ਲੁਧਿਆਣਾ : ਚੋਣ ਪ੍ਰਚਾਰ ਖਤਮ ਹੋਣ ਤੋਂ ਪਹਿਲਾਂ, ਕਾਂਗਰਸ ਉਮੀਦਵਾਰ ਭਾਰਤ ਭੂਸ਼ਣ ਆਸ਼ੂ ਦੇ ਆਰਤੀ ਚੌਕ ਤੋਂ ਘੁਮਾਰ ਮੰਡੀ ਚੌਕ ਤੱਕ ਹੋਏ ਰੋਡ ਸ਼ੋਅ ਨੇ ਕਾਂਗਰਸ ਦੀ ਜਿੱਤ ਦੇ ਸੰਕੇਤ ਦਿੱਤੇ ਅਤੇ ਵਿਰੋਧੀਆਂ ਦੇ ਜਿੱਤ ਦੇ ਦਾਅਵਿਆਂ ਦੀ ਪੋਲ ਖੋਲ੍ਹ ਦਿੱਤੀ। ਹਜ਼ਾਰਾਂ ਨੌਜਵਾਨ ਹੱਥਾਂ ਵਿੱਚ ਕਾਂਗਰਸ ਦੇ ਝੰਡੇ ਅਤੇ ਗੱਡੀਆਂ ਦਾ ਕਾਫਲਾ ਲੈ ਕੇ ਦੱਸ ਰਹੇ ਸਨ ਕਿ ਪੱਛਮੀ ਹਲਕੇ ਵਿੱਚ ਕਾਂਗਰਸ ਦੀ ਲਹਿਰ ਆ ਗਈ ਹੈ।
ਆਸ਼ੂ ਦੇ ਨਾਲ, ਭੁਪੇਸ਼ ਬਘੇਲ, ਸਾਬਕਾ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ, ਰਾਣਾ ਗੁਰਜੀਤ ਸਿੰਘ, ਵਿਧਾਇਕ ਪ੍ਰਗਟ ਸਿੰਘ, ਵਿਜੇ ਇੰਦਰ ਸਿੰਗਲਾ ਅਤੇ ਕਾਂਗਰਸ ਦੀ ਹੋਰ ਸੀਨੀਅਰ ਲੀਡਰਸ਼ਿਪ ਨੇ ਰੋਡ ਸ਼ੋਅ ਵਿੱਚ ਲੋਕਾਂ ਦਾ ਸਵਾਗਤ ਸਵੀਕਾਰ ਕੀਤਾ। ਦੁਕਾਨਦਾਰਾਂ ਨੇ ਸਵਾਗਤ ਲਈ ਸਟੇਜ ਲਗਾਈ ਅਤੇ ਆਸ਼ੂ ‘ਤੇ ਵਿਜੇ ਸ਼੍ਰੀ ਫੁੱਲਾਂ ਦੀ ਵਰਖਾ ਕੀਤੀ।
