Sports News : ਕੋਲਕਾਤਾ ਨਾਈਟ ਰਾਈਡਰਜ਼ ਅਤੇ ਰਾਇਲ ਚੈਲੇਂਜਰਜ਼ ਬੰਗਲੌਰ ਵਿਚਕਾਰ ਬੀਤੇ ਦਿਨ ਮੈਚ ਮੀਂਹ ਕਾਰਨ ਰੱਦ ਕਰ ਦਿੱਤਾ ਗਿਆ, ਜਿਸ ਤੋਂ ਬਾਅਦ ਕੇ.ਕੇ.ਆਰ. ਇਸ ਸੀਜ਼ਨ ਤੋਂ ਬਾਹਰ ਹੋਣ ਵਾਲੀ ਚੌਥੀ ਟੀਮ ਬਣ ਗਈ। ਕੇ.ਕੇ.ਆਰ. ਦਾ ਪ੍ਰਦਰਸ਼ਨ ਇਸ ਸੀਜ਼ਨ ਵਿੱਚ ਬਹੁਤ ਮਾੜਾ ਰਿਹਾ ਹੈ। ਜਿਸ ਕਾਰਨ ਇਨ੍ਹਾਂ 5 ਖਿਡਾਰੀਆਂ ਨੂੰ IPL 2026 ਤੋਂ ਪਹਿਲਾਂ ਬਾਹਰ ਦਾ ਰਸਤਾ ਦਿਖਾਇਆ ਜਾ ਸਕਦਾ ਹੈ।
ਕੇ.ਕੇ.ਆਰ. ਨੇ ਆਲਰਾਊਂਡਰ ਵੈਂਕਟੇਸ਼ ਅਈਅਰ ਨੂੰ ਟੀਮ ਵਿੱਚ ਸ਼ਾਮਲ ਕਰਨ ਲਈ 23.75 ਕਰੋੜ ਰੁਪਏ ਦੀ ਵੱਡੀ ਰਕਮ ਖਰਚ ਕੀਤੀ ਸੀ। ਪਰ ਇਸ ਸਾਲ ਉਹ 11 ਮੈਚਾਂ ਵਿੱਚ 20.28 ਦੀ ਔਸਤ ਨਾਲ ਸਿਰਫ਼ 142 ਦੌੜਾਂ ਹੀ ਬਣਾ ਸਕਿਆ। ਇਸ ਦੇ ਨਾਲ ਹੀ, ਉਸਨੇ ਇਸ ਸੀਜ਼ਨ ਵਿੱਚ ਇਕ ਵੀ ਓਵਰ ਨਹੀਂ ਸੁੱਟਿਆ।
ਇਨਸਾਈਡਸਪੋਰਟ ਦੇ ਅਨੁਸਾਰ, ਵਿਕਟਕੀਪਰ ਬੱਲੇਬਾਜ਼ ਕੁਇੰਟਨ ਡੀ ਕੌਕ ਨੇ ਸਿਰਫ਼ ਇਕ ਮੈਚ ਵਿੱਚ 97 ਦੌੜਾਂ ਦੀ ਪਾਰੀ ਖੇਡੀ। ਇਸ ਤੋਂ ਬਾਅਦ ਉਹ ਕੁਝ ਖਾਸ ਨਹੀਂ ਕਰ ਸਕੇ। ਜਿਸ ਤੋਂ ਬਾਅਦ ਟੀਮ ਨੇ ਉਨ੍ਹਾਂ ਨੂੰ ਬੈਂਚ ‘ਤੇ ਬਿਠਾ ਦਿੱਤਾ। ਅਜਿਹੀ ਸਥਿਤੀ ਵਿੱਚ, ਕੇ.ਕੇ.ਆਰ. ਅਗਲੇ ਸਾਲ ਤੋਂ ਪਹਿਲਾਂ ਡੀ ਕੌਕ ਨੂੰ ਵੀ ਰਿਲੀਜ਼ ਕਰ ਸਕਦਾ ਹੈ।
