ਰਾਂਚੀ: ਏ.ਜੇ.ਐੱਸ.ਯੂ. ਨੇ ਝਾਰਖੰਡ ਵਿਧਾਨ ਸਭਾ ਚੋਣਾਂ (The Jharkhand Assembly Elections) ਲਈ ਉਮੀਦਵਾਰਾਂ ਦੀ ਤੀਜੀ ਸੂਚੀ ਜਾਰੀ ਕਰ ਦਿੱਤੀ ਹੈ। ਇਸ ਸੂਚੀ ਵਿੱਚ 1 ਉਮੀਦਵਾਰ ਦਾ ਨਾਮ ਹੈ। ਸੂਚੀ ਮੁਤਾਬਕ ਯਸ਼ੋਦਾ ਦੇਵੀ ਨੂੰ ਡੁਮਰੀ ਵਿਧਾਨ ਸਭਾ ਸੀਟ ਤੋਂ ਟਿਕਟ ਦਿੱਤੀ ਗਈ ਹੈ।
ਤੁਹਾਨੂੰ ਦੱਸ ਦੇਈਏ ਕਿ ਝਾਰਖੰਡ ਵਿਧਾਨ ਸਭਾ ਚੋਣਾਂ ‘ਚ ਡੁਮਰੀ ਸੀਟ ਤੋਂ ਏ.ਜੇ.ਐੱਸ.ਯੂ. ਤੋਂ ਯਸ਼ੋਦਾ ਦੇਵੀ ਅਤੇ ਜੇ.ਐੱਮ.ਐੱਮ. ਦੀ ਬੇਬੀ ਦੇਵੀ ਵਿਚਾਲੇ ਸਖਤ ਮੁਕਾਬਲਾ ਹੋਵੇਗਾ। ਡੁਮਰੀ ਵਿਧਾਨ ਸਭਾ ਹਲਕੇ ਵਿੱਚ ਇਸ ਵਾਰ ਚੋਣ ਮੁਕਾਬਲਾ ਦਿਲਚਸਪ ਹੋਣ ਜਾ ਰਿਹਾ ਹੈ। ਡੂਮਰੀ ਸੀਟ ਨੂੰ ਹਮੇਸ਼ਾ ਤੋਂ ਜੇ.ਐੱਮ.ਐੱਮ. ਦਾ ਗੜ੍ਹ ਮੰਨਿਆ ਜਾਂਦਾ ਰਿਹਾ ਹੈ। ਹੁਣ ਤੱਕ ਦੇ ਚੋਣ ਨਤੀਜੇ ਵੀ ਇਹੀ ਕਹਾਣੀ ਬਿਆਨ ਕਰਦੇ ਹਨ।
ਸਵਰਗਵਾਸੀ ਜਗਰਨਾਥ ਮਹਤੋ ਨੇ ਇਸ ਸੀਟ ‘ਤੇ ਜੋ ਕੰਮ ਕੀਤਾ ,ਉਸਦਾ ਸਿੱਧਾ ਫਾਇਦਾ ਜੇ.ਐੱਮ.ਐੱਮ. ਨੂੰ ਮਿਲੇਗਾ। ਜਗਰਨਾਥ ਮਹਤੋ ਦੀ ਮੌਤ ਤੋਂ ਬਾਅਦ ਹੋਈਆਂ ਉਪ-ਚੋਣਾਂ ਦਾ ਨਤੀਜਾ ਵੀ ਇਹੀ ਦਸਦਾ ਹੈ ।ਜੇ.ਐੱਮ.ਐੱਮ. ਨੇ ਸਵਰਗਵਾਸੀ ਜਗਰਨਾਥ ਮਹਤੋ ਦੀ ਪਤਨੀ ਬੇਬੀ ਦੇਵੀ ਨੂੰ ਆਪਣਾ ਉਮੀਦਵਾਰ ਬਣਾ ਕੇ ਮੈਦਾਨ ਵਿੱਚ ਉਤਾਰਿਆ ਸੀ।ਇਸ ਦੇ ਨਾਲ ਹੀ ਉਪ-ਚੋਣ ਵਿੱਚ, ਭਾਜਪਾ ਏ.ਜੇ.ਐਸ.ਯੂ. ਗਠਜੋੜ ਨੇ ਯਸ਼ੋਦਾ ਦੇਵੀ ਨੂੰ ਆਪਣਾ ਉਮੀਦਵਾਰ ਬਣਾ ਕੇ ਮੈਦਾਨ ਵਿੱਚ ਉਤਾੁਰਆ, ਪਰ ਨਤੀਜਾ ਬੇਬੀ ਦੇਵੀ ਦੇ ਹੱਕ ਵਿੱਚ ਰਿਹਾ।
