿਸਫੋਟਕ ਪੁਲਿਸ ਸਟੇਸ਼ਨ ਵਿੱਚ ਸੀ ਜਾਂ ਇਸਦਾ ਸਿਰਫ਼ ਇੱਕ ਹਿੱਸਾ ਹੀ ਉੱਥੇ ਲਿਆਂਦਾ ਗਿਆ ਸੀ, ਪਰ ਜੋ ਵੀ ਸੀ, ਇਸਨੇ ਕਈ ਪਰਿਵਾਰਾਂ ਦੀ ਜ਼ਿੰਦਗੀ ਬਦਲ ਦਿੱਤੀ।
ਇਹ ਵਿਸਫੋਟਕ ਕਿੱਥੋਂ ਆਇਆ ਸੀ ?
ਇਹ ਉਹੀ ਵਿਸਫੋਟਕ ਸਨ ਜੋ ਡਾਕਟਰ ਮੁਜ਼ਮਿਲ ਗਨਾਈ ਦੇ ਫਰੀਦਾਬਾਦ, ਹਰਿਆਣਾ ਵਿੱਚ ਕਿਰਾਏ ਦੇ ਘਰ ਤੋਂ ਬਰਾਮਦ ਕੀਤੇ ਗਏ ਸਨ। ਗਨਾਈ ਪਹਿਲਾਂ ਹੀ ਦਿੱਲੀ ਧਮਾਕੇ ਦੇ ਮਾਮਲੇ ਵਿੱਚ ਗ੍ਰਿਫ਼ਤਾਰ ਹੈ, ਉਹੀ ਮਾਮਲਾ ਜਿਸ ਵਿੱਚ 10 ਨਵੰਬਰ ਨੂੰ ਲਾਲ ਕਿਲ੍ਹੇ ਨੇੜੇ ਹੋਏ ਕਾਰ ਬੰਬ ਧਮਾਕੇ ਵਿੱਚ 13 ਲੋਕ ਮਾਰੇ ਗਏ ਸਨ। ਦਿੱਲੀ ਵਿੱਚ ਸ਼ੁਰੂ ਹੋਈ ਅੱਗ ਹੁਣ ਸ਼੍ਰੀਨਗਰ ਦੇ ਦਿਲ ਤੱਕ ਪਹੁੰਚ ਗਈ ਹੈ, ਜਿਸ ਨਾਲ ਕਈ ਘਰ ਤਬਾਹ ਹੋ ਗਏ ਹਨ।
ਡੀ.ਜੀ.ਪੀ. ਦੀ ਪ੍ਰਤੀਕਿਰਿਆ
ਜੰਮੂ-ਕਸ਼ਮੀਰ ਦੇ ਡੀ.ਜੀ.ਪੀ. ਨਲਿਨ ਪ੍ਰਭਾਤ ਨੇ ਇਸ ਘਟਨਾ ਨੂੰ ਇੱਕ ਹਾਦਸਾ ਦੱਸਿਆ। ਉਨ੍ਹਾਂ ਕਿਹਾ ਕਿ ਧਮਾਕਾ ਸੈਂਪਲਿੰਗ ਦੌਰਾਨ ਹੋਇਆ। ਮਾਰੇ ਗਏ ਲੋਕਾਂ ਵਿੱਚ ਇੱਕ ਇੰਸਪੈਕਟਰ, ਤਿੰਨ ਫੋਰੈਂਸਿਕ ਟੀਮ ਮੈਂਬਰ, ਦੋ ਅਪਰਾਧ ਫੋਟੋਗ੍ਰਾਫਰ, ਦੋ ਤਹਿਸੀਲ ਅਧਿਕਾਰੀ ਅਤੇ ਇੱਕ ਸਥਾਨਕ ਦਰਜ਼ੀ ਸ਼ਾਮਲ ਸਨ ਜੋ ਦਰਜ਼ੀ ਦਾ ਕੰਮ ਕਰਨ ਆਇਆ ਸੀ ਪਰ ਘਰ ਵਾਪਸ ਨਹੀਂ ਆ ਸਕਿਆ।
