ਨਵੀਂ ਦਿੱਲੀ : ਅਦਾਕਾਰ ਟਾਈਗਰ ਸ਼ਰਾਫ ਅੱਜ ਆਪਣਾ 35ਵਾਂ ਜਨਮਦਿਨ ਮਨਾ ਰਹੇ ਹਨ। ਅਦਾਕਾਰ ਦਾ ਇਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਸਾਹਮਣੇ ਆਇਆ ਹੈ, ਜਿਸ ‘ਚ ਉਹ ਆਪਣੀ ਟੀਮ ‘ਚ ਕੇਕ ਕੱਟ ਰਹੇ ਹਨ। ਟਾਈਗਰ ਸ਼ਰਾਫ ਦੇ ਹੇਅਰ ਸਟਾਈਲਿਸਟ ਅਮਿਤ ਯਸ਼ਵੰਤ ਨੇ ਆਪਣੇ ਇੰਸਟਾਗ੍ਰਾਮ ‘ਤੇ ਇਕ ਵੀਡੀਓ ਸ਼ੇਅਰ ਕੀਤਾ ਹੈ, ਜਿਸ ‘ਚ ਅਦਾਕਾਰ ਕੇਕ ਕੱਟਦੇ ਨਜ਼ਰ ਆ ਰਹੇ ਹਨ ਅਤੇ ਉਨ੍ਹਾਂ ਦੀ ਪੂਰੀ ਟੀਮ ਉਨ੍ਹਾਂ ਨੂੰ ਵਧਾਈ ਦੇ ਰਹੀ ਹੈ। ਅਮਿਤ ਨੇ ਸ਼ੇਅਰ ਕੀਤੀ ਵੀਡੀਓ ਦੇ ਕੈਪਸ਼ਨ ‘ਚ ਲਿ ਖਿਆ, ‘ਜਨਮਦਿਨ ਮੁਬਾਰਕ ਭਰਾ। ’’
ਵੀਡੀਓ ‘ਚ ਟਾਈਗਰ ਕੇਕ ਕੱਟਦੇ ਅਤੇ ਖੁਦ ਖਾਂਦੇ ਅਤੇ ਟੀਮ ਨਾਲ ਹੱਸਦੇ ਅਤੇ ਮਜ਼ਾਕ ਕਰਦੇ ਹੋਏ ਕੈਮਰੇ ‘ਚ ਕੈਦ ਹੋ ਗਏ। ਐਕਸ਼ਨ ‘ਚ ਪਰਫੈਕਟ ਡਾਂਸਰ ਦੇ ਤੌਰ ‘ਤੇ ਮਸ਼ਹੂਰ ਅਦਾਕਾਰ ਟਾਈਗਰ ਸ਼ਰਾਫ ਦੇ ਅਦਾਕਾਰੀ ਕਰੀਅਰ ਨੂੰ ਦੇਖਦੇ ਹੋਏ ਉਨ੍ਹਾਂ ਨੂੰ ਸਾਜਿਦ ਨਾਡੀਆਡਵਾਲਾ ਨੇ ‘ਹੀਰੋਪੰਤੀ’ ਨਾਲ ਲਾਂਚ ਕੀਤਾ ਸੀ। ਇਸ ਫਿਲਮ ਵਿੱਚ ਟਾਈਗਰ ਦੇ ਨਾਲ ਕ੍ਰਿਤੀ ਸੈਨਨ ਮੁੱਖ ਭੂਮਿਕਾ ਵਿੱਚ ਸਨ। ਪਹਿਲੀ ਫਿਲਮ ਵਿੱਚ ਹੀ ਉਨ੍ਹਾਂ ਦੇ ਨੱਚਣ ਦੇ ਹੁਨਰ ਅਤੇ ਅਦਾਕਾਰੀ ਦੀ ਪ੍ਰਸ਼ੰਸਾ ਕੀਤੀ ਗਈ ਸੀ। ਇਹ ਫਿਲਮ ਨਾ ਸਿਰਫ ਬਾਕਸ ਆਫਿਸ ‘ਤੇ ਸਫ਼ਲ ਰਹੀ ਬਲਕਿ ਟਾਈਗਰ ਨੂੰ ਫਿਲਮ ਲਈ ਸਰਬੋਤਮ ਪੁਰਸ਼ ਡੈਬਿਊ ਲਈ ਫਿਲਮਫੇਅਰ ਅਵਾਰਡ ਵੀ ਮਿ ਲਿਆ।
‘ਹੀਰੋਪੰਤੀ’ ਤੋਂ ਬਾਅਦ ਟਾਈਗਰ ‘ਵਾਰ’, ‘ਛੋਟੇ ਮੀਆਂ ਬੜੇ ਮੀਆਂ’, ‘ਬਾਗੀ’, ‘ਬਾਗੀ 2’, ‘ਬਾਗੀ 3’, ‘ਮੁੰਨਾ ਮਾਈਕਲ’, ‘ਗਣਪਤ’, ‘ਸਟੂਡੈਂਟ ਆਫ ਦਿ ਈਅਰ 2’, ‘ਹੀਰੋਪੰਤੀ 2’ ਵਰਗੀਆਂ ਫਿਲਮਾਂ ‘ਚ ਨਜ਼ਰ ਆਏ। ਟਾਈਗਰ ਜਲਦੀ ਹੀ ਐਕਸ਼ਨ ਨਾਲ ਭਰਪੂਰ ‘ਬਾਗੀ’ ਫ੍ਰੈਂਚਾਇਜ਼ੀ ਬਾਗੀ 4 ‘ਚ ਨਜ਼ਰ ਆਉਣਗੇ। ਫਿਲਮ ਵਿੱਚ ਸੰਜੇ ਦੱਤ, ਸੋਨਮ ਬਾਜਵਾ ਅਤੇ ਹਰਨਾਜ਼ ਸੰਧੂ ਵੀ ਮੁੱਖ ਭੂਮਿਕਾਵਾਂ ਵਿੱਚ ਹਨ। ਏ. ਹਰਸ਼ਾ ਦੇ ਨਿਰਦੇਸ਼ਨ ‘ਚ ਬਣੀ ਬਾਗੀ 4 ਇਸ ਸਾਲ 5 ਸਤੰਬਰ ਨੂੰ ਸਿਨੇਮਾਘਰਾਂ ‘ਚ ਰਿਲੀਜ਼ ਹੋਵੇਗੀ। ਫਿਲਮ ਦਾ ਨਿਰਮਾਣ ਸਾਜਿਦ ਨਾਡੀਆਡਵਾਲਾ ਨੇ ਨਾਡੀਆਡਵਾਲਾ ਗ੍ਰੈਂਡਸਨ ਐਂਟਰਟੇਨਮੈਂਟ ਦੇ ਬੈਨਰ ਹੇਠ ਕੀਤਾ ਹੈ। ਇਹ ਫਿਲਮ ਸਾਬਕਾ ਮਿਸ ਯੂਨੀਵਰਸ ਹਰਨਾਜ਼ ਸੰਧੂ ਦੀ ਬਾਲੀਵੁੱਡ ਡੈਬਿਊ ਹੈ। ਜਾਣਕਾਰੀ ਮੁਤਾਬਕ ਬਾਗੀ 4 ਤੋਂ ਇਲਾਵਾ ਟਾਈਗਰ ਕੋਲ ਹਾਊਸਫੁੱਲ 5 ਵੀ ਹੈ, ਜਿਸ ‘ਚ ਉਨ੍ਹਾਂ ਦੇ ਨਾਲ ਅਦਾਕਾਰ ਅਕਸ਼ੈ ਕੁਮਾਰ ਅਤੇ ਹੋਰ ਸਿਤਾਰੇ ਅਹਿਮ ਭੂਮਿਕਾਵਾਂ ‘ਚ ਹਨ।