2019 ਦੀਆਂ ਵਿਧਾਨ ਸਭਾ ਚੋਣਾਂ ‘ਚ ਭਾਜਪਾ ਅਤੇ ਏ.ਜੇ.ਐੱਸ.ਯੂ. ਨੇ ਵੱਖਰੇ ਤੌਰ ‘ਤੇ ਚੋਣ ਲੜੀ ਸੀ। ਇਸ ਦਾ ਸਿੱਧਾ ਫਾਇਦਾ ਜੇ.ਐੱਮ.ਐੱਮ. ਨੂੰ ਮਿ ਲਿਆ ਸੀ।ਹਾਲਾਂਕਿ ਇਸ ਵਾਰ ਸਮੀਕਰਨ ਪੂਰੀ ਤਰ੍ਹਾਂ ਬਦਲ ਗਏ ਹਨ। ਇਸ ਵਾਰ ਏ.ਜੇ.ਐੱਸ.ਯੂ ਐੱਨ.ਡੀ.ਏ. ਵਿੱਚ ਹੈ, ਜਿਸ ਵਿੱਚ ਗੁਆਂਢੀ ਰਾਜ ਬਿਹਾਰ ਦੇ ਸੀ.ਐਮ. ਨਿਤੀਸ਼ ਕੁਮਾਰ, ਜੀਤਨ ਰਾਮ ਮਾਂਝੀ, ਚਿਰਾਗ ਪਾਸਵਾਨ ਵਰਗੇ ਆਗੂ ਸ਼ਾਮਲ ਹਨ। ਇਸ ਵਾਰ ਵਿਧਾਨ ਸਭਾ ਚੋਣਾਂ ਵਿੱਚ ਇਹ ਸੀਟ ਐਨ.ਡੀ.ਏ. ਗੱਠਜੋੜ ਦੇ ਖਾਤੇ ਵਿੱਚ ਆ ਗਈ ਹੈ।
ਤੁਹਾਨੂੰ ਦੱਸ ਦੇਈਏ ਕਿ ਝਾਰਖੰਡ ਵਿੱਚ ਦੋ ਪੜਾਵਾਂ ਵਿੱਚ ਵੋਟਿੰਗ ਹੋਵੇਗੀ। ਪਹਿਲੇ ਪੜਾਅ ‘ਚ 81 ‘ਚੋਂ 43 ਸੀਟਾਂ ‘ਤੇ 13 ਨਵੰਬਰ ਨੂੰ ਵੋਟਿੰਗ ਹੋਵੇਗੀ। ਇਸ ਦੇ ਨਾਲ ਹੀ ਸੂਬੇ ‘ਚ ਪਹਿਲੇ ਪੜਾਅ ਲਈ ਨਾਮਜ਼ਦਗੀ ਪ੍ਰਕਿ ਰਿਆ ਸ਼ੁੱਕਰਵਾਰ ਨੂੰ ਪੂਰੀ ਹੋ ਗਈ। ਝਾਰਖੰਡ ਵਿੱਚ ਪਹਿਲੇ ਪੜਾਅ ਵਿੱਚ ਕੁੱਲ 43 ਵਿਧਾਨ ਸਭਾ ਹਲਕਿਆਂ ਲਈ ਕੁੱਲ 804 ਨਾਮਜ਼ਦਗੀ ਪੱਤਰ ਦਾਖ਼ਲ ਕੀਤੇ ਗਏ ਹਨ। ਇਸ ਦੇ ਨਾਲ ਹੀ ਦੂਜੇ ਪੜਾਅ ਲਈ ਨਾਮਜ਼ਦਗੀਆਂ ਭਰਨ ਦੀ ਪ੍ਰਕਿ ਰਿਆ 22 ਅਕਤੂਬਰ ਤੋਂ ਸ਼ੁਰੂ ਹੋ ਕੇ 29 ਅਕਤੂਬਰ ਤੱਕ ਜਾਰੀ ਰਹੇਗੀ।
