ਰਾਹੁਲ ਗਾਂਧੀ ਨੇ ਕਾਂਗਰਸ ਉਮੀਦਵਾਰ ਰਾਜੇਂਦਰ ਸਿੰਘ ਜੂਨ ਦੇ ਸਮਰਥਨ ‘ਚ ਕੀਤਾ ਰੋਡ ਸ਼ੋਅ

ਬਹਾਦੁਰਗੜ੍ਹ : ਕਾਂਗਰਸ ਨੇਤਾ ਰਾਹੁਲ ਗਾਂਧੀ (Congress leader Rahul Gandhi) ਦੀ ਹਰਿਆਣਾ ਪਰਿਵਰਤਨ ਯਾਤਰਾ ਦਾ ਅੱਜ ਦੂਜਾ ਦਿਨ ਹੈ। ਹਰਿਆਣਾ ਪਰਿਵਰਤਨ ਯਾਤਰਾ ਦੀ ਸ਼ੁਰੂਆਤ ਅੱਜ ਦੇਸ਼ ਦੀ ਰਾਜਧਾਨੀ ਦਿੱਲੀ ਦੇ ਨਾਲ ਲੱਗਦੇ ਬਹਾਦੁਰਗੜ੍ਹ ਤੋਂ ਹੋਈ ਹੈ। ਰਾਹੁਲ ਗਾਂਧੀ ਇੱਥੇ ਕਾਂਗਰਸ ਉਮੀਦਵਾਰ ਰਾਜੇਂਦਰ ਸਿੰਘ ਜੂਨ ਦੇ ਸਮਰਥਨ ਵਿੱਚ ਰੋਡ ਸ਼ੋਅ ਕਰਨ ਆਏ ਸਨ। ਇਸ ਦੌਰਾਨ ਬਹਾਦੁਰਗੜ੍ਹ ਦੇ ਪਕੋੜਾ ਚੌਂਕ ਵਿੱਚ ਪਹਿਲਾਂ ਤੋਂ ਹੀ ਪੁੱਜੇ ਹਜ਼ਾਰਾਂ ਲੋਕਾਂ ਨੇ ਗਾਂਧੀ ਦਾ ਨਿੱਘਾ ਸਵਾਗਤ ਕੀਤਾ।

  ਇਸ ਤੋਂ ਅੱਗੇ ਕਾਂਗਰਸੀ ਆਗੂ ਨੇ ਖੁੱਲ੍ਹੀ ਕਾਰ ਵਿੱਚ ਸਵਾਰ ਹੋ ਕੇ ਲੋਕਾਂ ਦਾ ਹੱਥ ਹਿਲਾ ਕੇ ਸਵਾਗਤ ਕੀਤਾ। ਉੱਥੇ ਹੀ ਉਨ੍ਹਾਂ ਨੇ ਬਹਾਦਰਗੜ੍ਹ ਦੇ ਮਸ਼ਹੂਰ ਪਕੌੜਿਆਂ ਦਾ ਸਵਾਦ ਵੀ ਚੱਖਿਆ। ਰੋਹਤਕ ਲੋਕ ਸਭਾ ਹਲਕੇ ਤੋਂ ਸੰਸਦ ਮੈਂਬਰ ਦੀਪੇਂਦਰ ਹੁੱਡਾ ਨੇ ਹਰਿਆਣਾ ਦੇ ਸਨਮਾਨ ਦਾ ਪ੍ਰਤੀਕ ਦਸਤਾਰ ਪਹਿਨਾ ਕੇ ਰਾਹੁਲ ਗਾਂਧੀ ਦਾ ਸਵਾਗਤ ਕੀਤਾ। ਰਾਹੁਲ ਗਾਂਧੀ ਦਾ ਰੋਡ ਸ਼ੋਅ ਬਹਾਦਰਗੜ੍ਹ ਸ਼ਹਿਰ ਦੇ ਸਭ ਤੋਂ ਵਿਅਸਤ ਚੌਰਾਹੇ ਪਕੋੜਾ ਚੌਕ ਤੋਂ ਸ਼ੁਰੂ ਹੋਇਆ। ਭਾਰੀ ਭੀੜ ਕਾਰਨ ਰਾਹੁਲ ਦੀ ਕਾਰ ਨੂੰ ਵੀ ਹੌਲੀ-ਹੌਲੀ ਅੱਗੇ ਵਧਣਾ ਪਿਆ। ਰਾਹੁਲ ਗਾਂਧੀ ਨੂੰ ਸੁਣਨ ਅਤੇ ਦੇਖਣ ਲਈ ਇੱਥੇ ਹਜ਼ਾਰਾਂ ਸਮਰਥਕ ਇਕੱਠੇ ਹੋਏ ਸਨ।

ਨੇਤਾ ਨੇ ਰਾਜਿੰਦਰ ਜੂਨ ਨੂੰ ਜਿਤਾਉਣ ਲਈ ਇਸ਼ਾਰਿਆਂ ਨਾਲ ਅਪੀਲ ਕੀਤੀ। ਰਾਹੁਲ ਗਾਂਧੀ ਦੀ ਹਰਿਆਣਾ ਪਰਿਵਰਤਨ ਯਾਤਰਾ ਬਹਾਦੁਰਗੜ੍ਹ ਸ਼ਹਿਰ ਦੇ ਲਾਈਨਪਾੜ ਇਲਾਕੇ, ਕਨੋਂਡਾ ਪਿੰਡ ਅਤੇ ਲਾਡਰਾਵਣ ਪਿੰਡ ਤੋਂ ਹੁੰਦੀ ਹੋਈ ਸੋਨੀਪਤ ਜ਼ਿਲ੍ਹੇ ਵਿੱਚ ਪਹੁੰਚੀ। ਇਸ ਤੋਂ ਪਹਿਲਾਂ ਪਿੰਡਾਂ ਵਿੱਚ ਪਿੰਡ ਵਾਸੀਆਂ ਨੇ ਵੀ ਰਾਹੁਲ ਦਾ ਨਿੱਘਾ ਸਵਾਗਤ ਕੀਤਾ।