ਸੋਨੀਪਤ: ਭਾਰਤੀ ਮਹਿਲਾ ਹਾਕੀ ਟੀਮ ਦੀ ਡਿਫੈਂਡਰ ਨੇਹਾ ਗੋਇਲ (Neha Goyal) ਬੀਤੇ ਦਿਨ ਕਰਨਾਲ ਦੇ ਰਾਸ਼ਟਰੀ ਪੱਧਰ ਦੇ ਹਾਕੀ ਖਿਡਾਰੀ ਸੁਨੀਲ (Hockey Player Sunil) ਨਾਲ ਵਿਆਹ ਦੇ ਬੰਧਨ ‘ਚ ਬੱਝ ਗਏ । ਨੇਹਾ ਅਤੇ ਸੁਨੀਲ, ਜੋ ਕਈ ਸਾਲਾਂ ਤੋਂ ਇੱਕ ਦੂਜੇ ਦੇ ਸੰਪਰਕ ਵਿੱਚ ਸਨ, ਖਾਸ ਤੌਰ ‘ਤੇ ਆਪਣੇ ਹਾਕੀ ਕੋਚ ਅਤੇ ਸਾਥੀ ਖਿਡਾਰੀਆਂ ਦੇ ਵਿਆਹ ਵਿੱਚ ਪਰਿਵਾਰਕ ਮੈਂਬਰਾਂ ਦੇ ਨਾਲ ਮੌਜੂਦ ਸਨ।
ਦੱਸ ਦੇਈਏ ਕਿ ਕਰਨਾਲ ਦੇ ਰਹਿਣ ਵਾਲੇ ਸੁਨੀਲ ਅਤੇ ਸੋਨੀਪਤ ਦੀ ਰਹਿਣ ਵਾਲੀ ਨੇਹਾ ਗੋਇਲ ਦਾ ਇਹ ਲਵ ਮੈਰਿਜ ਹੈ ਪਰ ਇਹ ਦੋਹਾਂ ਪਰਿਵਾਰਾਂ ਦੀ ਸਹਿਮਤੀ ਨਾਲ ਹੋਇਆ ਹੈ। ਇਸ ਦੌਰਾਨ ਨੇਹਾ ਨੇ ਕਿਹਾ ਕਿ ਹਾਲਾਤ ਭਾਵੇਂ ਕੋਈ ਵੀ ਹੋਣ, ਸਾਨੂੰ ਹਾਰ ਨਹੀਂ ਮੰਨਣੀ ਚਾਹੀਦੀ। ਉਨ੍ਹਾਂ ਕਿਹਾ ਕਿ ਮੇਰੀ ਮਾਂ ਨੇ ਮੇਰੇ ਲਈ ਬਹੁਤ ਸੰਘਰਸ਼ ਕੀਤਾ ਹੈ। ਜੇ ਉਨ੍ਹਾਂ ਨੇ ਹਾਰ ਮੰਨ ਲਈ ਹੁੰਦੀ, ਤਾਂ ਮੈਂ ਅੱਜ ਇੱਥੇ ਨਾ ਹੁੰਦੀ । ਕਿਸੇ ਵੀ ਚੀਜ਼ ‘ਤੇ ਗਿਵ-ਅੱਪ ਨਹੀਂ ਕਰਨਾ ਚਾਹੀਦਾ। ਮੇਰਾ ਆਪਰੇਸ਼ਨ ਹੋਇਆ ,ਪਰ ਮੈਂ ਗਿਵ-ਅੱਪ ਨਹੀਂ ਕੀਤਾ। ਉਨ੍ਹਾਂ ਨੇ ਸੰਦੇਸ਼ ਦਿੱਤਾ ਕਿ ਜੇਕਰ ਧੀਆਂ ਦੇ ਕੋਈ ਸੁਪਨੇ ਹਨ ਤਾਂ ਉਨ੍ਹਾਂ ਦਾ ਸਾਥ ਦਿਓ।
ਇਹ ਲੋਕ ਵਿਆਹ ‘ਚ ਮੌਜੂਦ ਸਨ
ਨੇਹਾ ਦੇ ਵਿਆਹ ਵਿੱਚ ਭਾਰਤੀ ਹਾਕੀ ਸੰਘ ਦੇ ਪ੍ਰਧਾਨ ਭੋਲਾ ਨਾਥ, ਹਾਕੀ ਦੇ ਮੁੱਖ ਕੋਚ ਹਰਿੰਦਰ ਸਿੰਘ, ਕੋਚ ਪ੍ਰੀਤਮ ਸਿਵਾਚ, ਸਹਾਇਕ ਕੋਚ ਦੇਵ, ਹਾਕੀ ਟੀਮ ਤੋਂ ਇਲਾਵਾ ਮੁਮਤਾਜ਼, ਨਵਨੀਤ ਕੌਰ, ਵੈਸ਼ਨਵੀ ਵਿਟਲ ਫਾਲਕੇ, ਉਦਿਤਾ, ਜੋਤੀ ਆਦਿ ਹਾਜ਼ਰ ਸਨ। ਸਾਰਿਆਂ ਨੇ ਨੇਹਾ ਗੋਇਲ ਨੂੰ ਜ਼ਿੰਦਗੀ ਦੇ ਨਵੇਂ ਸਫ਼ਰ ਲਈ ਸ਼ੁਭਕਾਮਨਾਵਾਂ ਦਿੱਤੀਆਂ।
