ਨਵੀਂ ਦਿੱਲੀ : ਦਿੱਲੀ ਵਿਧਾਨਸਭਾ ਚੋਣਾਂ ਵਿਚ ਬਹੁਤ ਘੱਟ ਸਮਾਂ ਰਹਿ ਗਿਆ ਹੈ ਅਤੇ ਸਾਰੀਆਂ ਹੀ ਵੱਡੀਆਂ ਪਾਰਟੀਆਂ ਨੇ ਚੋਣਾਂ ਜਿੱਤਣ ਲਈ ਜ਼ੋਰ ਲਾਇਆ ਹੋਇਆ ਹੈ। ਦਿੱਲੀ ਦੇ ਸਾਬਕਾ ਮੁੱਖ ਮੰਤਰੀ ਅਤੇ ‘ਆਪ’ ਕਨਵੀਨਰ ਅਰਵਿੰਦ ਕੇਜਰੀਵਾਲ ਨੇ ਬੁੱਧਵਾਰ ਨੂੰ ਮੱਧ ਵਰਗ ਲਈ ਮੈਨੀਫੈਸਟੋ ਜਾਰੀ ਕੀਤਾ।
ਉਨ੍ਹਾਂ ਕਿਹਾ ਕੇਂਦਰ ਵਿੱਚ ਇੱਕ ਤੋਂ ਬਾਅਦ ਇੱਕ ਸਰਕਾਰਾਂ ਆਈਆਂ, ਸਭ ਨੇ ਮੱਧ ਵਰਗ ਨੂੰ ਡਰਾ ਧਮਕਾ ਕੇ ਦਬਾ ਕੇ ਰੱਖਿਆ। ਉਹ ਮੱਧ ਵਰਗ ਲਈ ਕੁਝ ਨਹੀਂ ਕਰਦੇ। ਕੇਜਰੀਵਾਲ ਨੇ ਕਿਹਾ- ਜਦੋਂ ਸਰਕਾਰ ਨੂੰ ਲੋੜ ਹੁੰਦੀ ਹੈ ਤਾਂ ਸਰਕਾਰ ਟੈਕਸ ਦਾ ਹਥਿਆਰ ਵਰਤਦੀ ਹੈ। ਬਦਲੇ ਵਿੱਚ ਮੱਧ ਵਰਗ ਨੂੰ ਕੀ ਮਿਲਦਾ ਹੈ, ਕੁਝ ਨਹੀਂ। ਮੱਧ ਵਰਗ ਟੈਕਸ ਅੱਤਵਾਦ ਦਾ ਸ਼ਿਕਾਰ ਹੋ ਗਿਆ ਹੈ।
ਕੇਜਰੀਵਾਲ ਨੇ ਕਿਹਾ ਅੱਜ ਮੈਂ ਐਲਾਨ ਕਰਦਾ ਹਾਂ ਕਿ ਮੈਂ ਅਤੇ ਆਮ ਆਦਮੀ ਪਾਰਟੀ ਮੱਧ ਵਰਗ ਦੀ ਆਵਾਜ਼ ਸੜਕਾਂ ਤੋਂ ਸੰਸਦ ਤੱਕ ਉਠਾਵਾਂਗੇ। ਬਜਟ ਸੈਸ਼ਨ ਵਿੱਚ ਸਾਡੇ ਸੰਸਦ ਮੈਂਬਰ ਮੱਧ ਵਰਗ ਦੀ ਮੰਗ ਕਰਨਗੇ। ਕੇਜਰੀਵਾਲ ਨੇ ਕਿਹਾ ਸਰਕਾਰ ਨੇ ਮੱਧ ਵਰਗ ਨੂੰ ਮਾਨਸਿਕ ਗੁਲਾਮ ਬਣਾ ਦਿੱਤਾ ਹੈ। ਜੇਕਰ ਤੁਹਾਡਾ ਪੈਸਾ ਤੁਹਾਡੇ ਭਲੇ ਲਈ ਵਰਤਿਆ ਜਾਵੇ ਤਾਂ ਉਸ ਨੂੰ ਮੁਫ਼ਤ ਦਾ ਪੈਸਾ ਕਹਿ ਕੇ ਬੇਇੱਜ਼ਤ ਕੀਤਾ ਜਾਂਦਾ ਹੈ।
ਕੇਜਰੀਵਾਲ ਨੇ ਕਿਹਾ ਦੇਸ਼ ਉਦੋਂ ਹੀ ਬਣਦਾ ਹੈ ਜਦੋਂ ਜਨਤਾ ਦਾ ਪੈਸਾ ਜਨਤਾ ‘ਤੇ ਖਰਚ ਹੁੰਦਾ ਹੈ। ਕਰੋੜਾਂ ਦੀ ਤਨਖ਼ਾਹ ਕਮਾਉਣ ਵਾਲੇ ਅਤੇ ਏਸੀ ਕਮਰਿਆਂ ਵਿੱਚ ਬੈਠਣ ਵਾਲੇ ਪੱਤਰਕਾਰਾਂ ਵੱਲੋਂ ਸਾਡੀਆਂ ਯੋਜਨਾਵਾਂ ਬਾਰੇ ਸਵਾਲ ਕੀਤੇ ਜਾਂਦੇ ਹਨ। ਜਦੋਂ ਉਨ੍ਹਾਂ ਨੂੰ ਰਾਜਨੇਤਾਵਾਂ ਤੋਂ ਮੁਫਤ ਬਿਜਲੀ ਅਤੇ ਸਹੂਲਤਾਂ ਮਿਲਦੀਆਂ ਹਨ ਤਾਂ ਇਸ ਨੂੰ ਮੁਫਤ ਦੀ ਰੇਵਾੜੀ ਨਹੀਂ ਕਿਹਾ ਜਾਂਦਾ ਹੈ।
