ਚੰਡੀਗੜ੍ਹ: ਹਰਿਆਣਾ ‘ਚ 9 ਨਗਰ ਨਿਗਮਾਂ ਦੀਆਂ ਚੋਣਾਂ ‘ਚ 13 ਕਰੋੜਪਤੀ ਮੇਅਰ ਉਮੀਦਵਾਰ (13 Millionaire Mayoral Candidates) ਚੋਣ ਲੜ ਰਹੇ ਹਨ। ਇਨ੍ਹਾਂ ਵਿਚੋਂ ਸਭ ਤੋਂ ਅਮੀਰ ਸੋਨੀਪਤ ਤੋਂ ਕਾਂਗਰਸ ਦੇ ਉਮੀਦਵਾਰ ਕਮਲ ਦੀਵਾਨ ਹਨ। ਜਿਨ੍ਹਾਂ ਦੀ ਜਾਇਦਾਦ 38 ਕਰੋੜ ਰੁਪਏ ਹੈ। ਦੂਜੇ ਨੰਬਰ ‘ਤੇ ਮਾਨੇਸਰ ਤੋਂ ਭਾਜਪਾ ਦੇ ਸੁੰਦਰ ਲਾਲ ਹੈ , ਜਿਨ੍ਹਾਂ ਕੋਲ 9.82 ਕਰੋੜ ਰੁਪਏ ਦੀ ਜਾਇਦਾਦ ਹੈ। ਤੀਜੇ ਸਥਾਨ ‘ਤੇ 6.51 ਕਰੋੜ ਰੁਪਏ ਦੀ ਜਾਇਦਾਦ ਵਾਲੇ ਕਰਨਾਲ ਤੋਂ ਕਾਂਗਰਸ ਦੇ ਉਮੀਦਵਾਰ ਮਨੋਜ ਵਧਵਾ ਹਨ।
ਸਭ ਤੋਂ ਘੱਟ ਜਾਇਦਾਦ 13.21 ਲੱਖ ਰੁਪਏ ਯਮੁਨਾਨਗਰ ਤੋਂ ਕਾਂਗਰਸ ਉਮੀਦਵਾਰ ਕਿਰਨ ਦੇਵੀ ਦੀ ਹੈ। ਇਸ ਤੋਂ ਬਾਅਦ ਫਰੀਦਾਬਾਦ ਤੋਂ ਭਾਜਪਾ ਉਮੀਦਵਾਰ ਪ੍ਰਵੀਨ ਜੋਸ਼ੀ ਹਨ , ਜਿਸ ਦੇ ਕੋਲ 28.42 ਲੱਖ ਰੁਪਏ ਦੀ ਜਾਇਦਾਦ ਹੈ । ਤੀਜੇ ਨੰਬਰ ‘ਤੇ ਗੁਰੂਗ੍ਰਾਮ ਤੋਂ ਭਾਜਪਾ ਉਮੀਦਵਾਰ ਰਾਜ ਰਾਣੀ ਦੀ ਜਾਇਦਾਦ 36.82 ਲੱਖ ਰੁਪਏ ਹੈ।
ਇਨ੍ਹਾਂ ਤੋਂ ਇਲਾਵਾ 2 ਅਤੇ ਲੱਖਪਤੀ ਉਮੀਦਵਾਰ ਹੈ । ਜਿਨ੍ਹਾਂ ਵਿੱਚ ਮਾਨੇਸਰ ਤੋਂ ਕਾਂਗਰਸ ਉਮੀਦਵਾਰ ਨੀਰਜ ਯਾਦਵ ਦੀ 44.35 ਲੱਖ ਅਤੇ ਅੰਬਾਲਾ ਤੋਂ ਭਾਜਪਾ ਉਮੀਦਵਾਰ ਸ਼ੈਲਜਾ ਸਚਦੇਵਾ ਕੋਲ 65 ਲੱਖ ਰੁਪਏ ਦੀ ਜਾਇਦਾਦ ਹੈ। ਇਨ੍ਹਾਂ ਤੋਂ ਇਲਾਵਾ ਸਾਰੇ ਉਮੀਦਵਾਰ ਕਰੋੜਪਤੀ ਹਨ।
ਕਰਜ਼ਾਈ ਉਮੀਦਵਾਰਾਂ ਦੀ ਗੱਲ ਕਰੀਏ ਤਾਂ ਸਭ ਤੋਂ ਜ਼ਿਆਦਾ 5.71 ਕਰੋੜ ਦਾ ਕਰਜ਼ਾ ਰੋਹਤਕ ਤੋਂ ਭਾਜਪਾ ਉਮੀਦਵਾਰ ਰਾਮ ਅਵਤਾਰ ਵਾਲਮੀਕਿ ‘ਤੇ ਹੈ। ਖਾਸ ਗੱਲ ਇਹ ਹੈ ਕਿ ਉਨ੍ਹਾਂ ਦੀ ਜਾਇਦਾਦ ਇਸ ਕਰਜ਼ੇ ਤੋਂ ਘੱਟ ਯਾਨੀ 5.45 ਕਰੋੜ ਰੁਪਏ ਹੈ। ਦੂਜੇ ਨੰਬਰ ‘ਤੇ ਸੋਨੀਪਤ ਤੋਂ ਕਾਂਗਰਸ ਦੇ ਉਮੀਦਵਾਰ ਕਮਲ ਦੀਵਾਨ ‘ਤੇ 4.60 ਕਰੋੜ ਰੁਪਏ ਦਾ ਕਰਜ਼ਾ ਹੈ । ਤੀਜੇ ਸਥਾਨ ‘ਤੇ 3.42 ਕਰੋੜ ਰੁਪਏ ਦੇ ਕਰਜ਼ੇ ਨਾਲ ਗੁਰੂਗ੍ਰਾਮ ਤੋਂ ਕਾਂਗਰਸ ਉਮੀਦਵਾਰ ਸੀਮਾ ਪਾਹੂਜਾ ਹੈ।
ਦੱਸ ਦੇਈਏ ਕਿ 9 ਕਾਰਪੋਰੇਸ਼ਨਾਂ ਸਮੇਤ 40 ਸਥਾਨਕ ਸੰਸਥਾਵਾਂ ਦੀਆਂ ਜ਼ਿਮਨੀ ਚੋਣਾਂ ਲਈ ਕੁੱਲ 3,062 ਨੇਤਾਵਾਂ ਨੇ ਆਪਣੇ ਨਾਮਜ਼ਦਗੀ ਪੱਤਰ ਦਾਖਲ ਕੀਤੇ ਹਨ। ਇਨ੍ਹਾਂ ‘ਚੋਂ 57 ਨੇ 9 ਨਿਗਮਾਂ ‘ਚ ਮੇਅਰ ਲਈ ਨਾਮਜ਼ਦਗੀ ਪੱਤਰ ਦਾਖਲ ਕੀਤੇ ਹਨ। ਨਗਰ ਕੌਂਸਲ ਪ੍ਰਧਾਨ ਦੇ ਅਹੁਦੇ ਲਈ 271 ਅਤੇ ਕੌਂਸਲਰਾਂ ਲਈ 2734 ਉਮੀਦਵਾਰਾਂ ਨੇ ਨਾਮਜ਼ਦਗੀ ਪੱਤਰ ਦਾਖਲ ਕੀਤੇ ਹਨ।
