ਅੰਬਾਲਾ: ਹਰਿਆਣਾ ਦੇ ਨਰਾਇਣਗੜ੍ਹ ਜ਼ਿਲ੍ਹੇ (Narayangarh District) ‘ਚ ਬਹੁਜਨ ਸਮਾਜ ਪਾਰਟੀ (ਬਸਪਾ) ਦੇ ਸੂਬਾ ਸਕੱਤਰ ਹਰਬਿਲਾਸ ਰੱਜੂਮਾਜਰਾ (Harbilas Rajjumajra) ਗੋਲੀਬਾਰੀ ਦਾ ਮੁੱਖ ਨਿਸ਼ਾਨੇਬਾਜ਼ ਪੁਲਿਸ ਨਾਲ ਮੁਕਾਬਲੇ ‘ਚ ਮਾਰਿਆ ਗਿਆ ਹੈ। ਉਹ ਮੁਲਾਨਾ ਮਹਾਰਾਣਾ ਪ੍ਰਤਾਪ ਨੈਸ਼ਨਲ ਕਾਲਜ ਨੇੜੇ ਅੰਬਾਲਾ ਪੁਲਿਸ ਅਤੇ ਹਰਿਆਣਾ ਐਸ.ਟੀ.ਐਫ. ਨਾਲ ਮੁਕਾਬਲੇ ਵਿੱਚ ਮਾਰਿਆ ਗਿਆ । ਮੁੱਖ ਨਿਸ਼ਾਨੇਬਾਜ਼ ਸਾਗਰ ਦੀ ਲਾਸ਼ ਨੂੰ ਛਾਉਣੀ ਦੇ ਸਿਵਲ ਹਸਪਤਾਲ ‘ਚ ਰੱਖਿਆ ਗਿਆ ਹੈ। ਇਸ ਦੌਰਾਨ 2 ਤੋਂ 3 ਪੁਲਿਸ ਮੁਲਾਜ਼ਮਾਂ ਦੇ ਜ਼ਖਮੀ ਹੋਣ ਦੀ ਵੀ ਖ਼ਬਰ ਹੈ।
ਬਸਪਾ ਦੇ ਸੂਬਾ ਸਕੱਤਰ ਹਰਬਿਲਾਸ ਦਾ ਗੋਲੀ ਮਾਰ ਕੇ ਕੀਤਾ ਸੀ ਕਤਲ
ਦੱਸਣਯੋਗ ਹੈ ਕਿ ਬੀਤੇ ਦਿਨ ਅੰਬਾਲਾ ਜ਼ਿਲ੍ਹੇ ਦੇ ਨਰਾਿੲਣਗੜ੍ਹ ਇਲਾਕੇ ਵਿੱਚ ਬਸਪਾ ਦੇ ਸੂਬਾ ਸਕੱਤਰ ਹਰਬਿਲਾਸ ਦਾ ਅਣਪਛਾਤੇ ਹਮਲਾਵਰਾਂ ਨੇ ਗੋਲੀ ਮਾਰ ਕੇ ਕਤਲ ਕਰ ਦਿੱਤਾ ਸੀ। ਜਦਕਿ ਉਨ੍ਹਾਂ ਦੇ 2 ਸਾਥੀ ਜ਼ਖਮੀ ਹੋ ਗਏ ਸਨ। ਦੱਸ ਦੇਈਏ ਕਿ ਸ਼ਰਾਰਤੀ ਅਨਸਰਾਂ ਨੇ ਨਰਾਇਣਗੜ੍ਹ ‘ਚ ਬਸਪਾ ਆਗੂ ਹਰਬਿਲਾਸ ਰੱਜੂਮਾਜਰਾ ‘ਤੇ ਹਮਲਾ ਕਰ ਦਿੱਤਾ ਸੀ। ਉਸ ਸਮੇਂ ਉਹ ਆਪਣੇ ਕਿਸੇ ਕੰਮ ਨਾਲ ਇੱਥੇ ਆਏ ਸਨ। ਜਦੋਂ ਹਮਲਾ ਹੋਇਆ ਤਾਂ ਉਹ ਆਪਣੀ ਜਾਨ ਬਚਾਉਣ ਲਈ ਦੁਕਾਨ ਵੱਲ ਭੱਜੇ। ਹਾਲਾਂਕਿ, ਹਮਲਾਵਰਾਂ ਨੇ ਉਨ੍ਹਾਂ ਦਾ ਪਿੱਛਾ ਕੀਤਾ ਅਤੇ ਉਨ੍ਹਾਂ ਨੂੰ ਗੋਲੀ ਮਾਰ ਦਿੱਤੀ, ਜਿਸ ਨਾਲ ਉਹ ਪੌੜੀਆਂ ‘ਤੇ ਡਿੱਗ ਪਏ। ਇਸ ਤੋਂ ਬਾਅਦ ਉਨ੍ਹਾਂ ਦੀ ਛਾਤੀ ‘ਚ ਗੋਲੀਆਂ ਲੱਗੀਆਂ।
5 ਦੋਸ਼ੀ ਗ੍ਰਿਫ਼ਤਾਰ
ਇਸ ਮਾਮਲੇ ‘ਚ ਪੁਲਿਸ ਨੇ ਗੈਂਗਸਟਰ ਵੈਂਕਟ ਗਰਗ, ਅਜੇ, ਅਰੁਣ, ਸਾਹਿਲ, ਮਨੀਸ਼ ਮਿੱਤਲ, ਤੁਸ਼ਾਰ, ਨੇਹਲ ਅਤੇ ਅੰਜੂ ਗਰਗ ਸਮੇਤ 8 ਮੁਲਜ਼ਮਾਂ ਖ਼ਿਲਾਫ਼ ਮਾਮਲਾ ਦਰਜ ਕੀਤਾ ਸੀ। ਪੁਲਿਸ ਇਸ ਮਾਮਲੇ ਵਿੱਚ ਪੰਜ ਲੋਕਾਂ ਨੂੰ ਗ੍ਰਿਫ਼ਤਾਰ ਕਰ ਚੁੱਕੀ ਸੀ। ਇਨ੍ਹਾਂ ਵਿੱਚ ਅਰੁਣ ਗਰਗ, ਅਜੇ ਗਰਗ, ਅੰਜੂ ਗਰਗ, ਸਾਹਿਲ ਸ਼ਰਮਾ ਅਤੇ ਮਨੀਸ਼ ਮਿੱਤਲ ਸ਼ਾਮਲ ਹਨ।
