ਬੈਂਗਲੁਰੂ: ਬੈਂਗਲੁਰੂ ‘ਚ ਕੁਝ ਦਿਨ ਪਹਿਲਾਂ ਇਕ ਔਰਤ ਦੀ ਲਾਸ਼ ਟੁਕੜਿਆਂ ‘ਚ ਕਟੀ ਹੋਈ ਉਸ ਦੇ ਘਰ ਤੋਂ ਬਰਾਮਦ ਹੋਈ ਸੀ। ਔਰਤ ਦਾ ਨਾਂ ਮਹਾਲਕਸ਼ਮੀ (Mahalakshmi) ਸੀ। ਉਸ ਦੀ ਲਾਸ਼ ਫਰਿੱਜ ‘ਚੋਂ ਬਰਾਮਦ ਹੋਈ। ਪੁਲਿਸ ਦਾ ਮੰਨਣਾ ਹੈ ਕਿ ਘਟਨਾ ਦੇ ਮੁੱਖ ਸ਼ੱਕੀ, ਜਿਸ ਨੇ ਮਹਾਲਕਸ਼ਮੀ ਦੀ ਹੱਤਿਆ ਕੀਤੀ ਸੀ ਅਤੇ ਉਸਦੀ ਲਾਸ਼ ਦੇ 59 ਟੁਕੜੇ ਕਰ ਦਿੱਤੇ ਸਨ, ਨੇ ਕਥਿਤ ਤੌਰ ‘ਤੇ ਉੜੀਸਾ ਵਿੱਚ ਖੁਦਕੁਸ਼ੀ ਕਰ ਲਈ ਹੈ। ਉਸ ਦੀ ਲਾਸ਼ ਦਰੱਖਤ ਨਾਲ ਲਟਕਦੀ ਮਿਲੀ। ਦੋਸ਼ੀ ਮਹਾਲਕਸ਼ਮੀ ਦਾ ਬੁਆਏਫ੍ਰੈਂਡ ਦੱਸਿਆ ਜਾ ਰਿਹਾ ਹੈ, ਜਿਸ ਦਾ ਨਾਂ ਮੁਕਤੀ ਰੰਜਨ ਰਾਏ ਦੱਸਿਆ ਜਾ ਰਿਹਾ ਹੈ। ਉਸ ਕੋਲੋਂ ਇਕ ਸੁਸਾਈਡ ਨੋਟ ਵੀ ਬਰਾਮਦ ਹੋਇਆ ਹੈ। ਜਿਸ ‘ਚ ਉਸ ਨੇ ਮਹਾਲਕਸ਼ਮੀ ਦੇ ਕਤਲ ਦਾ ਵੀ ਇਕਬਾਲ ਕੀਤਾ ਹੈ।
ਸੁਸਾਈਡ ਨੋਟ ਤੋਂ ਵੱਡਾ ਖੁਲਾਸਾ
ਜਦੋਂ ਕਿ ਮਹਾਲਕਸ਼ਮੀ ਕਤਲ ਕਾਂਡ ਦੇ ਮੁੱਖ ਮੁਲਜ਼ਮ ਮੁਕਤੀ ਰੰਜਨ ਰਾਏ ਦੀ ਪੁਲਿਸ ਪਹਿਲਾਂ ਹੀ ਪਛਾਣ ਕਰ ਚੁੱਕੀ ਸੀ। ਪੁਲਿਸ ਸੂਤਰਾਂ ਦਾ ਕਹਿਣਾ ਹੈ ਕਿੳੇੁਂਕਿ ਉਹ ਦੋਸ਼ੀ ਕਤਲ ਦੇ ਬਾਅਦ ਤੋਂ ਫਰਾਰ ਸੀ, ਜਿਸ ਕਾਰਨ ਬੈਂਗਲੁਰੂ ਪੁਲਿਸ ਨੇ ਕਈ ਸੂਬਿਆਂ ‘ਚ ਉਸ ਦੀ ਭਾਲ ਸ਼ੁਰੂ ਕਰ ਦਿੱਤੀ ਸੀ। ਹੁਣ ਉਸ ਨੇ ਉੜੀਸਾ ਵਿੱਚ ਖੁਦਕੁਸ਼ੀ ਕਰ ਲਈ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਉਸ ਦੀ ਲਾਸ਼ ਦੇ ਨੇੜੇ ਇਕ ਸੁਸਾਈਡ ਨੋਟ ਮਿਲਿਆ ਹੈ। ਜਿਸ ਵਿੱਚ ਮੁਕਤੀ ਰੰਜਨ ਰਾਏ ਨੇ ਕਤਲ ਦੀ ਗੱਲ ਕਬੂਲ ਕਰ ਲਈ ਹੈ ਅਤੇ ਕਿਹਾ ਹੈ ਕਿ ਉਸ ਨੇ ਇਹ ਜੁਰਮ ਕਰਕੇ ਗਲਤੀ ਕੀਤੀ ਹੈ।
ਕੀ ਹੈ ਮਹਾਲਕਸ਼ਮੀ ਕਤਲ ਕਾਂਡ?
ਬੈਂਗਲੁਰੂ ਦੇ ਵਿਆਲੀਕਾਵਲ ਇਲਾਕੇ ‘ਚ ਉਸ ਸਮੇਂ ਹਲਚਲ ਮਚ ਗਈ ਜਦੋਂ ਇੱਥੇ ਤਿੰਨ ਮੰਜ਼ਿਲਾ ਮਕਾਨ ਦੀ ਪਹਿਲੀ ਮੰਜ਼ਿਲ ‘ਤੇ ਮਹਾਲਕਸ਼ਮੀ ਦੀ ਬੇਰਹਿਮੀ ਨਾਲ ਹੱਤਿਆ ਕਰ ਦਿੱਤੀ ਗਈ। 21 ਸਤੰਬਰ ਨੂੰ ਮਹਾਲਕਸ਼ਮੀ ਦੇ ਕਮਰੇ ‘ਚ ਫਰਿੱਜ ਅਤੇ ਉਸ ਦੀ ਲਾਸ਼ ਦੇ ਟੁਕੜੇ ਖਿੱਲਰੇ ਹੋਏ ਮਿਲੇ ਸਨ। ਕਾਤਲ ਨੇ ਮਹਾਲਕਸ਼ਮੀ ਦੇ 50 ਤੋਂ ਵੱਧ ਟੁਕੜੇ ਕਰ ਦਿੱਤੇ ਸਨ। ਮਹਾਲਕਸ਼ਮੀ ਦਾ ਵਿਆਹ ਹੇਮੰਤ ਦਾਸ ਨਾਲ ਹੋਇਆ ਸੀ ਪਰ ਆਪਸੀ ਕਲੇਸ਼ ਕਾਰਨ ਮਹਾਲਕਸ਼ਮੀ ਬੈਂਗਲੁਰੂ ਆ ਗਈ।
