ਲਖਨਊ: ਉੱਤਰ ਪ੍ਰਦੇਸ਼ ਸਰਕਾਰ ਨੇ ਆਪ੍ਰੇਸ਼ਨ ਸਿੰਦੂਰ ਤੋਂ ਬਾਅਦ ਸਮੂਹਿਕ ਵਿਆਹ ਯੋਜਨਾ ਵਿੱਚ ਵੱਡੇ ਬਦਲਾਅ ਕੀਤੇ ਹਨ। ਹੁਣ ਇਸ ਯੋਜਨਾ ਤਹਿਤ ਸਿੰਦੂਰ (ਸਿੰਦੂਰਦਾਨ) ਵੀ ਲੜਕੀਆਂ ਨੂੰ ਦਿੱਤਾ ਜਾਵੇਗਾ। ਇਸ ਤੋਂ ਇਲਾਵਾ, ਲਾਭਪਾਤਰੀ ਪਰਿਵਾਰ ਦੀ ਆਮਦਨ ਸੀਮਾ 2 ਲੱਖ ਰੁਪਏ ਤੋਂ ਵਧਾ ਕੇ 3 ਲੱਖ ਰੁਪਏ ਕਰ ਦਿੱਤੀ ਗਈ ਹੈ।
ਸਰਕਾਰ ਨੇ ਪ੍ਰਤੀ ਜੋੜਾ ਖਰਚ ਵੀ 51,000 ਰੁਪਏ ਤੋਂ ਵਧਾ ਕੇ 1 ਲੱਖ ਰੁਪਏ ਕਰ ਦਿੱਤਾ ਹੈ। ਇਸ ਲਈ ਇਕ ਸਰਕਾਰੀ ਆਦੇਸ਼ ਜਾਰੀ ਕੀਤਾ ਗਿਆ ਹੈ। ਯੋਜਨਾ ਤਹਿਤ, ਲੜਕੀ ਦੇ ਮਾਪਿਆਂ ਦਾ ਉੱਤਰ ਪ੍ਰਦੇਸ਼ ਦੇ ਮੂਲ ਨਿਵਾਸੀ ਹੋਣਾ ਲਾਜ਼ਮੀ ਹੈ। ਉਮਰ ਦੇ ਸਬੂਤ ਲਈ ਸਕੂਲ ਰਿਕਾਰਡ, ਜਨਮ ਸਰਟੀਫਿਕੇਟ, ਵੋਟਰ ਆਈ.ਡੀ, ਮਨਰੇਗਾ ਜੌਬ ਕਾਰਡ ਜਾਂ ਆਧਾਰ ਕਾਰਡ ਵੈਧ ਹੋਵੇਗਾ।
ਵਿਧਵਾ ਔਰਤ ਦੀ ਧੀ ਨੂੰ ਮਿਲੇਗੀ ਪਹਿਲ
ਇਸ ਯੋਜਨਾ ਵਿੱਚ, ਬੇਸਹਾਰਾ ਕੁੜੀ, ਵਿਧਵਾ ਔਰਤ ਦੀ ਧੀ, ਅਪਾਹਜ ਮਾਪਿਆਂ ਦੀ ਧੀ ਅਤੇ ਅਪਾਹਜ ਧੀਆਂ ਨੂੰ ਪਹਿਲ ਦਿੱਤੀ ਜਾਵੇਗੀ। ਵਿਆਹ ਡੀ.ਐਮ (ਜ਼ਿਲ੍ਹਾ ਮੈਜਿਸਟਰੇਟ) ਦੀ ਨਿਗਰਾਨੀ ਹੇਠ ਕਰਵਾਇਆ ਜਾਵੇਗਾ, ਜਿਸਦੀ ਨਿਗਰਾਨੀ ਸਮਾਜ ਭਲਾਈ ਅਧਿਕਾਰੀ ਕਰਨਗੇ।
ਇਸ ਯੋਜਨਾ ਦੇ ਤਹਿਤ ਲਾਭ
60,000 ਰੁਪਏ ਧਭਠ ਰਾਹੀਂ ਲੜਕੀ ਦੇ ਖਾਤੇ ਵਿੱਚ ਭੇਜੇ ਜਾਣਗੇ।
25,000 ਰੁਪਏ ਦੇ ਵਿਆਹ ਦੇ ਤੋਹਫ਼ੇ ਦਿੱਤੇ ਜਾਣਗੇ।
ਸਮਾਗਮ ਦੀ ਲਾਗਤ ਪ੍ਰਤੀ ਜੋੜਾ 15,000 ਰੁਪਏ ਹੋਵੇਗੀ।
ਇਸ ਤੋਂ ਇਲਾਵਾ, ਵਿਆਹ ਕਰਵਾਉਣ ਵਾਲੇ ਪੁਜਾਰੀ ਜਾਂ ਮੌਲਵੀ ਦੀ ਦਕਸ਼ਿਣਾ ਅਤੇ ਤਨਖਾਹ ਵੀ ਇਸ ਰਕਮ ਵਿੱਚ ਸ਼ਾਮਲ ਕੀਤੀ ਜਾਵੇਗੀ। ਜੇਕਰ ਇਕ ਸਮੇਂ 100 ਜਾਂ ਵੱਧ ਜੋੜੇ ਵਿਆਹੇ ਜਾਂਦੇ ਹਨ, ਤਾਂ ਉੱਥੇ ਜਰਮਨ ਹੈਂਗਰ (ਉੱਚ ਗੁਣਵੱਤਾ ਵਾਲੇ ਪੰਡਾਲ) ਲਗਾਏ ਜਾਣਗੇ।
