ਮੁੰਬਈ : ਫ਼ਿਲਮ ਡੂ ਯੂ ਵਾਨਾ ਪਾਰਟਨਰ (Do You Wanna Partner) ਦਾ ਟ੍ਰੇਲਰ ਇੱਕ ਜੋਸ਼ੀਲੀ ਧੁਨ ਦੇ ਨਾਲ ਸ਼ੁਰੂ ਹੁੰਦਾ ਹੈ, ਜੋ ਸਾਨੂੰ ਦੋ ਚੰਗੀਆਂ ਸਹੇਲੀਆਂ ਸ਼ਿਖਾ (ਤਮੰਨਾ ਭਾਟੀਆ) ਅਤੇ ਅਨਾਹਿਤਾ (ਡਾਇਨਾ ਪੈਂਟੀ) ਦੀ ਜ਼ਿੰਦਗੀ ਦੀ ਝਲਕ ਦਿਖਾਉਂਦਾ ਹੈ। ਇਹ ਦੋਵੇਂ ਸਹੇਲੀਆਂ ਆਪਣਾ ਖੁਦ ਦਾ ਕਰਾਫਟ ਬੀਅਰ ਬ੍ਰਾਂਡ ਲਾਂਚ ਕਰਨ ਦੇ ਇੱਕ ਜ਼ਬਰਦਸਤ ਆਈ.ਡੀ.ਏ. ਦੇ ਨਾਲ ਸਟਾਰਟ-ਅੱਪ ਦੀ ਦੁਨੀਆ ਵਿੱਚ ਕਦਮ ਰੱਖਦੀਆਂ ਹਨ। ਇਸ ਤੋਂ ਬਾਅਦ ਸ਼ੁਰੂ ਹੁੰਦਾ ਹੈ ਇੱਕ ਮਜ਼ੇਦਾਰ ਅਤੇ ਹਾਈ-ਐਨਰਜੀ ਸਫ਼ਰ, ਜਿਸ ਵਿੱਚ ਬੀਅਰ ਦੇ ਦਿੱਗਜਾਂ, ਮਾਫੀਆ ਅਤੇ ਅਜਿਹੇ-ਅਜਿਹੇ ‘ਜੁਗਾੜ’ ਸਾਹਮਣੇ ਆਉਂਦੇ ਹਨ, ਜਿਨ੍ਹਾਂ ਦੀ ਉਨ੍ਹਾਂ ਨੇ ਕਦੇ ਕਲਪਨਾ ਵੀ ਨਹੀਂ ਕੀਤੀ ਸੀ।
ਸੁਪਨਾ ਸਾਕਾਰ ਹੋਣ ਤੋਂ ਪਹਿਲਾਂ ਹੀ ਚਕਨਾਚੂਰ ਹੋ ਜਾਵੇਗਾ?
ਪਰ ਸਵਾਲ ਇਹ ਹੈ, ਕੀ ਉਹ ਇਹ ਧਾਰਨਾ ਤੋੜ ਸਕਣਗੀਆਂ ਕਿ ਔਰਤਾਂ ਬੀਅਰ ਨਹੀਂ ਬਣਾ ਸਕਦੀਆਂ? ਕੀ ਉਹ ਆਪਣੇ ਬੁਣੇ ਹੋਏ ਜਾਲ ਵਿੱਚੋਂ ਨਿਕਲ ਸਕਣਗੀਆਂ? ਜਾਂ ਉਨ੍ਹਾਂ ਦਾ ਸੁਪਨਾ ਪੂਰਾ ਹੋਣ ਤੋਂ ਪਹਿਲਾਂ ਹੀ ਟੁੱਟ ਜਾਵੇਗਾ? ‘ਡੂ ਯੂ ਵਾਨਾ ਪਾਰਟਨਰ’ ਉਨ੍ਹਾਂ ਡੂੰਘੇ, ਭਾਵਨਾਤਮਕ ਤੌਰ ‘ਤੇ ਗੁੰਝਲਦਾਰ, ਫਿਰ ਵੀ ਮਜ਼ੇਦਾਰ ਸ਼ੋਅ ਵਿੱਚੋਂ ਇੱਕ ਹੈ, ਜਿਸਦਾ ਮੈਂ ਹਿੱਸਾ ਰਹੀ ਹਾਂ। ਜੋ ਗੱਲ ਇਸਨੂੰ ਸੱਚਮੁੱਚ ਖਾਸ ਬਣਾਉਂਦੀ ਹੈ, ਉਹ ਇਹ ਹੈ ਕਿ ਇਹ ਮਹਿਲਾ ਮਿੱਤਰਤਾ ਅਤੇ ਭੈਣਚਾਰੇ ਦੀ ਭਾਵਨਾ ਦਾ ਜਸ਼ਨ ਮਨਾਉਂਦੀ ਹੈ, ਬਿਨਾਂ ਇਸਨੂੰ ਇਸਤਰੀ-ਪੁਰਸ਼ ਦੇ ਟਕਰਾਅ ਦੀ ਕਹਾਣੀ ਬਣਾਏ। ਅਦਾਕਾਰਾ ਤਮੰਨਾ ਭਾਟੀਆ ਨੇ ਕਿਹਾ ਕਿ ਇਹ ਦੋਸਤੀ, ਸੰਘਰਸ਼ ਅਤੇ ਸਭ ਤੋਂ ਪਾਗਲ ਵਿਚਾਰਾਂ ਨੂੰ ਹਕੀਕਤ ਵਿੱਚ ਬਦਲਣ ਦੀ ਹਿੰਮਤ ਦਾ ਜਸ਼ਨ ਹੈ।
ਅਨਾਹਿਤਾ ਦੀ ਭੂਮਿਕਾ ਨਿਭਾਉਣਾ
ਅਦਾਕਾਰਾ ਡਾਇਨਾ ਪੈਂਟੀ ਨੇ ਕਿਹਾ ਕਿ ਅਨਾਹਿਤਾ ਦਾ ਕਿਰਦਾਰ ਨਿਭਾਉਣਾ, ਇੱਕ ਅਜਿਹੀ ਔਰਤ ਜੋ ਆਪਣੇ ਸੁਪਨਿਆਂ ਨੂੰ ਸਾਕਾਰ ਕਰਨ ਲਈ ਪੂਰੇ ਧੀਰਜ ਅਤੇ ਹਿੰਮਤ ਨਾਲ ਅੱਗੇ ਵਧਦੀ ਹੈ, ਆਪਣੀ ਸਭ ਤੋਂ ਚੰਗੀ ਦੋਸਤ ਦਾ ਸਾਥ ਨਿਭਾਉਂਦੀ ਹੈ ਅਤੇ ਉੱਦਮਤਾ ਦੇ ਰਾਹ ਵਿੱਚ ਆਉਣ ਵਾਲੀਆਂ ਸਾਰੀਆਂ ਚੁਣੌਤੀਆਂ ਦਾ ਸਾਹਮਣਾ ਕਰਦੀ ਹੈ, ਮੇਰੇ ਲਈ ਰੋਮਾਂਚਕ ਅਤੇ ਤਾਕਤਵਰ ਅਨੁਭਵ ਰਿਹਾ ਹੈ। ਇਹ ਸੀਰੀਜ਼ ਅਸਲ ਵਿੱਚ ਪਿਆਰ ਅਤੇ ਜਨੂੰਨ ਨਾਲ ਬਣੀ ਹੈ, ਜਿਸਨੂੰ ਇੱਕ ਸ਼ਾਨਦਾਰ ਕਲਾਕਾਰਾਂ ਅਤੇ ਕਰੂ ਨੇ ਜੀਵੰਤ ਕੀਤਾ ਹੈ। ਮੈਨੂੰ ਇੰਤਜ਼ਾਰ ਹੈ ਕਿ ਦੁਨੀਆ ਭਰ ਦੇ ਦਰਸ਼ਕ ਇਸ ਕਹਾਣੀ ਨੂੰ ਦੇਖਣ, ਜੋ ਸਿਰਫ਼ ਵਪਾਰਕ ਭਾਈਵਾਲੀ ਹੀ ਨਹੀਂ ਸਗੋਂ ਦੋਸਤੀ ਦੇ ਅਟੁੱਟ ਬੰਧਨ ਦਾ ਵੀ ਜਸ਼ਨ ਮਨਾਉਂਦੀ ਹੈ।
