ਗੈਜੇਟ ਡੈਸਕ : ਤਕਨੀਕ ਦੀ ਦੁਨੀਆ ਵਿੱਚ ਸਾਨੂੰ ਹਰ ਰੋਜ਼ ਕੁਝ ਨਵਾਂ ਦੇਖਣ ਨੂੰ ਮਿਲਦਾ ਹੈ, ਪਰ ਹੁਣ ਜੋ ਆ ਰਿਹਾ ਹੈ ਉਹ ਤੁਹਾਡੇ ਸੋਚਣ ਦੇ ਤਰੀਕੇ ਨੂੰ ਬਦਲ ਦੇਵੇਗਾ। ਹੁਣ ਮੋਬਾਈਲ ਫੋਨ ਨੂੰ ਕੰਟਰੋਲ ਕਰਨ ਲਈ ਨਾ ਤਾਂ ਹੱਥਾਂ ਦੀ ਲੋੜ ਪਵੇਗੀ ਅਤੇ ਨਾ ਹੀ ਆਵਾਜ਼ ਦੀ। ਜਲਦੀ ਹੀ ਉਹ ਸਮਾਂ ਆ ਸਕਦਾ ਹੈ ਜਦੋਂ ਤੁਹਾਨੂੰ ਆਪਣੇ ਮਨ ਵਿੱਚ ਕੁਝ ਸੋਚਣਾ ਪਵੇਗਾ ਅਤੇ ਤੁਹਾਡਾ ਆਈਫੋਨ ਉਹ ਕੰਮ ਆਪਣੇ ਆਪ ਕਰ ਲਵੇਗਾ।
ਜੀ ਹਾਂ, ਐਪਲ ਅਜਿਹੀ ਟੈਕਨੋਲੋਜੀ ‘ਤੇ ਕੰਮ ਕਰ ਰਿਹਾ ਹੈ ਜੋ ਸਿਰਫ਼ ਸੋਚ ਕੇ ਹੀ ਫੋਨ ਨੂੰ ਕੰਟਰੋਲ ਕਰਨ ਦੀ ਤਾਕਤ ਦੇ ਸਕਦੀ ਹੈ। ਇਸ ਤਕਨੀਕ ਨੂੰ “ਬ੍ਰੇਨ-ਕੰਪਿਊਟਰ ਇੰਟਰਫੇਸ” ਯਾਨੀ ਕਿ BCI ਕਿਹਾ ਜਾਂਦਾ ਹੈ। ਇਸਦਾ ਮਤਲਬ ਹੈ ਕਿ ਤੁਹਾਡਾ ਦਿਮਾਗ ਤੁਹਾਡੀ ਡਿਵਾਈਸ ਨਾਲ ਸਿੱਧਾ ਗੱਲ-ਬਾਤ ਕਰੇਗਾ, ਬਿਨਾਂ ਕਿਸੇ ਟੱਚ ਜਾਂ ਕਮਾਂਡ ਦੇ।
ਬੀ.ਸੀ.ਆਈ ਇੱਕ ਅਜਿਹਾ ਸਿਸਟਮ ਹੈ ਜੋ ਮਨੁੱਖੀ ਦਿਮਾਗ ਅਤੇ ਕਿਸੇ ਇਲੈਕਟ੍ਰਾਨਿਕ ਯੰਤਰ ਵਿਚਕਾਰ ਸਿੱਧਾ ਸਬੰਧ ਬਣਾਉਂਦਾ ਹੈ। ਭਾਵ, ਹੁਣ ਮੋਬਾਈਲ ਚਲਾਉਣ ਲਈ, ਤੁਹਾਨੂੰ ਸਕ੍ਰੀਨ ‘ਤੇ ਟਾਈਪ ਕਰਨ, ਟੈਪ ਕਰਨ ਜਾਂ ਨਹੀ ਸਕ੍ਰੌਲ ਕਰਨ ਦੀ ਜ਼ਰੂਰਤ ਪਵੇਗੀ। ਸੋਚਦੇ ਹੀ, ਡਿਵਾਈਸ ਤੁਹਾਡੀ ਗੱਲ ਸਮਝ ਜਾਵੇਗੀ ਅਤੇ ਤੁਹਾਡੇ ਅਨੁਸਾਰ ਹੀ ਕੰਮ ਕਰੇਗੀ।
