ਚੰਡੀਗੜ੍ਹ: ਰਾਜ ਸਰਕਾਰ ਪਹਿਲੀ ਵਾਰ ਹਰਿਆਣਾ ਵਿੱਚ ਗਰੀਬ ਲੋਕਾਂ ਨੂੰ ਫਲੈਟ ਬਣਾ ਕੇ ਦੇਵੇਗੀ। ਪਹਿਲੇ ਪੜਾਅ ਵਿੱਚ, 509 ਫਲੈਟ ਦਿੱਤੇ ਜਾਣਗੇ। ਇਸ ਦੇ ਲਈ 8 ਅਕਤੂਬਰ ਨੂੰ ਇੱਕ ਡਰਾਅ ਕੱਢਿਆ ਜਾਵੇਗਾ। ਇਹ ਡਰਾਅ ਔਨਲਾਈਨ ਕੱਢਿਆ ਜਾਵੇਗਾ। ਇਸ ਦੇ ਲਈ ਸੋਨੀਪਤ ਦੇ ਪੰਜ ਡਿਵੈਲਪਰਾਂ ਨੇ 509 ਫਲੈਟਾਂ ਦੀ ਪੇਸ਼ਕਸ਼ ਕੀਤੀ ਹੈ। ਇਨ੍ਹਾਂ ਸਾਰਿਆਂ ਵਿੱਚ ਗਰੀਬਾਂ ਨੂੰ 17 ਅਕਤੂਬਰ ਨੂੰ ਫਲੈਟ ਮਿਲ ਸਕਦੇ ਹਨ ।
ਸੂਤਰਾਂ ਦਾ ਕਹਿਣਾ ਹੈ ਕਿ ਹਾਲੇ ਤਾਰੀਖ਼ ਤੈਅ ਹੋਣੀ ਬਾਕੀ ਹੈ । ਸੋਨੀਪਤ ਤੋਂ ਇਲਾਵਾ, ਗੁਰੂਗ੍ਰਾਮ, ਫਰੀਦਾਬਾਦ, ਝੱਜਰ, ਪਲਵਲ, ਪਾਣੀਪਤ, ਰੇਵਾੜੀ ਅਤੇ ਰੋਹਤਕ ਵਿੱਚ ਵੀ ਸਰਵੇਖਣ ਕੀਤੇ ਜਾ ਰਹੇ ਹਨ। ਇੱਥੋਂ ਦੇ ਡਿਵੈਲਪਰਾਂ ਨੇ ਲਗਭਗ 6,500 ਫਲੈਟਾਂ ਦੀ ਪੇਸ਼ਕਸ਼ ਵੀ ਕੀਤੀ ਹੈ। ਇਨ੍ਹਾਂ ਲਈ ਪ੍ਰਕਿ ਰਿਆ ਦੂਜੇ ਪੜਾਅ ਵਿੱਚ ਹੋਵੇਗੀ। ਅਰਜ਼ੀਆਂ ਪਹਿਲਾਂ ਹੀ ਸਵੀਕਾਰ ਕਰ ਲਈਆਂ ਗਈਆਂ ਹਨ। ਹਾਊਸਿੰਗ ਫਾਰ ਆਲ ਦੇ ਡਾਇਰੈਕਟਰ ਜਨਰਲ ਡਾ. ਜੇ. ਗਣੇਸ਼ਨ ਨੇ ਇਸ ਮਾਮਲੇ ਸੰਬੰਧੀ ਅਧਿਕਾਰੀਆਂ ਨਾਲ ਕਈ ਮੀਟਿੰਗਾਂ ਕੀਤੀਆਂ ਹਨ। ਇਹ ਫਲੈਟ ਟਾਊਨ ਐਂਡ ਕੰਟਰੀ ਪਲਾਨਿੰਗ ਦੀ ਗਰੁੱਪ ਹਾਊਸਿੰਗ ਸਕੀਮ ਤਹਿਤ ਪ੍ਰਦਾਨ ਕੀਤੇ ਜਾਣਗੇ।
₹1.50 ਲੱਖ ਹੋਵੇਗੀ ਫਲੈਟਾਂ ਦੀ ਕੀਮਤ
ਜਿਨ੍ਹਾਂ ਲੋਕਾਂ ਨੇ ਅਰਜ਼ੀਆਂ ਦਿੱਤੀਆਂ ਸਨ ,ਉਨ੍ਹਾਂ ਨੇ 10 ਹਜ਼ਾਰ ਰੁਪਏ ਜਮ੍ਹਾਂ ਕੀਤੇ ਸਨ। ਫਲੈਟਾਂ ਦਾ ਖੇਤਰਫਲ 200 ਵਰਗ ਫੁੱਟ ਹੋਵੇਗਾ।
2023 ਵਿੱਚ ਦਿੱਤੀਆਂ ਗਈਆਂ ਸਨ ਅਰਜ਼ੀਆਂ
ਸਰਕਾਰ ਨੇ 2023 ਵਿੱਚ ਇਨ੍ਹਾਂ ਫਲੈਟਾਂ ਲਈ ਅਰਜ਼ੀਆਂ ਮੰਗੀਆਂ ਸਨ। ਇਹ ਅਰਜ਼ੀਆਂ ਮੁੱਖ ਮੰਤਰੀ ਸ਼ਹਿਰੀ ਰਿਹਾਇਸ਼ ਯੋਜਨਾ ਦੇ ਤਹਿਤ ਦਿੱਤੀਆਂ ਗਈਆਂ ਸਨ। 815 ਲੋਕਾਂ ਨੇ ਇਨ੍ਹਾਂ ਫਲੈਟਾਂ ਲਈ ਬੁੱਕ ਕੀਤਾ ਸੀ, ਜਿਨ੍ਹਾਂ ਵਿੱਚੋਂ 794 ਯੋਗ ਪਾਏ ਗਏ ਸਨ। ਇਨ੍ਹਾਂ ਸਾਰਿਆਂ ਦੀ ਹਾਊਸਿੰਗ ਫਾਰ ਆਲ ਦੁਆਰਾ ਤਸਦੀਕ ਕੀਤੀ ਗਈ ਸੀ।
ਕਿਸਨੂੰ ਮਿਲਣਗੇ ਫਲੈਟ ?
ਯੋਜਨਾ ਦੇ ਅਨੁਸਾਰ, ਡਰਾਅ ਵਿੱਚ ਖਾਨਾਬਦੋਸ਼ ਕਬੀਲਿਆਂ ਨੂੰ ਪਹਿਲ ਦਿੱਤੀ ਜਾਵੇਗੀ। ਵਿਧਵਾ ਔਰਤਾਂ ਅਤੇ ਅਨੁਸੂਚਿਤ ਜਾਤੀਆਂ ਨੂੰ ਇਹ ਫਲੈਟ ਸਭ ਤੋਂ ਪਹਿਲਾਂ ਮਿਲਣਗੇ। ਜੇਕਰ ਕੋਈ ਫਲੈਟ ਬਚਦਾ ਹੈ, ਤਾਂ ਉਹ ₹1 ਲੱਖ ਤੱਕ ਦੀ ਆਮਦਨ ਵਾਲੇ ਲੋਕਾਂ ਨੂੰ ਦਿੱਤੇ ਜਾਣਗੇ। ਇਸ ਤੋਂ ਬਾਅਦ, ₹1 ਲੱਖ ਤੋਂ ₹1.40 ਲੱਖ ਦੇ ਵਿਚਕਾਰ ਆਮਦਨ ਵਾਲੇ ਲੋਕਾਂ ਨੂੰ ਅਤੇ ਫਿਰ ₹1.40 ਲੱਖ ਤੋਂ ₹1.80 ਲੱਖ ਦੇ ਵਿਚਕਾਰ ਆਮਦਨ ਵਾਲੇ ਲੋਕਾਂ ਨੂੰ ਫਲੈਟ ਮਿਲਣਗੇ।
