ਗੂਗਲ ਡੈਸਕ : ਵਟਸਐਪ (WhatsApp) ਦੀ ਵਰਤੋਂ ਹੁਣ ਵੱਡੇ ਪੱਧਰ ‘ਤੇ ਕੀਤੀ ਜਾ ਰਹੀ ਹੈ। ਵਟਸਐਪ ਦੀ ਵਰਤੋਂ ਨਿੱਜੀ ਅਤੇ ਦਫਤਰੀ ਕੰਮਾਂ ਲਈ ਕੀਤੀ ਜਾ ਰਹੀ ਹੈ। ਵਟਸਐਪ ਦੇ ਵੀਡੀਓ ਅਤੇ ਆਡੀਓ ਕਾਲਾਂ ਕਾਰਨ ਜ਼ੂਮ ਵਰਗੀਆਂ ਮੀਟਿੰਗ ਐਪਸ ਦੀ ਵਰਤੋਂ ਘੱਟ ਗਈ ਹੈ। ਵਟਸਐਪ ਆਪਣੇ ਐਪ ‘ਚ ਲਗਾਤਾਰ ਨਵੇਂ ਫੀਚਰਸ ਜੋੜ ਰਿਹਾ ਹੈ ਤਾਂ ਕਿ ਯੂਜ਼ਰਸ ਦਾ ਅਨੁਭਵ ਬਿਹਤਰ ਹੋ ਸਕੇ।
ਹੁਣ ਕੰਪਨੀ ਵਟਸਐਪ ‘ਚ ਇਕ ਨਵਾਂ ਫੀਚਰ ਜੋੜਨ ਦੀ ਤਿਆਰੀ ਕਰ ਰਹੀ ਹੈ। ਰਿਪੋਰਟ ਮੁਤਾਬਕ ਵਟਸਐਪ ‘ਤੇ ਵਾਇਸ ਕਾਲ ਲਿੰਕ ਫੀਚਰ ਆ ਰਿਹਾ ਹੈ, ਜਿਸ ਤੋਂ ਬਾਅਦ ਯੂਜ਼ਰਸ ਵੌਇਸ ਕਾਲ ਮੀਟਿੰਗ ਲਿੰਕ ਬਣਾ ਸਕਣਗੇ ਅਤੇ ਦੋਸਤਾਂ ਨਾਲ ਸ਼ੇਅਰ ਵੀ ਕਰ ਸਕਣਗੇ।
ਅਸਲ ਵਿੱਚ ਇਹ ਇੱਕ ਕਾਲ ਲਿੰਕ ਹੈ ਜਿਸ ਦੀ ਮਦਦ ਨਾਲ ਕੋਈ ਵੀ ਵਟਸਐਪ ‘ਤੇ ਵੀਡੀਓ ਅਤੇ ਵੌਇਸ ਕਾਲ ਦੋਵਾਂ ਵਿੱਚ ਸ਼ਾਮਲ ਹੋ ਸਕਦਾ ਹੈ। ਇਸ ਫੀਚਰ ਦੇ ਆਉਣ ਤੋਂ ਬਾਅਦ ਵਟਸਐਪ ‘ਤੇ ਮੀਟਿੰਗਾਂ ਕਰਨਾ ਆਸਾਨ ਹੋ ਜਾਵੇਗਾ। ਕਿਸੇ ਵੀ ਚੱਲ ਰਹੀ ਕਾਲ ਨੂੰ ਸਿਰਫ਼ ਇੱਕ ਕਲਿੱਕ ਵਿੱਚ ਸ਼ਾਮਲ ਕੀਤਾ ਜਾ ਸਕਦਾ ਹੈ।
ਵਟਸਐਪ ਦੇ ਫੀਚਰਸ ਨੂੰ ਟ੍ਰੈਕ ਕਰਨ ਵਾਲੀ ਕੰਪਨੀ WABetaInfo ਨੇ ਇਸ ਨਵੇਂ ਫੀਚਰ ਬਾਰੇ ਜਾਣਕਾਰੀ ਦਿੱਤੀ ਹੈ। ਨਵੇਂ ਫੀਚਰ ਦਾ ਇੱਕ ਸਕਰੀਨਸ਼ਾਟ ਵੀ ਸਾਹਮਣੇ ਆਇਆ ਹੈ ਜਿਸ ਵਿੱਚ ਫੋਟੋ-ਡਾਕੂਮੈਂਟ ਦੇ ਨਾਲ ਕਾਲ ਲਿੰਕ ਬਣਾਉਣ ਦਾ ਵਿਕਲਪ ਵੀ ਦਿਖਾਈ ਦੇ ਰਿਹਾ ਹੈ। ਇਸ ਨਵੇਂ ਫੀਚਰ ਨੂੰ ਫਿਲਹਾਲ ਬੀਟਾ ਵਰਜ਼ਨ ‘ਤੇ ਟੈਸਟ ਕੀਤਾ ਜਾ ਰਿਹਾ ਹੈ। ਅਜਿਹੇ ‘ਚ ਇਹ ਕਹਿਣਾ ਮੁਸ਼ਕਿਲ ਹੈ ਕਿ ਇਸ ਦਾ ਪਬਲਿਕ ਅਪਡੇਟ ਕਦੋਂ ਆਵੇਗਾ।
