ਵਾਇਨਾਡ : ਏ ਵਿਜੇਰਾਘਵਨ ਨੇ ਪ੍ਰਿਅੰਕਾ ਗਾਂਧੀ ਅਤੇ ਰਾਹੁਲ ਗਾਂਧੀ ‘ਤੇ ਜ਼ੁਬਾਨੀ ਹਮਲਾ ਬੋਲਿਆ ਹੈ। ਸੀਪੀਆਈ (ਐਮ) ਦੇ ਪੋਲਿਟ ਬਿਊਰੋ ਮੈਂਬਰ ਏ ਵਿਜੇਰਾਘਵਨ ਨੇ ਕਿਹਾ, ‘ਰਾਹੁਲ ਅਤੇ ਪ੍ਰਿਅੰਕਾ ਗਾਂਧੀ ਦੀ ਵਾਇਨਾਡ ਜਿੱਤ ਦੇ ਪਿੱਛੇ ਫਿਰਕੂ ਮੁਸਲਿਮ ਗਠਜੋੜ ਦਾ ਹੱਥ ਸੀ।’
)
ਉਨ੍ਹਾਂ ਸਵਾਲ ਉਠਾਇਆ ਕਿ ਕੀ ਰਾਹੁਲ ਗਾਂਧੀ ਫਿਰਕੂ ਮੁਸਲਿਮ ਗਠਜੋੜ ਦੇ ਮਜ਼ਬੂਤ ਸਮਰਥਨ ਤੋਂ ਬਿਨਾਂ ਜਿੱਤ ਸਕਦੇ ਸਨ। ਉਨ੍ਹਾਂ ਕਿਹਾ, ਦੋ ਲੋਕ ਰਾਹੁਲ ਅਤੇ ਪ੍ਰਿਅੰਕਾ ਵਾਇਨਾਡ ਤੋਂ ਜਿੱਤ ਗਏ ਹਨ। ਉਹ ਫਿਰਕੂ ਮੁਸਲਿਮ ਗੱਠਜੋੜ ਦੇ ਮਜ਼ਬੂਤ ਸਮਰਥਨ ਨਾਲ ਜਿੱਤੇ। ਕੀ ਰਾਹੁਲ ਗਾਂਧੀ ਲਈ ਉਨ੍ਹਾਂ ਦੇ ਸਮਰਥਨ ਤੋਂ ਬਿਨਾਂ ਦਿੱਲੀ ਪਹੁੰਚਣਾ ਸੰਭਵ ਸੀ, ਅੱਜ ਉਹ ਵਿਰੋਧੀ ਧਿਰ ਦੇ ਨੇਤਾ ਹਨ।
ਵਿਜੇਰਾਘਵਨ ਨੇ ਕਿਹਾ, ‘ਪ੍ਰਿਅੰਕਾ ਗਾਂਧੀ ਦੀਆਂ ਰੈਲੀਆਂ ‘ਚ ਅੱਗੇ ਅਤੇ ਪਿੱਛੇ ਕੌਣ ਲੋਕ ਸਨ? ਘੱਟ ਗਿਣਤੀਆਂ ਵਿਚੋਂ ਇਹ ਸਭ ਤੋਂ ਭੈੜੇ ਕੱਟੜਪੰਥੀ ਸਨ, ਜੋ ਕਾਂਗਰਸ ਲੀਡਰਸ਼ਿਪ ਦੇ ਨਾਲ ਸਨ। ਵਿਜੇਰਾਘਵਨ 21 ਦਸੰਬਰ ਨੂੰ ਵਾਇਨਾਡ ਦੇ ਬਾਥੇਰੀ ਪਹੁੰਚੇ ਸਨ। ਉਨ੍ਹਾਂ ਇੱਥੇ ਪਾਰਟੀ ਕਨਵੈਨਸ਼ਨ ਨੂੰ ਸੰਬੋਧਨ ਕੀਤਾ। ਰਾਹੁਲ ਗਾਂਧੀ 2019 ਅਤੇ 2024 ਦੀਆਂ ਲੋਕ ਸਭਾ ਚੋਣਾਂ ਵਿੱਚ ਵਾਇਨਾਡ ਤੋਂ ਸੰਸਦ ਮੈਂਬਰ ਚੁਣੇ ਗਏ ਸਨ। 2024 ਵਿੱਚ ਉਹ ਰਾਏਬਰੇਲੀ ਤੋਂ ਵੀ ਜਿੱਤੇ ਸਨ। ਇਸ ਤੋਂ ਬਾਅਦ ਰਾਹੁਲ ਨੇ ਵਾਇਨਾਡ ਸੀਟ ਛੱਡ ਦਿੱਤੀ। ਇਸ ਤੋਂ ਬਾਅਦ ਵਾਇਨਾਡ ‘ਚ ਲੋਕ ਸਭਾ ਉਪ ਚੋਣ ਹੋਈ, ਜਿਸ ‘ਚ ਪ੍ਰਿਅੰਕਾ ਗਾਂਧੀ ਨੇ ਵੱਡੀ ਜਿੱਤ ਦਰਜ ਕੀਤੀ।
