ਸਪੋਰਟਸ ਨਿਊਜ਼ : ਇੰਗਲੈਂਡ ਬਨਾਮ ਭਾਰਤ ਟੈਸਟ 2025: ਭਾਰਤ ਦੇ ਨਵੇਂ ਟੈਸਟ ਕਪਤਾਨ ਸ਼ੁਭਮਨ ਗਿੱਲ ਨੇ ਕਿਹਾ ਕਿ ਲਾਲ-ਬਾਲ ਕ੍ਰਿਕਟ ਵਿੱਚ ਦੇਸ਼ ਦੀ ਅਗਵਾਈ ਕਰਨ ਦਾ ਮੌਕਾ ਇਕ ਬਹੁਤ ਵੱਡਾ ਸਨਮਾਨ ਅਤੇ ਇੱਕ ਵਡੀ ਜ਼ਿੰਮੇਵਾਰੀ ਹੈ। ” ਗਿੱਲ ਨੇ ਸੋਸ਼ਲ ਮੀਡੀਆ ਅਕਾਊਂਟਸ ‘ਤੇ BCCI ਦੁਆਰਾ ਸਾਂਝੀ ਕੀਤੀ ਗਈ ਇੱਕ ਛੋਟੀ ਜਿਹੀ ਕਲਿੱਪ ਵਿੱਚ ਕਿਹਾ “ਜਦੋਂ ਇਕ ਛੋਟਾ ਬੱਚਾ ਕ੍ਰਿਕਟ ਖੇਡਣਾ ਸ਼ੁਰੂ ਕਰਦਾ ਹੈ, ਤਾਂ ਉਹ ਭਾਰਤ ਲਈ ਖੇਡਣਾ ਚਾਹੁੰਦਾ ਹੈ। ਨਾ ਸਿਰਫ਼ ਭਾਰਤ ਲਈ ਖੇਡਣਾ, ਸਗੋਂ ਬਹੁਤ ਲੰਬੇ ਸਮੇਂ ਤੱਕ ਭਾਰਤ ਲਈ ਟੈਸਟ ਕ੍ਰਿਕਟ ਖੇਡਣਾ ਚਾਹੁੰਦਾ ਹੈ । ਇਹ ਮੌਕਾ ਪ੍ਰਾਪਤ ਕਰਨਾ ਇਕ ਬਹੁਤ ਵੱਡਾ ਸਨਮਾਨ ਹੈ ਅਤੇ ਜਿਵੇਂ ਕਿ ਤੁਸੀਂ ਕਿਹਾ, ਇਹ ਇਕ ਵੱਡੀ ਜ਼ਿੰਮੇਵਾਰੀ ਹੈ।
ਗਿੱਲ ਟੈਸਟ ਵਿੱਚ ਭਾਰਤ ਲਈ ਇਕ ਓਪਨਰ ਅਤੇ ਨੰਬਰ ਤਿੰਨ ਬੱਲੇਬਾਜ਼ ਵਜੋਂ ਖੇਡੇ ਹਨ ਅਤੇ ਹੁਣ ਰੋਹਿਤ ਸ਼ਰਮਾ ਦੁਆਰਾ ਇਸ ਮਹੀਨੇ ਦੇ ਸ਼ੁਰੂ ਵਿੱਚ ਫਾਰਮੈਟ ਤੋਂ ਸੰਨਿਆਸ ਲੈਣ ਦੇ ਐਲਾਨ ਤੋਂ ਬਾਅਦ ਲੀਡਰਸ਼ਿਪ ਦੀ ਭੂਮਿਕਾ ਨਿਭਾ ਰਹੇ ਹਨ। 32 ਟੈਸਟਾਂ ਵਿੱਚ, ਗਿੱਲ ਨੇ 35.1 ਦੀ ਔਸਤ ਨਾਲ 1,893 ਦੌੜਾਂ ਬਣਾਈਆਂ ਹਨ, ਜਿਸ ਵਿੱਚ ਉਨ੍ਹਾਂ ਦੇ ਨਾਮ ‘ਤੇ ਪੰਜ ਸੈਂਕੜੇ ਅਤੇ ਸੱਤ ਅਰਧ ਸੈਂਕੜੇ ਹਨ। ਗਿੱਲ ਨੂੰ ਕਪਤਾਨ ਬਣਾਏ ਜਾਣ ‘ਤੇ ਮੁੱਖ ਚੋਣਕਾਰ ਅਜੀਤ ਅਗਰਕਰ ਨੇ ਕਿਹਾ, “ਅਸੀਂ ਪਿਛਲੇ ਇਕ ਸਾਲ ਵਿੱਚ ਹਰ ਵਿਕਲਪ ‘ਤੇ ਚਰਚਾ ਕੀਤੀ, ਅਸੀਂ ਸ਼ੁਭਮਨ ਨੂੰ ਕਈ ਵਾਰ ਦੇਖਿਆ ਹੈ। ਡਰੈਸਿੰਗ ਰੂਮ ਤੋਂ ਬਹੁਤ ਫੀਡਬੈਕ ਲਿਆ ਹੈ।
