ਚੰਡੀਗੜ੍ਹ: ਹਰਿਆਣਾ ਵਿੱਚ 72 ਕਰੋੜ ਰੁਪਏ ਦੇ ਧੋਖਾਧੜੀ ਦੇ ਮਾਮਲੇ ਵਿੱਚ ਈ.ਡੀ ਨੇ ਬੀਤੇ ਦਿਨ ਸਾਬਕਾ ਅਧਿਕਾਰੀ ਸੁਨੀਲ ਕੁਮਾਰ ਬਾਂਸਲ ਅਤੇ ਸਾਬਕਾ ਵਿਧਾਇਕ ਰਾਮਨਿਵਾਸ ਸੁਰਜਾਖੇੜਾ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਉਨ੍ਹਾਂ ‘ਤੇ ਐਚ.ਐਸ.ਵੀ.ਪੀ. (ਹਰਿਆਣਾ ਅਰਬਨ ਡਿਵੈਲਪਮੈਂਟ ਅਥਾਰਟੀ) ਵਿੱਚ ਵੈਟ ਰਿਫੰਡ ਧੋਖਾਧੜੀ ਦਾ ਦੋਸ਼ ਹੈ। ਈ.ਡੀ ਨੇ ਦੋਵਾਂ ਨੂੰ ਪੰਚਕੂਲਾ ਦੇ ਵਧੀਕ ਜੱਜ ਦੀ ਅਦਾਲਤ ਵਿੱਚ ਪੇਸ਼ ਕਰ 5 ਦਿਨਾਂ ਦਾ ਰਿਮਾਂਡ ਲੈ ਲਿਆ ਹੈ।
ਜਾਣਕਾਰੀ ਅਨੁਸਾਰ, ਐਚ.ਐਸ.ਵੀ.ਪੀ. ਅਧਿਕਾਰੀਆਂ ਨੇ ਖੁਦ ਬਿਲਡਰਾਂ ਦੀ ਮਦਦ ਨਾਲ ਆਪਣੇ ਜਾਣਕਾਰਾਂ ਲਈ ਸਸਤੇ ਭਾਅ ‘ਤੇ ਕਈ ਪਲਾਟ ਖਰੀਦੇ। ਫਿਰ ਉਨ੍ਹਾਂ ਨੇ ਉਨ੍ਹਾਂ ਨੂੰ ਬਾਜ਼ਾਰ ਵਿੱਚ ਵੱਧ ਕੀਮਤ ‘ਤੇ ਵੇਚ ਦਿੱਤਾ। ਜਾਂਚ ਵਿੱਚ ਇਹ ਵੀ ਸਾਹਮਣੇ ਆਇਆ ਹੈ ਕਿ ਧੋਖਾਧੜੀ 72 ਕਰੋੜ ਰੁਪਏ ਤੱਕ ਸੀਮਤ ਨਹੀਂ ਹੈ ਬਲਕਿ ਕਈ ਗੁਣਾ ਜ਼ਿਆਦਾ ਹੋ ਸਕਦੀ ਹੈ। ਇਸ ਮਾਮਲੇ ਵਿੱਚ, ਈ.ਡੀ ਨੇ ਪਹਿਲਾਂ ਲਗਭਗ 21 ਕਰੋੜ ਰੁਪਏ ਦੀ ਜਾਇਦਾਦ ਜ਼ਬਤ ਕੀਤੀ ਸੀ। ਇਹ ਵੀ ਸਾਹਮਣੇ ਆਇਆ ਹੈ ਕਿ ਇਹ ਧੋਖਾਧੜੀ ਗੁਰੂਗ੍ਰਾਮ, ਫਰੀਦਾਬਾਦ, ਸੋਨੀਪਤ, ਰੇਵਾੜੀ, ਕਰਨਾਲ, ਪੰਚਕੂਲਾ ਅਤੇ ਹਿਸਾਰ ਦੇ ਬਿਲਡਰਾਂ ਨਾਲ ਜੁੜੀ ਹੋਈ ਹੈ।