ਰਿੰਕੂ ਸਿੰਘ ਨੂੰ ਕੇ.ਕੇ.ਆਰ. ਨੇ ਇਸ ਸੀਜ਼ਨ ਲਈ 13 ਕਰੋੜ ਰੁਪਏ ਵਿੱਚ ਰਿਟੇਨ ਕੀਤਾ ਸੀ। ਪਰ ਇਸ ਸਾਲ ਉਹ ਕੁਝ ਖਾਸ ਨਹੀਂ ਕਰ ਸਕਿਆ ਹੈ। ਉਨ੍ਹਾਂ ਨੇ 10 ਮੈਚਾਂ ਵਿੱਚ ਸਿਰਫ਼ 197 ਦੌੜਾਂ ਬਣਾਈਆਂ ਹਨ। ਨਾਲ ਹੀ, ਜਿਸ ਨੰਬਰ ‘ਤੇ ਉਹ ਬੱਲੇਬਾਜ਼ੀ ਕਰ ਰਹੇ ਹਨ, ਉਨ੍ਹਾਂ ਨੂੰ ਮੈਚ ਵਿੱਚ ਪ੍ਰਭਾਵ ਪਾਉਣ ਲਈ ਜ਼ਿਆਦਾ ਓਵਰ ਨਹੀਂ ਮਿਲ ਰਹੇ ਹਨ।
ਆਲਰਾਉਂਡਰ ਮੋਇਨ ਅਲੀ ਨੂੰ ਇਸ ਸਾਲ 6 ਮੈਚਾਂ ਵਿੱਚ ਮੌਕਾ ਮਿਲਿਆ ਹੈ। ਇਸ ਦੌਰਾਨ, ਉਨ੍ਹਾਂ ਨੇ 6 ਵਿਕਟਾਂ ਲਈਆਂ ਹਨ। ਮੋਇਨ ਨੂੰ ਇਸ ਸੀਜ਼ਨ ਵਿੱਚ ਬੱਲੇਬਾਜ਼ੀ ਕਰਨ ਦਾ ਜ਼ਿਆਦਾ ਮੌਕਾ ਨਹੀਂ ਮਿਲਿਆ। ਟੀਮ ਉਨ੍ਹਾਂ ਨੂੰ ਸੁਨੀਲ ਨਾਰਾਈਨ ਅਤੇ ਵਰੁਣ ਚੱਕਰਵਰਤੀ ਦੇ ਬਦਲ ਵਜੋਂ ਵਰਤ ਰਹੀ ਸੀ।
ਰੋਵਮੈਨ ਪਾਵੇਲ ਨੂੰ ਇਸ ਸਾਲ ਕੇ.ਕੇ.ਆਰ. ਵੱਲੋਂ ਜ਼ਿਆਦਾ ਮੌਕਾ ਨਹੀਂ ਦਿੱਤਾ ਗਿਆ ਹੈ। ਉਨ੍ਹਾਂ ਨੇ ਸਿਰਫ਼ ਦੋ ਮੈਚ ਖੇਡੇ ਹਨ। ਜਿਨ੍ਹਾਂ ਵਿੱਚੋਂ ਉਨ੍ਹਾਂ ਨੇ ਸਿਰਫ਼ ਇਕ ਮੈਚ ਵਿੱਚ ਬੱਲੇਬਾਜ਼ੀ ਕੀਤੀ ਹੈ। ਜਿੰਨਾ ਚਿਰ ਕੇ.ਕੇ.ਆਰ. ਕੋਲ ਆਂਦਰੇ ਰਸਲ ਹੈ, ਪਾਵੇਲ ਲਈ ਮੌਕਾ ਮਿਲਣਾ ਮੁਸ਼ਕਲ ਹੈ। ਅਜਿਹੀ ਸਥਿਤੀ ਵਿੱਚ, ਕੇ.ਕੇ.ਆਰ. ਉਨ੍ਹਾਂ ਨੂੰ ਅਗਲੇ ਸੀਜ਼ਨ ਤੋਂ ਪਹਿਲਾਂ ਰਿਲੀਜ਼ ਕਰ ਸਕਦਾ ਹੈ।
