ਦੌਸਾ : ਕਾਂਗਰਸ ਨੇਤਾ ਰਾਹੁਲ ਗਾਂਧੀ ਦੇ ਗੁਜਰਾਤ ‘ਚ ਦਿੱਤੇ ਬਿਆਨ ਦਾ ਦੌਸਾ ਤੋਂ ਵਿਧਾਇਕ ਡੀ.ਸੀ ਬੈਰਵਾ ਨੇ ਸਮਰਥਨ ਕੀਤਾ ਹੈ। ਰਾਹੁਲ ਗਾਂਧੀ ਦੇ ਸ਼ਬਦਾਂ ਨੂੰ ਦੁਹਰਾਉਂਦਿਆਂ ਉਨ੍ਹਾਂ ਕਿਹਾ ਕਿ ਕਾਂਗਰਸ ‘ਚ ਦੋਗਲੇ ਲੋਕ ਹਨ, ਉਨ੍ਹਾਂ ਦੀ ਛਾਂਟੀ ਕੀਤੀ ਜਾਣੀ ਚਾਹੀਦੀ ਹੈ ਅਤੇ ਉਨ੍ਹਾਂ ਨੂੰ ਬਾਹਰ ਦਾ ਰਸਤਾ ਦਿਖਾਇਆ ਜਾਣਾ ਚਾਹੀਦਾ ਹੈ। ਅਜਿਹੇ ਬਹੁਤ ਸਾਰੇ ਲੋਕ ਹਨ ਜੋ ਕਾਂਗਰਸ ਦੀ ਚਾਪਲੂਸੀ ਵੀ ਕਰਦੇ ਹਨ ਅਤੇ ਕਾਂਗਰਸ ਵਿਰੁੱਧ ਬਗਾਵਤ ਵੀ ਕਰਦੇ ਹਨ। ਵਿਧਾਇਕ ਦੇ ਬਿਆਨ ਤੋਂ ਬਾਅਦ ਸਥਾਨਕ ਸੰਗਠਨ ‘ਚ ਹਲਚਲ ਮਚ ਗਈ ਹੈ। ਕਿਆਸ ਲਗਾਏ ਜਾ ਰਹੇ ਹਨ ਕਿ ਉਹ ਦੌਸਾ ਦੇ ਕਿਹੜੇ ਲੋਕਾਂ ਦਾ ਜ਼ਿਕਰ ਕਰ ਰਹੇ ਹਨ।
ਸਹੀ ਫ਼ੈਸਲੇ ਲਏ ਗਏ ਤਾਂ ਵੱਡੇ ਮਗਰਮੱਛ ਵੀ ਫੜੇ ਜਾਣਗੇ
ਇਸ ਮਾਮਲੇ ‘ਚ ਭਜਨ ਲਾਲ ਸ਼ਰਮਾ ਸਰਕਾਰ ਦੇ ਫ਼ੈਸਲੇ ਦੀ ਸ਼ਲਾਘਾ ਕਰਦਿਆਂ ਵਿਧਾਇਕ ਡੀ.ਸੀ ਬੈਰਵਾ ਨੇ ਵੀ ਪੇਪਰ ਲੀਕ ਮਾਮਲੇ ‘ਤੇ ਬੋਲਦਿਆਂ ਕਿਹਾ ਕਿ ਜੇਕਰ ਸਰਕਾਰ ਸਹੀ ਫ਼ੈੈਸਲਾ ਲੈਂਦੀ ਹੈ ਤਾਂ ਵੱਡੇ ਮਗਰਮੱਛ ਫੜੇ ਜਾ ਸਕਦੇ ਹਨ। ਉਨ੍ਹਾਂ ਇਹ ਗੱਲ ਪੇਪਰ ਲੀਕ ਮਾਫੀਆ ਹਰਸ਼ਵਰਧਨ ਮੀਨਾ ਨੂੰ ਬਰਖਾਸਤ ਕਰਨ ‘ਤੇ ਬੋਲਦਿਆਂ ਕਹੀ।
ਭਜਨ ਲਾਲ ਸਰਕਾਰ ਜੋ ਕਰ ਰਹੀ ਹੈ, ਉਹ ਠੀਕ ਹੈ: ਵਿਧਾਇਕ
ਉਨ੍ਹਾਂ ਨੇ ਪੇਪਰ ਲੀਕ ਮਾਫੀਆ ਹਰਸ਼ਵਰਧਨ ਮੀਨਾ ਦੇ ਮਾਮਲੇ ‘ਚ ਉਨ੍ਹਾਂ ਕਿਹਾ ਕਿ ਮੇਰਾ ਮੰਨਣਾ ਹੈ ਕਿ ਗਹਿਲੋਤ ਸਰਕਾਰ ‘ਚ ਪੇਪਰ ਲੀਕ ਹੋਏ ਅਤੇ ਇਹ ਸਹੀ ਨਹੀਂ ਹੈ। ਬੇਰੁਜ਼ਗਾਰੀ ਇੰਨੀ ਵੱਧ ਗਈ ਹੈ ਅਤੇ ਫਿਰ ਅਜਿਹੇ ਪੇਪਰ ਲੀਕ ਹੋਣ ਕਾਰਨ ਨੌਜਵਾਨਾਂ ਦਾ ਭਵਿੱਖ ਖਰਾਬ ਹੋ ਗਿਆ ਹੈ। ਜੋ ਸਰਕਾਰ ਇਹ ਫ਼ੈੈਸਲਾ ਲੈ ਰਹੀ ਹੈ, ਉਹ ਸਹੀ ਕੰਮ ਕਰ ਰਹੀ ਹੈ ਅਤੇ ਵੱਡੇ ਮਗਰਮੱਛਾਂ ਨੂੰ ਫੜਿਆ ਜਾਣਾ ਚਾਹੀਦਾ ਹੈ।
