Sports News : ਇਸ ਵਾਰ ਇੰਡੀਅਨ ਪ੍ਰੀਮੀਅਰ ਲੀਗ ਯਾਨੀ IPL 2025 ਦੇ 18ਵੇਂ ਸੀਜ਼ਨ ਲਈ ਮੇਗਾ ਨਿਲਾਮੀ ਜੇਦਾਹ, ਸਾਊਦੀ ਅਰਬ ਵਿੱਚ ਆਯੋਜਿਤ ਕੀਤੀ ਜਾਵੇਗੀ। ਇਸ ਵਾਰ ਮੈਗਾ ਨਿਲਾਮੀ 24 ਅਤੇ 25 ਨਵੰਬਰ ਨੂੰ ਹੋਵੇਗੀ। ਨਿਲਾਮੀ ਲਈ 1500 ਤੋਂ ਵੱਧ ਖਿਡਾਰੀਆਂ ਨੇ ਰਜਿਸਟ੍ਰੇਸ਼ਨ ਕਰਵਾਈ ਸੀ। ਹੁਣ ਕੁੱਲ 574 ਖਿਡਾਰੀਆਂ ਨੂੰ ਸ਼ਾਰਟਲਿਸਟ ਕੀਤਾ ਗਿਆ ਹੈ। ਇੱਥੇ ਜਾਣੋ ਕਿਸ ਦੇਸ਼ ਦੇ ਕਿੰਨੇ ਖਿਡਾਰੀ ਨਿਲਾਮੀ ਵਿੱਚ ਹਿੱਸਾ ਲੈਣਗੇ।
ਆਈ.ਪੀ.ਐਲ 2025 ਦੀ ਨਿਲਾਮੀ ਵਿੱਚ ਕੁੱਲ 574 ਖਿਡਾਰੀਆਂ ਦੀ ਬੋਲੀ ਲਗਾਈ ਜਾਵੇਗੀ। ਹਾਲਾਂਕਿ ਇਨ੍ਹਾਂ ‘ਚੋਂ ਸਿਰਫ 204 ਖਿਡਾਰੀ ਹੀ ਵਿਕਣਗੇ। ਜੋਫਰਾ ਆਰਚਰ, ਕੈਮਰਨ ਗ੍ਰੀਨ, ਕ੍ਰਿਸ ਵੋਕਸ, ਜੇਸਨ ਰਾਏ ਅਤੇ ਬੇਨ ਸਟੋਕਸ ਵਰਗੇ ਸਟਾਰ ਖਿਡਾਰੀ ਇਸ ਨਿਲਾਮੀ ਵਿੱਚ ਨਜ਼ਰ ਨਹੀਂ ਆਉਣਗੇ। ਇਟਾਲੀਅਨ ਖਿਡਾਰੀ ਨੂੰ ਵੀ ਸ਼ਾਰਟਲਿਸਟ ਨਹੀਂ ਕੀਤਾ ਗਿਆ ਹੈ।
ਆਈ.ਪੀ.ਐਲ 2025 ਦੀ ਮੈਗਾ ਨਿਲਾਮੀ ਲਈ ਆਸਟਰੇਲੀਆ ਦੇ ਵੱਧ ਤੋਂ ਵੱਧ 37 ਖਿਡਾਰੀਆਂ ਨੂੰ ਸ਼ਾਰਟਲਿਸਟ ਕੀਤਾ ਗਿਆ ਹੈ। IPL 2025 ਨਿਲਾਮੀ ਲਈ 13 ਦੇਸ਼ਾਂ ਦੇ ਕੁੱਲ 574 ਖਿਡਾਰੀਆਂ ਨੂੰ ਸ਼ਾਰਟਲਿਸਟ ਕੀਤਾ ਗਿਆ ਹੈ। ਇਸ ਵਿੱਚ ਸਕਾਟਲੈਂਡ ਦਾ ਇੱਕ ਅਤੇ ਜ਼ਿੰਬਾਬਵੇ ਦੇ 3 ਖਿਡਾਰੀ ਸ਼ਾਮਲ ਹਨ। ਇਸ ਮੈਗਾ ਨਿਲਾਮੀ ਵਿੱਚ 81 ਖਿਡਾਰੀਆਂ ਦੀ ਮੂਲ ਕੀਮਤ 2 ਕਰੋੜ ਰੁਪਏ ਹੈ। ਜਦੋਂ ਕਿ 27 ਖਿਡਾਰੀਆਂ ਦੀ ਕੀਮਤ 1.50 ਕਰੋੜ ਰੁਪਏ ਹੈ। ਇਸ ਦੇ ਨਾਲ ਹੀ ਇਸ ਸੂਚੀ ‘ਚ 18 ਖਿਡਾਰੀ ਅਜਿਹੇ ਹਨ, ਜਿਨ੍ਹਾਂ ਦੀ ਬੇਸ ਪ੍ਰਾਈਸ 1.25 ਕਰੋੜ ਰੁਪਏ ਹੈ।
