ਮੁੰਬਈ : ਬਾਲੀਵੁੱਡ ਅਦਾਕਾਰਾ ਮੋਨਾਲੀਸਾ ਭੋਂਸਲੇ (Bollywood Actress Monalisa Bhosle) ਫਿਲਮ ਇੰਡਸਟਰੀ ‘ਚ ਡੈਬਿਊ ਕਰਨ ਜਾ ਰਹੀ ਹੈ। ਮੋਨਾਲੀਸਾ ਫਿਲਮ ‘ਦਿ ਮਨੀਪੁਰ ਡਾਇਰੀਜ਼’ (The Film ‘The Manipur Diaries’) ਦੀ ਸ਼ੂਟਿੰਗ ਲਈ ਮਹੇਸ਼ਵਰ ਤੋਂ ਮੁੰਬਈ ਰਵਾਨਾ ਹੋ ਗਈ। ਇਸ ਫਿਲਮ ਦੇ ਸਹਾਇਕ ਨਿਰਦੇਸ਼ਕ ਮਹਿੰਦਰ ਲੋਧੀ ਭਵਿੱਖ ਦੀ ਹੀਰੋਇਨ ਲੈਣ ਲਈ ਖੁਦ ਐਮ.ਪੀ ਪਹੁੰਚੇ ਸਨ।
ਇਸ ਦੌਰਾਨ ਉਨ੍ਹਾਂ ਨੇ ਮੋਨਾਲੀਸਾ ਦੇ ਪਰਿਵਾਰ ਨਾਲ ਚਰਚਾ ਕੀਤੀ। ਸਹਾਇਕ ਡਾਇਰੈਕਟਰ ਮਹਿੰਦਰ ਲੋਧੀ ਨੇ ਇਲਾਕੇ ਦੇ ਥਾਣਾ ਇੰਚਾਰਜ ਜਗਦੀਸ਼ ਗੋਇਲ ਨਾਲ ਵੀ ਮੁਲਾਕਾਤ ਕੀਤੀ ਤਾਂ ਜੋ ਮੋਨਾਲੀਸਾ ਅਤੇ ਉਸ ਦੇ ਪਰਿਵਾਰ ਨੂੰ ਸੁਰੱਖਿਅਤ ਪਹੁੰਚਾਇਆ ਜਾ ਸਕੇ। ਮੋਨਾਲੀਸਾ ਜਲਦੀ ਹੀ ਇੱਕ ਵੱਡੇ ਬੈਨਰ ਦੀ ਫਿਲਮ ਵਿੱਚ ਨਜ਼ਰ ਆਉਣ ਵਾਲੀ ਹੈ। ਉਹ ਫਿਲਮ ਦੀ ਸ਼ੂਟਿੰਗ ਤੋਂ ਪਹਿਲਾਂ ਤਿੰਨ ਮਹੀਨੇ ਦੀ ਸਿਖਲਾਈ ਲਵੇਗੀ।
ਮੋਨਾਲੀਸਾ ਆਪਣੇ ਪਰਿਵਾਰ ਨਾਲ ਫਲਾਈਟ ਰਾਹੀਂ ਮੁੰਬਈ ਪਹੁੰਚੇਗੀ। ਫਿਲਮ ‘ਦਿ ਮਨੀਪੁਰ ਡਾਇਰੀਜ਼’ ‘ਚ ਮੋਨਾਲੀਸਾ ਇਕ ਫੌਜੀ ਅਧਿਕਾਰੀ ਦੀ ਬੇਟੀ ਦੇ ਕਿਰਦਾਰ ‘ਚ ਨਜ਼ਰ ਆਵੇਗੀ। ਫਿਲਮ ਵਿੱਚ ਦੀਪਕ ਤਿਜੋਰੀ, ਮੁਕੇਸ਼ ਤਿਵਾੜੀ, ਅਮਿਤ ਰਾਓ ਅਤੇ ਅਨੁਪਮ ਖੇਰ ਵੀ ਹਨ। ਮੋਨਾਲੀਸਾ ਇਸ ਸ਼ੂਟਿੰਗ ਨੂੰ ਲੈ ਕੇ ਕਾਫੀ ਖੁਸ਼ ਨਜ਼ਰ ਆ ਰਹੀ ਹੈ।
