ਭੂਲ ਭੁਲਾਇਆ ਸੀਰੀਜ਼ ਦੀ ਫਿਲਮ ‘ਭੂਲ ਭੁਲਾਇਆ 3’ ਇਕ ਵਾਰ ਫਿਰ ਹਿੱਟ ਸਾਬਤ ਹੋ ਰਹੀ ਹੈ। ਦੀਵਾਲੀ ਦੇ ਮੌਕੇ ‘ਤੇ ਰਿਲੀਜ਼ ਹੋਈ ਫਿਲਮ ‘ਭੂਲ ਭੁਲਾਇਆ 3’ ਨੇ ਬਾਕਸ ਆਫਿਸ ‘ਤੇ 200 ਕਰੋੜ ਰੁਪਏ ਦਾ ਅੰਕੜਾ ਪਾਰ ਕਰ ਲਿਆ ਹੈ।
ਫਿਲਮ ਦਾ ਵਿਸ਼ਵਵਿਆਪੀ ਕਲੈਕਸ਼ਨ 300 ਕਰੋੜ ਰੁਪਏ ਨੂੰ ਪਾਰ ਕਰ ਗਿਆ ਹੈ ਅਤੇ ਇਹ ਸਿਲਸਿਲਾ ਅਜੇ ਵੀ ਜਾਰੀ ਹੈ। ਤਾਂ ਆਓ ਜਾਣਦੇ ਹਾਂ ਇਸ ਫਿਲਮ ਨੇ ਹੁਣ ਤੱਕ ਕਾਰਤਿਕ ਆਰੀਅਨ ਦੀਆਂ ਪਿੱਛਲੀ ਫਿਲਮਾਂ ਦੇ ਕਿਹੜੇ-ਕਿਹੜੇ ਰਿਕਾਰਡ ਤੋੜੇ ਹਨ। ਫਿਲਮ ਭੂਲ ਭੁਲਾਇਆ 3 ਦਾ ਓਪਨਿੰਗ ਡੇ ਕਲੈਕਸ਼ਨ 36 ਕਰੋੜ ਰੁਪਏ ਸੀ, ਜੋ ਕਿ ਕਿਸੇ ਵੀ ਕਾਰਤਿਕ ਆਰੀਅਨ ਫਿਲਮ ਦੁਆਰਾ ਰਿਲੀਜ਼ ਦੇ ਦਿਨ ਕੀਤਾ ਗਿਆ ਸਭ ਤੋਂ ਵੱਧ ਕਲੈਕਸ਼ਨ ਹੈ। ਇਸ ਤੋਂ ਪਹਿਲਾਂ ਭੁੱਲ ਭੁਲਾਈਆ 2 ਨੇ 14 ਕਰੋੜ 11 ਲੱਖ ਰੁਪਏ ਦਾ ਕਾਰੋਬਾਰ ਕੀਤਾ ਸੀ, ਜੋ ਹੁਣ ਤੱਕ ਦਾ ਸਭ ਤੋਂ ਵੱਧ ਸੀ।
ਓਪਨਿੰਗ ਵੀਕੈਂਡ ਕਲੈਕਸ਼ਨ ਦੀ ਗੱਲ ਕਰੀਏ ਤਾਂ ਇਸ ਮਾਮਲੇ ‘ਚ ਵੀ ‘ਭੂਲ ਭੁਲਾਇਆ 3’ ਪਹਿਲੇ ਨੰਬਰ ‘ਤੇ (110.20 ਕਰੋੜ) ਆ ਗਈ ਹੈ। ਇਸ ਤੋਂ ਪਹਿਲਾਂ ‘ਭੂਲ ਭੁਲਾਇਆ 2’ ਨੇ 55 ਕਰੋੜ 96 ਲੱਖ ਰੁਪਏ ਦਾ ਕਾਰੋਬਾਰ ਕੀਤਾ ਸੀ, ਜੋ ਹੁਣ ਤੱਕ ਦਾ ਸਭ ਤੋਂ ਵੱਧ ਸੀ।
‘ਭੂਲ ਭੁਲਾਇਆ 3’ ਦਾ ਨਾਂ ਵੀ ਸਭ ਤੋਂ ਤੇਜ਼ੀ ਨਾਲ 100 ਕਰੋੜ ਦਾ ਅੰਕੜਾ ਛੂਹਣ ਵਾਲੀਆਂ ਫਿਲਮਾਂ ‘ਚ ਸ਼ਾਮਲ ਹੈ। ਇਸ ਨੇ ਸਿਰਫ 3 ਦਿਨਾਂ ‘ਚ 100 ਕਰੋੜ ਰੁਪਏ ਦਾ ਅੰਕੜਾ ਛੂਹ ਲਿਆ ਹੈ। ਇਸ ਮਾਮਲੇ ‘ਚ ਡੌਂਕੀ, ਫਾਈਟਰ, ਏਕ ਥਾ ਟਾਈਗਰ ਅਤੇ 3 ਇਡੀਅਟਸ ਵਰਗੀਆਂ ਫਿਲਮਾਂ ਪਿੱਛੇ ਰਹਿ ਗਈਆਂ ਹਨ।