ਜਾਣੋ IPL 2025 ਨਿਲਾਮੀ ਲਈ ਕਿਹੜੇ ਦੇਸ਼ ਦੇ ਕਿੰਨੇ ਖਿਡਾਰੀਆਂ ਨੂੰ ਸ਼ਾਰਟਲਿਸਟ ਕੀਤਾ ਗਿਆ ਸੀ
ਅਫਗਾਨਿਸਤਾਨ – 18 ਖਿਡਾਰੀ
ਆਸਟ੍ਰੇਲੀਆ – 37 ਖਿਡਾਰੀ
ਬੰਗਲਾਦੇਸ਼ – 12 ਖਿਡਾਰੀ
ਇੰਗਲੈਂਡ – 37 ਖਿਡਾਰੀ
ਭਾਰਤ – 366 ਖਿਡਾਰੀ
ਆਇਰਲੈਂਡ – 2 ਖਿਡਾਰੀ
ਨਿਊਜ਼ੀਲੈਂਡ – 24 ਖਿਡਾਰੀ
ਸਕਾਟਲੈਂਡ – 1 ਖਿਡਾਰੀ
ਦੱਖਣੀ ਅਫਰੀਕਾ – 31 ਖਿਡਾਰੀ
ਸ਼੍ਰੀਲੰਕਾ – 19 ਖਿਡਾਰੀ
ਅਮਰੀਕਾ – 2 ਖਿਡਾਰੀ
ਵੈਸਟ ਇੰਡੀਜ਼ – 22 ਖਿਡਾਰੀ
ਜ਼ਿੰਬਾਬਵੇ – 3
ਧਿਆਨ ਯੋਗ ਹੈ ਕਿ ਆਈ.ਪੀ.ਐਲ 2025 ਦੀ ਮੈਗਾ ਨਿਲਾਮੀ 24 ਅਤੇ 25 ਨਵੰਬਰ ਨੂੰ ਸਾਊਦੀ ਅਰਬ ਦੇ ਜੇਦਾਹ ਸ਼ਹਿਰ ਵਿੱਚ ਆਯੋਜਿਤ ਕੀਤੀ ਜਾਵੇਗੀ। ਇਸ ਮੈਗਾ ਨਿਲਾਮੀ ਵਿੱਚ ਭਾਰਤ ਦੇ ਕਈ ਸੁਪਰਸਟਾਰ ਸ਼ਾਮਲ ਹਨ। ਇਸ ਵਿੱਚ ਕੇ.ਐਲ ਰਾਹੁਲ, ਰਿਸ਼ਭ ਪੰਤ, ਸ਼੍ਰੇਅਸ ਅਈਅਰ, ਮੁਹੰਮਦ ਸ਼ਮੀ, ਮੁਹੰਮਦ ਸਿਰਾਜ, ਰਵੀਚੰਦਰਨ ਅਸ਼ਵਿਨ ਅਤੇ ਯੁਜਵੇਂਦਰ ਚਾਹਲ ਵਰਗੇ ਵੱਡੇ ਭਾਰਤੀ ਖਿਡਾਰੀ ਹੋਣਗੇ। ਇਸ ਤੋਂ ਇਲਾਵਾ ਕਈ ਵਿਦੇਸ਼ੀ ਦਿੱਗਜ ਵੀ ਨਿਲਾਮੀ ਦਾ ਹਿੱਸਾ ਹੋਣਗੇ। ਵਿਦੇਸ਼ੀ ਖਿਡਾਰੀਆਂ ‘ਚ ਗਲੇਨ ਮੈਕਸਵੈੱਲ, ਫਾਫ ਡੂ ਪਲੇਸਿਸ, ਜੋਸ ਬਟਲਰ, ਡੇਵਿਡ ਵਾਰਨਰ, ਟਿਮ ਡੇਵਿਡ, ਮਾਰਕੋ ਜੈਨਸਨ, ਗੇਰਾਲਡ ਕੋਏਟਜ਼ੀ ਅਤੇ ਮਿਸ਼ੇਲ ਸਟਾਰਕ ਵਰਗੇ ਵੱਡੇ ਵਿਦੇਸ਼ੀ ਨਾਂ ਸ਼ਾਮਲ ਹਨ।
