ਜੈਪੁਰ : ਰਾਜਸਥਾਨ ਦੇ ਲਈ ਆਉਣ ਵਾਲਾ ਸੈਨਾ ਦਿਵਸ 2026 ਕੁਝ ਖਾਸ ਹੋਵੇਗਾ। ਅਗਲੇ ਸਾਲ 15 ਜਨਵਰੀ ਨੂੰ ਪਹਿਲੀ ਵਾਰ ਜੈਪੁਰ ਵਿੱਚ ਸੈਨਾ ਦਿਵਸ ਪਰੇਡ ਦਾ ਆਯੋਜਨ ਕੀਤਾ ਜਾਵੇਗਾ। ਇਹ ਐਲਾਨ ਮੁੱਖ ਮੰਤਰੀ ਭਜਨਲਾਲ ਸ਼ਰਮਾ ਨੇ ਬੀਤੇ ਦਿਨ ਫੌਜ ਅਤੇ ਰਾਜ ਸਰਕਾਰ ਦੇ ਅਧਿਕਾਰੀਆਂ ਨਾਲ ਇੱਕ ਮੀਟਿੰਗ ਵਿੱਚ ਕੀਤਾ। ਇਹ ਸਿਰਫ਼ ਇੱਕ ਪਰੇਡ ਨਹੀਂ ਹੋਵੇਗੀ, ਸਗੋਂ ਰਾਜਸਥਾਨ ਦੀ ਬਹਾਦਰੀ ਅਤੇ ਭਾਰਤ ਦੇ ਮਾਣ ਦਾ ਜਸ਼ਨ ਹੋਵੇਗਾ। ਹੁਣ ਤੱਕ ਇਹ ਪਰੇਡ ਸਿਰਫ਼ ਦਿੱਲੀ ਵਿੱਚ ਸੈਨਾ ਦੇ ਅਹਾਤੇ ਵਿੱਚ ਹੁੰਦੀ ਸੀ, ਪਰ ਇਸ ਵਾਰ ਇਹ ਆਮ ਲੋਕਾਂ ਵਿੱਚ ਆਯੋਜਿਤ ਕੀਤੀ ਜਾਵੇਗੀ।
ਪਰੇਡ ਵਿੱਚ ਦੇਖੀ ਜਾਵੇਗੀ ਰਾਜਸਥਾਨੀ ਸੱਭਿਆਚਾਰਕ ਝਲਕ
ਮੁੱਖ ਮੰਤਰੀ ਨੇ ਕਿਹਾ ਕਿ ਇਹ ਆਯੋਜਨ ਨੌਜਵਾਨਾਂ ਵਿੱਚ ਦੇਸ਼ ਭਗਤੀ ਦੀ ਭਾਵਨਾ ਨੂੰ ਹੋਰ ਮਜ਼ਬੂਤ ਕਰੇਗਾ। ਇਸ ਦੇ ਨਾਲ ਹੀ ਇਹ ਦੁਨਿਆ ਨੂੰ ਇੱਕ ਬਦਲ ਰਹੇ ਭਾਰਤ ਦਾ ਚਿਹਰਾ ਵੀ ਦਿਖਾਏਗਾ, ਜੋ ਆਪਣੀ ਵਿਰਾਸਤ ਅਤੇ ਆਧੁਨਿਕਤਾ ਦੋਹਾਂ ਨੂੰ ਇਕੱਠੇ ਲੈ ਕੇ ਚੱਲ ਰਿਹਾ ਹੈ। ਮੁੱਖ ਮੰਤਰੀ ਨੇ ਅਧਿਕਾਰੀਆਂ ਨੂੰ ਨਿਰਦੇਸ਼ ਦਿੱਤੇ ਹਨ ਕਿ ਇਸ ਪਰੇਡ ਨੂੰ ਸ਼ਾਨਦਾਰ ਬਣਾਇਆ ਜਾਵੇ। ਇਸ ਕਾਰਜਕ੍ਰਮ ਵਿੱਚ ਰਾਜਸਥਾਨ ਦੀ ਅਮੀਰ ਸੱਭਿਆਚਾਰਕ ਵਿਰਾਸਤ ਨੂੰ ਵੀ ਇਸ ਪ੍ਰੋਗਰਾਮ ਵਿੱਚ ਝਲਕਣਾ ਚਾਹੀਦਾ ਹੈ। ਉਨ੍ਹਾਂ ਨੇ ਕਿਹਾ, ‘ਭਾਰਤੀ ਫੌਜ ਦਾ ਕੁਰਬਾਨੀ ਅਤੇ ਬਹਾਦਰੀ ਦੁਨਿਆ ਭਰ ਵਿੱਚ ਬੇਮਿਸਾਲ ਹੈ। ਸਾਡੇ ਬਹਾਦਰ ਸੈਨੀਕਾਂ ਨੇ ਹਮੇਸ਼ਾਂ ਦੇਸ਼ ਦੇ ਸਨਮਾਨ ਅਤੇ ਗਰੂਰ ਲਈ ਸੱਬ ਕੁਝ ਨਿਓਛਾਵਰ ਕਰਨ ਨੂੰ ਤਿਆਰ ਰਹੇ ਹਨ।’
