ਪੰਜਾਬ : ਰੈਪਰ ਅਤੇ ਸੰਗੀਤਕਾਰ ਯੋ ਯੋ ਹਨੀ ਸਿੰਘ (Rapper and Musician Yo Yo Honey Singh) ਆਪਣੇ ਪ੍ਰਸ਼ੰਸਕਾਂ ਦੇ ਦਿਲਾਂ ‘ਤੇ ਰਾਜ ਕਰਦੇ ਹਨ। ਉਨ੍ਹਾਂ ਨੇ ‘ਬ੍ਰਾਊਨ ਰੰਗ’, ‘ਬਲੂ ਆਈਜ਼’, ‘ਅੰਗਰੇਜ਼ੀ ਬੀਟ’ ਅਤੇ ਹੋਰ ਬਹੁਤ ਸਾਰੇ ਸੁਪਰਹਿੱਟ ਗੀਤ ਦਿੱਤੇ ਹਨ, ਜਿਨ੍ਹਾਂ ਨੂੰ ਅੱਜ ਵੀ ਲੋਕ ਪਿਆਰ ਕਰਦੇ ਹਨ।
ਹਾਲ ਹੀ ਵਿੱਚ ਹਨੀ ਸਿੰਘ ਨੇ ਆਬੂ ਧਾਬੀ ਵਿੱਚ ਚੱਲ ਰਹੇ ਇੰਟਰਨੈਸ਼ਨਲ ਇੰਡੀਅਨ ਫਿਲਮ ਅਕੈਡਮੀ ਅਵਾਰਡਸ (The International Indian Film Academy Awards),(ਆਈਫਾ 2024) ਦੌਰਾਨ ਗੱਲਬਾਤ ਕੀਤੀ ਅਤੇ ਸਫ਼ਲਤਾ ਦਾ ਅਸਲੀ ਅਤੇ ਮੂਲ ਮੰਤਰ ਦੱਸਿਆ। ਹਨੀ ਸਿੰਘ ਨੇ ਕਿਹਾ, ‘ਜ਼ਿੰਦਗੀ ‘ਚ ਹਰ ਕੰਮ ਕਰਨ ਲਈ ਹਿੰਮਤ ਜ਼ਰੂਰੀ ਹੁੰਦੀ ਹੈ। ਅੱਜ, ਮੈਂ ਇੱਥੇ ਆਈਫਾ ਵਰਗੇ ਵਿਸ਼ਵ ਸਮਾਗਮ ਵਿੱਚ ਖੜ੍ਹਾ ਹਾਂ, ਜੋ ਮੈਨੂੰ ਵਾਪਸ ਲਿਆਉਣ ਵਾਲਾ ਹੈ ਉਹ ਹੈ ਸਾਹਸ।
ਬਾਇਪੋਲਰ ਡਿਸਆਰਡਰ ਦਾ ਸ਼ਿਕਾਰ ਹੋਏ ਹਨੀ ਸਿੰਘ
ਆਪਣੇ ਕਰੀਅਰ ਦੇ ਸਿਖਰ ‘ਤੇ ਹਨੀ ਸਿੰਘ ਬਾਇਪੋਲਰ ਡਿਸਆਰਡਰ ਦਾ ਸ਼ਿਕਾਰ ਹੋ ਗਏ ਸਨ, ਜਿਸ ਕਾਰਨ ਉਹ ਕਈ ਸਾਲਾਂ ਤੱਕ ਮਨੋਰੰਜਨ ਇੰਡਸਟਰੀ ਤੋਂ ਦੂਰ ਰਹੇ। ਇਲਾਜ ਅਤੇ ਆਪਣੀ ਇੱਛਾ ਸ਼ਕਤੀ ਦੀ ਮਦਦ ਨਾਲ ਉਹ ਸੰਗੀਤ ਦੀ ਦੁਨੀਆ ਵਿਚ ਵਾਪਸ ਪਰਤੇ। ਸੰਗੀਤ ਅਤੇ ਕਲਾ ਵਿੱਚ ਏ.ਆਈ ਦੀ ਵਧਦੀ ਉਪਯੋਗਤਾ ਬਾਰੇ ਪੁੱਛੇ ਜਾਣ ‘ਤੇ, ਉਨ੍ਹਾਂ ਨੇ ਕਿਹਾ, ‘ਮੈਨੂੰ ਤਕਨਾਲੋਜੀ ਅਤੇ ਕਲਾ ਦਾ ਮਿਸ਼ਰਣ ਪਸੰਦ ਹੈ। ਏ.ਆਈ ਖਾਸ ਕਰਕੇ ਸੰਗੀਤ ਲਈ ਅਦਭੁਤ ਹੈ।
ਇਸ ਦੌਰਾਨ ਹਨੀ ਸਿੰਘ ਨੇ ਪੰਜਾਬੀ ਗਾਇਕ-ਨਿਰਦੇਸ਼ਕ ਦਿਲਜੀਤ ਦੋਸਾਂਝ ਦੀ ਤਾਰੀਫ਼ ਵੀ ਕੀਤੀ। ਉਨ੍ਹਾਂ ਕਿਹਾ ਕਿ ਇੱਕ ਸਿੱਖ ਪਰਿਵਾਰ ਤੋਂ ਆਏ ਲੜਕੇ (ਦਿਲਜੀਤ ਦੋਸਾਂਝ) ਨੇ ਜੋ ਕੀਤਾ ਹੈ, ਉਹ ਅਸਲ ਵਿੱਚ ਵੱਖਰਾ ਹੈ। ਉਨ੍ਹਾਂ ਦੀ ਹਿੰਮਤ, ਉਨ੍ਹਾਂ ਦੀ ਯੋਗਤਾ ਅਤੇ ਉਨ੍ਹਾਂ ਦਾ ਜਨੂੰਨ ਉਨ੍ਹਾਂ ਦੇ ਕੰਮ ਵਿੱਚ ਝਲਕਦਾ ਹੈ। ਇਹ ਬਿਲਕੁਲ ਨਹੀਂ ਬਦਲਿਆ ਹੈ। ਇਹ ਉਹੀ ਦਿਲਜੀਤ ਦੋਸਾਂਝ ਹੈ ਜਿਸ ਨਾਲ ਮੈਂ ਐਲਬਮ ‘ਦਿ ਨੈਕਸਟ ਲੈਵਲ’ ਵਿੱਚ ਕੰਮ ਕੀਤਾ ਸੀ।
