ਲਾਹੌਰ : ਪਾਕਿਸਤਾਨ ਕ੍ਰਿਕਟ ਬੋਰਡ (PCB) ਨੇ ਮੁਲਤਾਨ ‘ਚ ਪਹਿਲੇ ਟੈਸਟ ‘ਚ ਇੰਗਲੈਂਡ ਹੱਥੋਂ ਟੀਮ ਦੀ ਸ਼ਰਮਨਾਕ ਹਾਰ ਤੋਂ ਬਾਅਦ ਰਾਸ਼ਟਰੀ ਚੋਣ ਕਮੇਟੀ ‘ਚ ਬਦਲਾਅ ਕੀਤਾ ਹੈ। ਇੰਗਲੈਂਡ ਨੇ ਪਾਕਿਸਤਾਨ ਨੂੰ ਪਾਰੀ ਅਤੇ 47 ਦੌੜਾਂ ਨਾਲ ਹਰਾਇਆ।
ਪੀ.ਸੀ.ਬੀ ਨੇ ਸਾਬਕਾ ਟੈਸਟ ਕ੍ਰਿਕਟਰ ਆਕਿਬ ਜਾਵੇਦ, ਅਜ਼ਹਰ ਅਲੀ, ਟੈਸਟ ਅੰਪਾਇਰ ਅਲੀਮ ਡਾਰ ਅਤੇ ਵਿਸ਼ਲੇਸ਼ਕ ਹਸਨ ਚੀਮਾ ਨੂੰ ਕਮੇਟੀ ਵਿੱਚ ਸ਼ਾਮਲ ਕੀਤਾ ਹੈ। ਸਾਬਕਾ ਟੈਸਟ ਬੱਲੇਬਾਜ਼ ਅਸਦ ਸ਼ਫੀਕ ਪਹਿਲਾਂ ਹੀ ਇਸ ਕਮੇਟੀ ‘ਚ ਸ਼ਾਮਲ ਹਨ, ਜਿਨ੍ਹਾਂ ਨੂੰ ਮੁਹੰਮਦ ਯੂਸਫ ਦੇ ਅਸਤੀਫ਼ੇ ਤੋਂ ਬਾਅਦ ਸ਼ਾਮਲ ਕੀਤਾ ਗਿਆ ਸੀ।
ਪੀ.ਸੀ.ਬੀ ਨੇ ਕਿਹਾ ਕਿ ਸਾਰੇ ਮੈਂਬਰਾਂ ਨੂੰ ਵੋਟਿੰਗ ਦਾ ਅਧਿਕਾਰ ਹੋਵੇਗਾ ਪਰ ਇਹ ਨਹੀਂ ਦੱਸਿਆ ਕਿ ਕੀ ਮੁੱਖ ਕੋਚ ਗੈਰੀ ਕਰਸਟਨ ਅਤੇ ਜੇਸਨ ਗਿਲੇਸਪੀ ਨੂੰ ਵੀ ਕਮੇਟੀ ਵਿੱਚ ਵੋਟਿੰਗ ਦਾ ਅਧਿਕਾਰ ਹੋਵੇਗਾ।