ਐਪਲ ਨੇ ਇਸ ਦਿਸ਼ਾ ਵਿੱਚ ਇੱਕ ਵੱਡੀ ਪਹਿਲ ਕਰਦੇ ਹੋਏ ਨਿਊਰੋਟੈਕਨਾਲੋਜੀ ਕੰਪਨੀ ਸਿੰਕ੍ਰੋਨ ਨਾਲ ਹੱਥ ਮਿਲਾਇਆ ਹੈ। ਇਹ ਕੰਪਨੀ ਪਹਿਲਾਂ ਹੀ BCI ਡਿਵਾਈਸਾਂ ‘ਤੇ ਕੰਮ ਕਰ ਰਹੀ ਹੈ। ਖਾਸ ਗੱਲ ਇਹ ਹੈ ਕਿ ਸਿੰਕ੍ਰੋਨ ਦਾ ਡਿਵਾਈਸ ਹੈ। ਜੋ ਸਰਜੀਕਲ ਤੌਰ ‘ਤੇ ਮਨੁੱਖੀ ਨਸਾਂ ਵਿੱਚ ਫਿੱਟ ਕੀਤਾ ਜਾਂਦਾ ਹੈ ਅਤੇ ਦਿਮਾਗ ਦੇ ਮੋਟਰ ਹਿੱਸੇ ਨਾਲ ਜੁੜ ਕੇ ਸਿਗਨਲਾਂ ਨੂੰ ਪੜ੍ਹਦਾ ਹੈ।
ਸਭ ਤੋਂ ਵੱਧ ਫ਼ਾਇਦਾ ਉਨ੍ਹਾ ਲੋਕਾਂ ਨੂੰ ਹੋਵੇਗਾ ਜੋ ਕਿਸੇ ਬਿਮਾਰੀ ਜਾਂ ਦੁਰਘਟਨਾ ਕਾਰਨ ਬੋਲਣ ਜਾਂ ਆਪਣੇ ਹੱਥ-ਪੈਰ ਹਿਲਾਉਣ ਵਿੱਚ ਅਸਮਰੱਥ ਹਨ। ਇਹ ਟੈਕਨੋਲੋਜੀ ਉਨ੍ਹਾਂ ਲਈ ਇੱਕ ਨਵਾਂ ਦਰਵਾਜ਼ਾ ਖੋਲ੍ਹ ਸਕਦੀ ਹੈ, ਜਿਸ ਰਾਹੀਂ ਉਹ ਆਪਣੇ ਵਿਚਾਰ ਦੂਜਿਆਂ ਤੱਕ ਪਹੁੰਚਾ ਸਕਣਗੇ।
ਅਮਰੀਕੀ ਸੰਗਠਨ FDA (ਫੂਡ ਐਂਡ ਡਰੱਗ ਐਡਮਿਨਿਸਟ੍ਰੇਸ਼ਨ) ਨੇ ਵੀ ਸਿੰਕ੍ਰੋਨ ਦੇ ਡਿਵਾਈਸ ਨੂੰ ” ਬ੍ਰੇਕਥਰੂ ” ਦਾ ਦਰਜਾ ਦਿੱਤਾ ਹੈ। ਯਾਨੀ ਇਸ ਵਿੱਚ ਉਹ ਸਮਰੱਥਾ ਹੈ ਜੋ ਭਵਿੱਖ ਵਿੱਚ ਲੱਖਾਂ ਲੋਕਾਂ ਦੀ ਜ਼ਿੰਦਗੀ ਨੂੰ ਆਸਾਨ ਬਣਾ ਸਕਦਾ ਹੈ।
ਇਕੱਲਾ ਨਹੀਂ ਹੈ ਐਪਲ