ਭਾਰਤੀ ਟੀਮ ਵਿੱਚ ਗਿੱਲ ਦੇ ਪਿਛਲੇ ਲੀਡਰਸ਼ਿਪ ਦੇ ਤਜ਼ਰਬਿਆਂ ਵਿੱਚ ਪਿਛਲੇ ਸਾਲ ਜ਼ਿੰਬਾਬਵੇ ਵਿੱਚ 4-1 ਟੀ-20 ਸੀਰੀਜ਼ ਅਤੇ ਦੁਬਈ ਵਿੱਚ 2025 ਚੈਂਪੀਅਨਜ਼ ਟਰਾਫੀ ਜਿੱਤਣ ਵਾਲੀ ਟੀਮ ਦਾ ਵਾਈਟ-ਬਾਲ ਉਪ-ਕਪਤਾਨ ਹੋਣਾ ਸ਼ਾਮਲ ਹੈ। ਗਿੱਲ ਟੈਸਟ ਵਿੱਚ ਭਾਰਤ ਲਈ ਇਕ ਓਪਨਰ ਅਤੇ ਨੰਬਰ ਤਿੰਨ ਬੱਲੇਬਾਜ਼ ਵਜੋਂ ਖੇਡ ਚੁੱਕੇ ਹਨ, ਅਤੇ ਹੁਣ ਰੋਹਿਤ ਸ਼ਰਮਾ ਦੁਆਰਾ ਇਸ ਮਹੀਨੇ ਦੇ ਸ਼ੁਰੂ ਵਿੱਚ ਫਾਰਮੈਟ ਤੋਂ ਸੰਨਿਆਸ ਲੈਣ ਦੇ ਐਲਾਨ ਤੋਂ ਬਾਅਦ ਲੀਡਰਸ਼ਿਪ ਦੀ ਭੂਮਿਕਾ ਨਿਭਾ ਰਹੇ ਹਨ। 32 ਟੈਸਟਾਂ ਵਿੱਚ, ਗਿੱਲ ਨੇ 35.1 ਦੀ ਔਸਤ ਨਾਲ 1893 ਦੌੜਾਂ ਬਣਾਈਆਂ ਹਨ, ਜਿਸ ਵਿੱਚ ਉਨ੍ਹਾਂ ਦੇ ਨਾਮ ਪੰਜ ਸੈਂਕੜੇ ਅਤੇ ਸੱਤ ਅਰਧ ਸੈਂਕੜੇ ਹਨ।
25 ਸਾਲਾ ਗਿੱਲ ਇਸ ਸਮੇਂ ਗੁਜਰਾਤ ਟਾਈਟਨਸ ਦੀ ਅਗਵਾਈ ਕਰ ਰਹੇ ਹਨ। ਜੋ ਆਈ.ਪੀ.ਐਲ. 2025 ਦੇ ਅੰਕ ਸੂਚੀ ਵਿੱਚ ਸਿਖਰ ‘ਤੇ ਹੈ ਅਤੇ ਪਲੇਆਫ ਵਿੱਚ ਖੇਡਣ ਲਈ ਤਿਆਰ ਹਨ। ਉਨ੍ਹਾਂ ਦੇ ਜੀ.ਟੀ ਸਾਥੀਆਂ ਅਤੇ ਕੋਚਿੰਗ ਸਟਾਫ ਦੇ ਮੈਂਬਰਾਂ ਨੇ ਗਿੱਲ ਦੇ ਸੰਜਮ, ਸ਼ਾਂਤ ਅਤੇ ਰਣਨੀਤਕ ਹੁਨਰ ਦੀ ਪ੍ਰਸ਼ੰਸਾ ਕੀਤੀ ਹੈ। ਟੀਮ ਵਿੱਚ ਕਰੁਣ ਨਾਇਰ ਸੱਤ ਸਾਲਾਂ ਬਾਅਦ ਟੈਸਟ ਟੀਮ ਵਿੱਚ ਵਾਪਸ ਆ ਰਹੇ ਹਨ, ਜਦੋਂ ਕਿ ਅਰਸ਼ਦੀਪ ਸਿੰਘ ਅਤੇ ਬੀ ਸਾਈ ਸੁਧਰਸਨ ਨੂੰ ਪਹਿਲੀ ਵਾਰ ਟੈਸਟ ਟੀਮ ਵਿੱਚ ਸ਼ਾਮਲ ਕੀਤਾ ਗਿਆ ਹੈ। ਤਜਰਬੇਕਾਰ ਤੇਜ਼ ਗੇਂਦਬਾਜ਼ ਮੁਹੰਮਦ ਸ਼ਮੀ ਲਈ ਕੋਈ ਜਗ੍ਹਾ ਨਹੀਂ ਹੈ, ਜਿਸ ਬਾਰੇ ਅਗਰਕਰ ਨੇ ਕਿਹਾ ਕਿ ਉਹ ਟੈਸਟ ਕ੍ਰਿਕਟ ਖੇਡਣ ਦੀਆਂ ਮੁਸ਼ਕਲਾਂ ਨੂੰ ਸੰਭਾਲਣ ਲਈ ਪੂਰੀ ਤਰ੍ਹਾਂ ਫਿੱਟ ਨਹੀਂ ਹਨ।
