ਅਸਾਮ : ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ 14 ਮਾਰਚ ਤੋਂ ਦੇ ਤਿੰਨ ਦਿਨਾਂ ਦੌਰੇ ‘ਤੇ ਜਾਣਗੇ। ਆਪਣੀ ਯਾਤਰਾ ਦੌਰਾਨ ਸ਼ਾਹ ਕੋਕਰਾਝਾਰ ਵਿੱਚ ਆਲ ਬੋਡੋ ਸਟੂਡੈਂਟਸ ਯੂਨੀਅਨ (ਏ.ਬੀ.ਐਸ.ਯੂ.) ਦੇ ਸਾਲਾਨਾ ਸੰਮੇਲਨ ਨੂੰ ਸੰਬੋਧਨ ਕਰਨਗੇ ਅਤੇ ਡੇਰਗਾਓਂ ਵਿੱਚ ਲਾਚਿਤ ਬੋਰਫੁਕਨ ਪੁਲਿਸ ਅਕੈਡਮੀ ਦਾ ਉਦਘਾਟਨ ਕਰਨਗੇ।
ਅਧਿਕਾਰੀਆਂ ਨੇ ਅੱਜ ਯਾਨੀ ਬੁੱਧਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਸ਼ਾਹ 15 ਮਾਰਚ ਨੂੰ ਪੁਲਿਸ ਅਕੈਡਮੀ ਦਾ ਉਦਘਾਟਨ ਕਰਨਗੇ ਅਤੇ ਫਿਰ ਮਿਜ਼ੋਰਮ ਲਈ ਰਵਾਨਾ ਹੋਣਗੇ। ਇਸ ਤੋਂ ਬਾਅਦ ਉਹ ਰਾਤ ਭਰ ਰਹਿਣ ਲਈ ਗੁਹਾਟੀ ਵਾਪਸ ਆ ਜਾਣਗੇ। ਉਨ੍ਹਾਂ ਕਿਹਾ ਕਿ ਉਹ ਅਗਲੇ ਦਿਨ ਏ.ਬੀ.ਐਸ.ਯੂ. ਦੀ 57ਵੀਂ ਸਲਾਨਾ ਕਾਨਫਰੰਸ ਨੂੰ ਸੰਬੋਧਨ ਕਰਨਗੇ ਅਤੇ ਦਿੱਲੀ ਵਾਪਸ ਆ ਜਾਣਗੇ।