ਜਿੱਥੇ ਐਪਲ ਇਸ ਨਵੀਂ ਤਕਨੀਕ ਨੂੰ ਆਈਫੋਨ ਵਿੱਚ ਲਿਆਉਣ ਦੀ ਤਿਆਰੀ ਕਰ ਰਿਹਾ ਹੈ, ਉੱਥੇ ਹੀ ਦੁਨੀਆ ਦੇ ਸਭ ਤੋਂ ਮਸ਼ਹੂਰ ਅਰਬਪਤੀ ਐਲੋਨ ਮਸਕ ਦੀ ਕੰਪਨੀ ਨਿਊਰਲਿੰਕ ਵੀ ਇਸੇ ਰਾਹ ‘ਤੇ ਅੱਗੇ ਵਧ ਰਹੀ ਹੈ। ਨਿਊਰਲਿੰਕ ਬ੍ਰੇਨ ਇਮਪਲਾਂਟ ‘ਤੇ ਕੰਮ ਕਰ ਰਿਹਾ ਹੈ ਜੋ ਨਿਊਰਲ ਸਿਗਨਲਾਂ ਨੂੰ ਪੜ੍ਹ ਕੇ ਮਨੁੱਖੀ ਇਰਾਦਿਆਂ ਨੂੰ ਸਮਝ ਸਕਦੇ ਹਨ।
ਹਾਲ ਹੀ ਵਿੱਚ ਨਿਊਰਲਿੰਕ ਨੇ ਆਪਣੇ ਤੀਜੇ ਮਰੀਜ਼ ਦੇ ਦਿਮਾਗ ਵਿੱਚ ਇੱਕ ਚਿੱਪ ਲਗਾਉਣ ਵਿੱਚ ਸਫਲਤਾ ਪ੍ਰਾਪਤ ਕੀਤੀ ਹੈ। ਇਸਦਾ ਉਦੇਸ਼ ਵੀ ਇਹੀ ਹੈ, ਸੋਚ ਨੂੰ ਡਿਵਾਈਸ ਨਾਲ ਓਪਰੇਟ ਕਰਨਾ।
ਇਹ ਟੈਕਨੋਲੋਜੀ ਕਦੋਂ ਆ ਸਕਦੀ ਹੈ?
ਅਜਿਹੀ ਰਿਪੋਰਟ ਆ ਰਹੀ ਹੈ ਕਿ ਐਪਲ ਇਸ ਸਾਲ ਦੇ ਅੰਤ ਤੱਕ ਇਸ ਟੈਕਨੋਲੋਜੀ ਨੂੰ ਆਪਣੇ ਡਿਵੈਲਪਰਾਂ ਵਿੱਚ ਟਰਾਇਲ ਲਈ ਲਿਆ ਸਕਦਾ ਹੈ। ਇਸਦਾ ਮਤਲਬ ਹੈ ਕਿ ਇਹ ਟੈਕਨੋਲੋਜੀ ਆਉਣ ਵਾਲੇ ਸਮੇਂ ਵਿੱਚ ਆਈਫੋਨ ਦਾ ਹਿੱਸਾ ਬਣ ਸਕਦੀ ਹੈ।
ਭਵਿੱਖ ਦੀ ਇੱਕ ਝਲਕ
ਕਲਪਨਾ ਕਰੋ, ਜਦੋਂ ਤੁਸੀਂ ਬਿਨਾਂ ਕੁਝ ਬੋਲੇ ਜਾਂ ਕੀਤੇ, ਸਿਰਫ਼ ਆਪਣੇ ਦਿਮਾਗ ਦੀ ਵਰਤੋਂ ਕਰਕੇ ਸੁਨੇਹਾ ਭੇਜ ਸਕੋਗੇ, ਕੋਈ ਐਪ ਖੋਲ੍ਹ ਸਕੋਗੇ, ਜਾਂ ਫੋਟੋ ਕਲਿੱਕ ਕਰ ਸਕੋਗੇ। ਇਹ ਕਿਸੇ ਸਾਇੰਸ ਫਿਕਸ਼ਨ ਫਿਲਮ ਦਾ ਦ੍ਰਿਸ਼ ਨਹੀਂ ਹੈ, ਪਰ ਇਹ ਅਗਲੀ ਤਕਨੀਕੀ ਹਕੀਕਤ ਹੋ ਸਕਦੀ ਹੈ।
