ਅਹਿਮਦਾਬਾਦ: ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ (Prime Minister Narendra Modi) ਅੱਜ ਯਾਨੀ 16 ਸਤੰਬਰ ਨੂੰ ਅਹਿਮਦਾਬਾਦ ‘ਚ ਇਕ ਮਹੱਤਵਪੂਰਨ ਸਮਾਗਮ ਦੌਰਾਨ ਦੇਸ਼ ਦੀ ਪਹਿਲੀ ‘ਵੰਦੇ ਮੈਟਰੋ’ ਸੇਵਾ ਦੀ ਸ਼ੁਰੂਆਤ ਕਰਨਗੇ। ਇਸ ਮੌਕੇ ‘ਤੇ ਪ੍ਰਧਾਨ ਮੰਤਰੀ ਮੋਦੀ ਅਹਿਮਦਾਬਾਦ ਅਤੇ ਭੁਜ ਵਿਚਕਾਰ ਵੰਦੇ ਮੈਟਰੋ ਨੂੰ ਹਰੀ ਝੰਡੀ ਦਿਖਾਉਣਗੇ ਅਤੇ ਕਈ ਹੋਰ ਵੰਦੇ ਭਾਰਤ ਟਰੇਨਾਂ ਦਾ ਉਦਘਾਟਨ ਕਰਨਗੇ। ਇਸ ਤੋਂ ਇਲਾਵਾ ਪ੍ਰਧਾਨ ਮੰਤਰੀ ਮੋਦੀ ਅਹਿਮਦਾਬਾਦ ਅਤੇ ਗਾਂਧੀਨਗਰ ਵਿਚਕਾਰ ਮੈਟਰੋ ਰੇਲ ਸੇਵਾ ਦੇ ਦੂਜੇ ਪੜਾਅ ਦਾ ਉਦਘਾਟਨ ਵੀ ਕਰਨਗੇ।
ਵੰਦੇ ਮੈਟਰੋ ਦਾ ਰੂਟ ਅਤੇ ਸਮਾਂ
ਰੂਟ
ਵੰਦੇ ਮੈਟਰੋ ਰੂਟ ਅਹਿਮਦਾਬਾਦ ਅਤੇ ਗਾਂਧੀਨਗਰ ਦੇ ਵਿਚਕਾਰ ਹੋਵੇਗਾ, ਜਿਸ ਨਾਲ ਦੋਵਾਂ ਸ਼ਹਿਰਾਂ ਵਿਚਕਾਰ ਯਾਤਰਾ ਦੇ ਸਮੇਂ ਵਿੱਚ ਕਾਫ਼ੀ ਕਮੀ ਆਵੇਗੀ। ਇਹ ਮੈਟਰੋ ਅਹਿਮਦਾਬਾਦ ਦੇ ਮੋਟੇਰਾ ਤੋਂ ਸ਼ੁਰੂ ਹੋ ਕੇ ਗਾਂਧੀਨਗਰ ਦੇ ਗਿਫਟ ਸਿਟੀ ਪਹੁੰਚੇਗੀ। ਇਸ ਮੈਟਰੋ ਦੇ ਪਹਿਲੇ ਪੜਾਅ ‘ਚ ਗਾਂਧੀਨਗਰ ਦੇ ਅੱਠ ਸਟੇਸ਼ਨਾਂ ‘ਤੇ ਸੇਵਾ ਮੁਹੱਈਆ ਕਰਵਾਈ ਜਾਵੇਗੀ। ਆਉਣ ਵਾਲੇ ਸਮੇਂ ਵਿੱਚ ਇਹ ਮੈਟਰੋ ਸਕੱਤਰੇਤ, ਅਕਸ਼ਰਧਾਮ, ਪੁਰਾਣੇ ਸਕੱਤਰੇਤ, ਸੈਕਟਰ 16, ਸੈਕਟਰ 24 ਅਤੇ ਮਹਾਤਮਾ ਮੰਦਰ ਤੱਕ ਫੈਲੇਗੀ।
ਸਮਾਂ
ਪੱਛਮੀ ਰੇਲਵੇ ਦੇ ਅਧਿਕਾਰੀਆਂ ਮੁਤਾਬਕ ਅਹਿਮਦਾਬਾਦ ਅਤੇ ਭੁਜ ਵਿਚਕਾਰ ਵੰਦੇ ਮੈਟਰੋ ਸੇਵਾ 110 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫ਼ਤਾਰ ਨਾਲ ਚੱਲੇਗੀ। ਇਹ ਟ੍ਰੇਨ ਭੁਜ ਤੋਂ ਸਵੇਰੇ 5:05 ਵਜੇ ਰਵਾਨਾ ਹੋਵੇਗੀ ਅਤੇ ਅਹਿਮਦਾਬਾਦ ਜੰਕਸ਼ਨ 10:50 ਵਜੇ ਪਹੁੰਚੇਗੀ। ਇਸ ਯਾਤਰਾ ਦੀ ਕੁੱਲ ਦੂਰੀ 360 ਕਿਲੋਮੀਟਰ ਹੈ, ਜਿਸ ਨੂੰ ਟਰੇਨ 5 ਘੰਟੇ 45 ਮਿੰਟਾਂ ‘ਚ ਤੈਅ ਕਰੇਗੀ।
