ਮੁੰਬਈ: ਦਿਲਜੀਤ ਦੋਸਾਂਝ (Diljit Dosanjh) ਜੋ ਇਨ੍ਹੀਂ ਦਿਨੀਂ ਅਪਣੇ ਦਿਲ ਲੂਮਿਨੇਟੀ ਇੰਡੀਆ ਟੂਰ 2024 (Dil Luminati India Tour 2024) ਨੂੰ ਲੈ ਕੇ ਰੁੱਝੇ ਹੋਏ ਹਨ, ਹਮੇਸ਼ਾ ਹੋਰ ਚੀਜ਼ਾਂ ਲਈ ਲਈ ਵੀ ਸਮਾਂ ਕੱਢਦੇ ਹਨ। ਕੰਸਰਟ ਦੇ ਵਿਚਕਾਰ, ਗਾਇਕ-ਅਦਾਕਾਰ ਨਾ ਸਿਰਫ ਹਿੰਦੀ ਅਤੇ ਪੰਜਾਬੀ ਗੀਤਾਂ ਲਈ ਗਾਣਾ ਅਤੇ ਪਲੇਬੈਕ ਕਰ ਰਹੇ ਹਨ, ਬਲਕਿ ਆਪਣੀਆਂ ਲਾਈਨ-ਅੱਪ ਫਿਲਮਾਂ ਦੀ ਸ਼ੂਟਿੰਗ ਵੀ ਪੂਰੀ ਕਰ ਰਹੇ ਹਨ। ਇਸ ਤੋਂ ਇਲਾਵਾ ਵਰੁਣ ਧਵਨ, ਵਾਮਿਕਾ ਗੱਬੀ ਅਤੇ ਕੀਰਤੀ ਸੁਰੇਸ਼ ਸਟਾਰਰ ਫਿਲਮ ਬੇਬੀ ਜੌਨ ਦਾ ਦਿਲਜੀਤ ਦਾ ਨਵਾਂ ਗੀਤ ‘ਨੈਣ ਮਟੱਕਾ’ ਅੱਜ ਰਿਲੀਜ਼ ਹੋ ਗਿਆ ਹੈ। ਅੱਜ ਗੀਤ ਰਿਲੀਜ਼ ਹੁੰਦੇ ਹੀ ਦਿਲਜੀਤ ਨੇ ਆਪਣੇ ਇੰਸਟਾਗ੍ਰਾਮ ਪ੍ਰੋਫਾਈਲ ‘ਤੇ ‘ਬੇਬੀ ਜੌਨ’ ਦੀ ਕਾਸਟ ਨਾਲ ਇਕ ਮਜ਼ੇਦਾਰ ਵੀਡੀਓ ਸ਼ੇਅਰ ਕੀਤੀ।
ਵੀਡੀਓ ‘ਚ ਦਿਲਜੀਤ ਦੋਸਾਂਝ ਨੂੰ ਵੈਨਿਟੀ ਵੈਨ ‘ਚ ਬੈਠੇ ਦੇਖਿਆ ਜਾ ਸਕਦਾ ਹੈ, ਜਦ ਕਿ ਵਰੁਣ ਅੰਦਰ ਆਉਂਦੇ ਹਨ ਅਤੇ ਪੰਜਾਬੀ ਗਾਇਕ ਤੋਂ ਆਪਣੇ ਗਾਣੇ ਨੂੰ ਪ੍ਰਮੋਟ ਕਰਨ ਦੀ ਬੇਨਤੀ ਕਰਦੇ ਹਨ। ਦਿਲਜੀਤ ਉਦੋਂ ਵਰੁਣ ਦੀ ਬੇਨਤੀ ਨੂੰ ਖਾਰਿਜ ਕਰਦੇ ਹੋਏ ਅਪਣੇ ਵਿਅਸਤ ਸ਼ਡਿਊਲ ਦਾ ਹਵਾਲਾ ਦਿੰਦੇ ਹਨ। ਹਾਲਾਂਕਿ, ਜਿਵੇਂ ਹੀ ‘ਬੇਬੀ ਜੌਨ’ ਦੀ ਲੀਡ ਅਦਾਕਾਰਾ ਕੀਰਤੀ ਸੁਰੇਸ਼ ਨੇ ਬੇਨਤੀ ਕੀਤੀ, ਦਿਲਜੀਤ ਨੇ ਨਾ ਸਿਰਫ ਅਜਿਹਾ ਕਰਨ ਲਈ ਹਾਮੀ ਭਰ ਦਿੱਤੀ, ਸਗੋਂ ਸੁਰੇਸ਼ ਨਾਲ ਡਾਂਸ ਵੀ ਕੀਤਾ। ਇੰਸਟਾਗ੍ਰਾਮ ਯੂਜ਼ਰਸ ਫਨੀ ਵੀਡੀਓ ਨੂੰ ਕਾਫੀ ਪਸੰਦ ਕਰ ਰਹੇ ਹਨ।
ਦਿਲਜੀਤ ਨੇ ਕੈਪਸ਼ਨ ‘ਚ ਲਿਖਿਆ, ‘ਇਹ ਪ੍ਰਮੋਸ਼ਨਲ ਰੀਲ ਖਾਸ ਤੌਰ ‘ਤੇ ਮੇਰੇ ਭਰਾ @varundvn ਭਾਜੀ @musicthamann @keerthysureshofficial ਲਈ ਹੈ, ਜੋ 25 ਦਸੰਬਰ 2024 ਨੂੰ ਸਿਨੇਮਾਘਰਾਂ ‘ਚ ਰਿਲੀਜ਼ ਹੋਵੇਗੀ। ਵਰੁਣ ਧਵਨ ਨੇ ਉਨ੍ਹਾਂ ਦਾ ਧੰਨਵਾਦ ਕੀਤਾ ਅਤੇ ਲਿਖਿਆ, ‘ਲਵ ਯੂ ਪਾਜੀ, ਇਸ ਧਮਾਕੇਦਾਰ ਗੀਤ ਲਈ ਧੰਨਵਾਦ। .’