ਜੈਪੁਰ ਕਲੈਕਟਰ ਨੂੰ ਦਿੱਤੀ ਗਈ ਮਹੱਤਵਪੂਰਨ ਜ਼ਿੰਮੇਵਾਰੀ
ਸਕੂਲ ਅਤੇ ਕਾਲਜ ਦੇ ਵਿਦਿਆਰਥੀਆਂ, ਸੈਲਾਨੀਆਂ ਅਤੇ ਆਮ ਲੋਕਾਂ ਨੂੰ ਵੱਡੀ ਗਿਣਤੀ ਵਿੱਚ ਇਸ ਵੱਡੇ ਸਮਾਗਮ ਵਿੱਚ ਸ਼ਾਮਲ ਹੋਣ ਲਈ ਉਤਸ਼ਾਹਿਤ ਕੀਤਾ ਜਾਵੇਗਾ। ਮੁੱਖ ਮੰਤਰੀ ਨੇ ਅਧਿਕਾਰੀਆਂ ਨੂੰ ਪਰੇਡ ਲਈ ਅਜਿਹੀ ਜਗ੍ਹਾ ਚੁਣਨ ਦੇ ਨਿਰਦੇਸ਼ ਦਿੱਤੇ, ਜਿੱਥੇ ਵੱਧ ਤੋਂ ਵੱਧ ਲੋਕ ਆਰਾਮ ਨਾਲ ਬੈਠ ਕੇ ਦੇਖ ਸਕਣ। ਜੈਪੁਰ ਦੇ ਜ਼ਿਲ੍ਹਾ ਕਲੈਕਟਰ ਜਤਿੰਦਰ ਕੁਮਾਰ ਸੋਨੀ ਨੂੰ ਇਸ ਸਮਾਗਮ ਲਈ ਇੱਕ ਵਿਸਤ੍ਰਿਤ ਕਾਰਜ ਯੋਜਨਾ ਬਣਾਉਣ ਅਤੇ ਆਵਾਜਾਈ ਨੂੰ ਸੁਚਾਰੂ ਰੱਖਣ ਦੀ ਜ਼ਿੰਮੇਵਾਰੀ ਸੌਂਪੀ ਗਈ ਹੈ।
ਕੀ ਖਾਸ ਹੋਵੇਗਾ?
ਲੈਫਟੀਨੈਂਟ ਜਨਰਲ ਮਨਿੰਦਰ ਸਿੰਘ ਨੇ ਕਿਹਾ ਕਿ ਪਰੇਡ ਦਾ ਉਦੇਸ਼ ਨੌਜਵਾਨਾਂ ਨੂੰ ਪ੍ਰੇਰਿਤ ਕਰਨਾ ਅਤੇ ਫੌਜ ਨੂੰ ਆਮ ਲੋਕਾਂ ਦੇ ਨੇੜੇ ਲਿਆਉਣਾ ਹੈ। ਪਰੇਡ ਤੋਂ ਪਹਿਲਾਂ, ਰਾਜ ਭਰ ਵਿੱਚ ਕਈ ਪ੍ਰੋਗਰਾਮ ਆਯੋਜਿਤ ਕੀਤੇ ਜਾਣਗੇ, ਜਿਵੇਂ ਕਿ ਖੂਨਦਾਨ ਕੈਂਪ, ਸਨਮਾਨ ਦੌੜਾਂ, ਸਾਈਕਲ ਰੈਲੀਆਂ ਅਤੇ “ਆਪਣੀ ਫੌਜ ਨੂੰ ਜਾਣੋ” ਵਰਗੀਆਂ ਪ੍ਰਦਰਸ਼ਨੀਆਂ।
15 ਜਨਵਰੀ ਨੂੰ ਹੋਣ ਵਾਲੀ ਮੁੱਖ ਪਰੇਡ ਵਿੱਚ, ਦਰਸ਼ਕਾਂ ਨੂੰ ਪੈਦਲ ਸੈਨਾ, ਟੈਂਕ, ਤੋਪਾਂ, ਮਿਜ਼ਾਈਲਾਂ, ਫੌਜ ਦੇ ਬੈਂਡ ਅਤੇ ਮੋਟਰਸਾਈਕਲ ਸਟੰਟ ਦੇਖਣ ਨੂੰ ਮਿਲਣਗੇ। ਇਸ ਦੇ ਨਾਲ, ਫੌਜ ਦੀ ਤਾਕਤ ਅਤੇ ਸੱਭਿਆਚਾਰਕ ਵਿਰਾਸਤ ਨੂੰ ਪ੍ਰਦਰਸ਼ਿਤ ਕਰਨ ਲਈ ਇੱਕ ਵਿਸ਼ੇਸ਼ ਸ਼ੌਰਿਆ ਸੰਧਿਆ ਦਾ ਵੀ ਆਯੋਜਨ ਕੀਤਾ ਜਾਵੇਗਾ।
ਇਸ ਸਮਾਗਮ ਰਾਹੀਂ, ਰਾਜਸਥਾਨ ਵਿੱਚ ਫੌਜ ਪ੍ਰਤੀ ਸਤਿਕਾਰ ਅਤੇ ਦੇਸ਼ ਭਗਤੀ ਦਾ ਮਾਹੌਲ ਮਜ਼ਬੂਤ ਹੋਵੇਗਾ।
