ਮੁੰਬਈ: ਅਦਾਕਾਰਾ ਗੌਹਰ ਖਾਨ ਦੂਜੀ ਵਾਰ ਮਾਂ ਬਣੇ ਹਨ। ਜੀ ਹਾਂ, 1 ਸਤੰਬਰ ਨੂੰ ਗੌਹਰ ਨੇ ਪਤੀ ਜ਼ੈਦ ਦਰਬਾਰ ਨਾਲ ਦੂਜੇ ਬੱਚੇ ਦਾ ਸਵਾਗਤ ਕੀਤਾ। ਗੌਹਰ ਨੇ ਇੱਕ ਪਿਆਰੇ ਪੁੱਤਰ ਨੂੰ ਜਨਮ ਦਿੱਤਾ। ਇਹ ਜਾਣਕਾਰੀ ਗੌਹਰ ਨੇ ਇੰਸਟਾ ‘ਤੇ ਇੱਕ ਕਾਰਡ ਸਾਂਝਾ ਕਰਕੇ ਕੀਤੀ। ਇਸ ‘ਤੇ ਲਿਿਖਆ ਹੈ ‘ਜਹਾਂ ਆਪਣੇ ਵੱਡੇ ਭਰਾ ਦਾ ਸਵਾਗਤ ਕਰਨ ਲਈ ਤਿਆਰ ਹੈ, ਜਿਸਦਾ ਜਨਮ 1 ਸਤੰਬਰ, 2025 ਨੂੰ ਹੋਇਆ ਹੈ।’
ਇਸ ਪੋਸਟ ਦੇ ਨਾਲ, ਗੌਹਰ ਨੇ ਆਪਣੇ ਦੋਸਤਾਂ, ਪਰਿਵਾਰ ਅਤੇ ਰਿਸ਼ਤੇਦਾਰਾਂ ਦੀਆਂ ਪ੍ਰਾਰਥਨਾਵਾਂ ਦਾ ਧੰਨਵਾਦ ਕੀਤਾ ਹੈ। ਗੌਹਰ ਖਾਨ ਅਤੇ ਜ਼ੈਦ ਦਰਬਾਰ ਦਾ ਵਿਆਹ 25 ਦਸੰਬਰ, 2020 ਨੂੰ ਹੋਇਆ ਸੀ। ਉਨ੍ਹਾਂ ਨੇ 10 ਮਈ ਨੂੰ 2023 ਨੂੰ ਆਪਣੇ ਪਹਿਲੇ ਬੱਚੇ ਜਹਾਂ ਦਾ ਸਵਾਗਤ ਕੀਤਾ। ਗੌਹਰ ਨੇ 2009 ਦੀ ਫਿਲਮ ‘ਰਾਕੇਟ ਸਿੰਘ: ਸੇਲਜ਼ਮੈਨ ਆਫ ਦਿ ਈਅਰ’ ਨਾਲ ਬਾਲੀਵੁੱਡ ਵਿੱਚ ਸ਼ੁਰੂਆਤ ਕੀਤੀ। 2013 ਵਿੱਚ, ਉਹ ਰਿਐਲਿਟੀ ਸ਼ੋਅ ‘ਬਿੱਗ ਬੌਸ 7’ ਦੀ ਜੇਤੂ ਬਣੇ।
ਇਸ ਤੋਂ ਬਾਅਦ, ਉਨ੍ਹਾਂ ਨੇ ‘ਇਸ਼ਕਜ਼ਾਦੇ’, ‘ਬਦਰੀਨਾਥ ਕੀ ਦੁਲਹਨੀਆ’, ਅਤੇ ‘ਬੇਗਮ ਜਾਨ’ ਵਰਗੀਆਂ ਕਈ ਫਿਲਮਾਂ ਵਿੱਚ ਕੰਮ ਕੀਤਾ। ਗੌਹਰ ਨੇ ‘ਖਤਰੋਂ ਕੇ ਖਿਲਾੜੀ 5’ ਅਤੇ ‘ਇੰਡੀਆਜ਼ ਰਾਅ ਸਟਾਰ’ ਵਰਗੇ ਟੀ.ਵੀ ਸ਼ੋਅ ਵਿੱਚ ਵੀ ਕੰਮ ਕੀਤਾ ਹੈ। ਜ਼ੈਦ ਦਰਬਾਰ ਸੰਗੀਤਕਾਰ ਇਸਮਾਈਲ ਦਰਬਾਰ ਦੇ ਪੁੱਤਰ ਹਨ। ਜ਼ੈਦ ਇੱਕ ਕੋਰੀਓਗ੍ਰਾਫਰ ਅਤੇ ਸੋਸ਼ਲ ਮੀਡੀਆ ਪ੍ਰਭਾਵਕ ਹਨ।
