ਲੰਡਨ : ਪ੍ਰਿਅੰਕਾ ਚੋਪੜਾ (Priyanka Chopra) ਦੇ ਗਾਇਕ ਪਤੀ ਨਿਕ ਜੋਨਸ (Nick Jonas) ਦੀ ਜਾਨ ਨੂੰ ਖ਼ਤਰਾ ਹੈ। ਦਰਅਸਲ, ਨਿਕ ਜੋਨਸ ਆਪਣੇ ਭਰਾਵਾਂ ਕੇਵਿਨ ਅਤੇ ਜੋਅ ਜੋਨਸ ਨਾਲ ਪ੍ਰਾਗ ‘ਚ ਪਰਫਾਰਮ ਕਰਨ ਪਹੁੰਚੇ ਸਨ। ਇਸ ਘਟਨਾ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਵਾਇਰਲ ਵੀਡੀਓ ‘ਚ ਨਿਕ ਜੋਨਸ ਸਟੇਜ ਤੋਂ ਉਤਰਦੇ ਹੋਏ ਅਤੇ ਦਰਸ਼ਕਾਂ ‘ਚ ਭੱਜਦੇ ਨਜ਼ਰ ਆ ਰਹੇ ਹਨ।
ਉਹ ਸਟੇਜ ਤੋਂ ਹੇਠਾਂ ਉਤਰਦੇ ਹੋਏ ਆਪਣੇ ਸੁਰੱਖਿਆ ਗਾਰਡ ਨੂੰ ਇਸ਼ਾਰਾ ਕਰਦੇ ਨਜ਼ਰ ਆ ਰਹੇ ਹਨ। ਇੱਕ ਹੋਰ ਕਲਿੱਪ ਵਿੱਚ, ਨਿਕ ਨੂੰ ਸਿਰ ‘ਤੇ ਲਾਲ ਲੇਜ਼ਰ ਲਾਈਟ ਨੂੰ ਨਿਸ਼ਾਨਾ ਬਣਾਉਂਦੇ ਹੋਏ ਦੇਖਿਆ ਗਿਆ। ਕਦੇ ਲਾਲ ਲੇਜ਼ਰ ਉਨ੍ਹਾਂ ਦੇ ਸਿਰ ‘ਤੇ ਫੋਕਸ ਕਰਦਾ ਦੇਖਿਆ ਗਿਆ ਅਤੇ ਕਦੇ ਉਨ੍ਹਾਂ ਦੇ ਸਰੀਰ ‘ਤੇ। ਇਸ ਤੋਂ ਤੁਰੰਤ ਬਾਅਦ ਸਥਿਤੀ ਦੀ ਗੰਭੀਰਤਾ ਨੂੰ ਸਮਝਦੇ ਹੋਏ ਨਿਕ ਭੱਜ ਗਏ ਅਤੇ ਉਨ੍ਹਾਂ ਦੇ ਨਾਲ ਕੇਵਿਨ ਅਤੇ ਜੋ ਜੋਨਸ ਵੀ ਸਟੇਜ ਤੋਂ ਭੱਜ ਗਏ।
ਹਾਲਾਂਕਿ ਦੱਸਿਆ ਜਾ ਰਿਹਾ ਹੈ ਕਿ ਭਾਵੇਂ ਇਸ ਘਟਨਾ ਕਾਰਨ ਜੋਨਸ ਬ੍ਰਦਰਜ਼ ਨੂੰ ਆਪਣਾ ਸ਼ੋਅ ਕੁਝ ਸਮੇਂ ਲਈ ਬੰਦ ਕਰਨਾ ਪਿਆ ਸੀ ਪਰ ਉਨ੍ਹਾਂ ਨੇ ਜਲਦੀ ਹੀ ਕੰਸਰਟ ਮੁੜ ਸ਼ੁਰੂ ਕਰ ਦਿੱਤਾ। ਰਿਪੋਰਟਾਂ ਦੇ ਅਨੁਸਾਰ, ਵਿਅਕਤੀ ਨੂੰ ਸੰਗੀਤ ਸਮਾਰੋਹ ਵਾਲੀ ਥਾਂ ਤੋਂ ਹਟਾ ਦਿੱਤਾ ਗਿਆ ਸੀ। ਇਸ ਦੇ ਨਾਲ ਹੀ ਇਸ ਘਟਨਾ ਨੂੰ ਲੈ ਕੇ ਜੋਨਸ ਬ੍ਰਦਰਜ਼ ਵੱਲੋਂ ਅਜੇ ਤੱਕ ਕੋਈ ਅਧਿਕਾਰਤ ਬਿਆਨ ਨਹੀਂ ਆਇਆ ਹੈ।
