ਲੁਧਿਆਣਾ: ਜੂਨ ਦੇ ਆਖਰੀ ਦਿਨਾਂ ਵਿੱਚ ਮਾਨਸੂਨ ਨੇ ਭਾਵੇਂ ਇੱਕ ਹਫ਼ਤੇ ਵਿੱਚ ਦਸਤਕ ਦਿੱਤੀ ਹੋਵੇ ਪਰ ਸੂਬੇ ਦੇ ਕਈ ਹਿੱਸਿਆਂ ਵਿੱਚ ਮੀਂਹ ਨਾ ਪੈਣ ਕਾਰਨ ਨਮੀ ਅਤੇ ਗਰਮੀ ਬਰਕਰਾਰ ਰਹੀ। ਮੌਸਮ ਵਿਭਾਗ ਅਨੁਸਾਰ ਅਗਲੇ 4 ਦਿਨਾਂ ਦੌਰਾਨ ਪੰਜਾਬ ਵਿੱਚ ਮੀਂਹ ਪੈਣ ਦੀ ਸੰਭਾਵਨਾ ਹੈ। ਕੱਲ੍ਹ ਦੇ ਮੁਕਾਬਲੇ ਤਾਪਮਾਨ ਵਿੱਚ 3.3 ਡਿਗਰੀ ਸੈਲਸੀਅਸ ਦਾ ਵਾਧਾ ਦਰਜ ਕੀਤਾ ਗਿਆ ਹੈ। ਹਾਲਾਂਕਿ ਇਹ ਔਸਤ ਤਾਪਮਾਨ ਤੋਂ 2.7 ਡਿਗਰੀ ਸੈਲਸੀਅਸ ਘੱਟ ਹੈ। ਸੂਬੇ ਵਿੱਚ ਵੱਧ ਤੋਂ ਵੱਧ ਤਾਪਮਾਨ ਗੁਰਦਾਸਪੁਰ ਵਿੱਚ 36.5 ਡਿਗਰੀ ਸੈਲਸੀਅਸ ਦਰਜ ਕੀਤਾ ਗਿਆ।
ਪਿਛਲੇ 24 ਘੰਟਿਆਂ ਦੌਰਾਨ ਸਮਾਣਾ, ਗੁਰਦਾਸਪੁਰ, ਰੋਪੜ, ਖਰੜ, ਫਾਜ਼ਿਲਕਾ, ਅੰਮ੍ਰਿਤਸਰ, ਬਲਾਚੌਰ, ਦਸੂਹਾ, ਤਲਵੰਡੀ ਭਾਈ, ਨਵਾਂਸ਼ਹਿਰ, ਅਜਨਾਲਾ, ਜ਼ੀਰਾ, ਮਾਧੋਪੁਰ, ਨੰਗਲ, ਸ਼ਾਹਪੁਰ ਆਦਿ ਖੇਤਰਾਂ ਵਿੱਚ ਮੀਂਹ ਪਿਆ।