ਸਿਰਫ਼ ਇੰਨ੍ਹਾਂ ਕਿਰਾਇਆ ਤੈਅ
ਵੰਦੇ ਮੈਟਰੋ ਦੀ ਯਾਤਰਾ ਬਹੁਤ ਕਿਫ਼ਾਇਤੀ ਹੋਵੇਗੀ। ਅਹਿਮਦਾਬਾਦ ਤੋਂ ਗਾਂਧੀਨਗਰ ਤੱਕ ਦੀ ਯਾਤਰਾ ਦਾ ਕਿਰਾਇਆ ਸਿਰਫ 35 ਰੁਪਏ ਰੱਖਿਆ ਗਿਆ ਹੈ। ਇਹ ਮੈਟਰੋ ਯਾਤਰੀਆਂ ਨੂੰ ਇਕ ਘੰਟੇ ਦੇ ਅੰਦਰ ਅਹਿਮਦਾਬਾਦ ਦੇ ਵਾਸਨਾ ਏ.ਪੀ.ਐਮ.ਸੀ. ਤੋਂ ਗਾਂਧੀਨਗਰ ਦੇ ਗਿਫਟ ਸਿਟੀ ਤੱਕ ਲੈ ਜਾਵੇਗੀ।
ਪ੍ਰਧਾਨ ਮੰਤਰੀ ਮੋਦੀ ਦੀਆਂ ਹੋਰ ਸਕੀਮਾਂ
ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਆਪਣੇ ਗੁਜਰਾਤ ਦੌਰੇ ਦੌਰਾਨ ਕਈ ਮਹੱਤਵਪੂਰਨ ਵਿਕਾਸ ਪ੍ਰੋਜੈਕਟਾਂ ਦਾ ਉਦਘਾਟਨ ਅਤੇ ਨੀਂਹ ਪੱਥਰ ਰੱਖਣਗੇ। ਇਨ੍ਹਾਂ ਵਿੱਚ 8,000 ਕਰੋੜ ਰੁਪਏ ਤੋਂ ਵੱਧ ਦੇ ਪ੍ਰਾਜੈਕਟ ਸ਼ਾਮਲ ਹਨ। ਪੀ.ਐਮ ਮੋਦੀ ਗਾਂਧੀਨਗਰ ਵਿੱਚ ਰੀ-ਇਨਵੈਸਟ 2024 ਦੇ ਚੌਥੇ ਐਡੀਸ਼ਨ ਦਾ ਉਦਘਾਟਨ ਕਰਨਗੇ। ਇਸ ਤੋਂ ਇਲਾਵਾ, ਪ੍ਰਧਾਨ ਮੰਤਰੀ ਕੱਛ ਵਿੱਚ 30 ਮੈਗਾਵਾਟ ਸੋਲਰ ਸਿਸਟਮ, ਕੱਛ ਲਿਗਨਾਈਟ ਥਰਮਲ ਪਾਵਰ ਸਟੇਸ਼ਨ, ਅਤੇ ਮੋਰਬੀ ਅਤੇ ਰਾਜਕੋਟ ਵਿੱਚ 220 ਕਿਲੋਵੋਲਟ ਸਬਸਟੇਸ਼ਨਾਂ ਦਾ ਉਦਘਾਟਨ ਵੀ ਕਰਨਗੇ।
ਪੀ.ਐਮ.ਏ.ਵਾਈ. ਯੋਜਨਾ ਦੇ ਤਹਿਤ ਵਿਕਾਸ
ਪ੍ਰਧਾਨ ਮੰਤਰੀ ਮੋਦੀ ਪੀ.ਐਮ.ਏ.ਵਾਈ.-ਗ੍ਰਾਮੀਣ ਯੋਜਨਾ ਦੇ ਤਹਿਤ 30,000 ਤੋਂ ਵੱਧ ਘਰਾਂ ਨੂੰ ਮਨਜ਼ੂਰੀ ਦੇਣਗੇ ਅਤੇ ਇਨ੍ਹਾਂ ਘਰਾਂ ਲਈ ਪਹਿਲੀ ਕਿਸ਼ਤ ਜਾਰੀ ਕਰਨਗੇ। ਇਸ ਤੋਂ ਇਲਾਵਾ, ਉਹ ਪੀ.ਐਮ.ਏ.ਵਾਈ. ਯੋਜਨਾ ਦੇ ਤਹਿਤ ਨਵੇਂ ਮਕਾਨਾਂ ਦੀ ਉਸਾਰੀ ਵੀ ਸ਼ੁਰੂ ਕਰਾਂਗੇ। ਇਹ ਕਦਮ ਹਜ਼ਾਰਾਂ ਪਰਿਵਾਰਾਂ ਨੂੰ ਆਪਣੇ ਸੁਪਨਿਆਂ ਦੇ ਘਰ ਪ੍ਰਾਪਤ ਕਰਨ ਵਿੱਚ ਮਦਦ ਕਰੇਗਾ ਅਤੇ ਪੇਂਡੂ ਵਿਕਾਸ ਵੱਲ ਇੱਕ ਮਹੱਤਵਪੂਰਨ ਕਦਮ ਹੋਵੇਗਾ।
