ਰੇਲਵੇ ਬੋਰਡ ਨੇ ਇਹ ਵਿਸ਼ੇਸ਼ ਰੇਲਗੱਡੀ ਚਲਾਉਣ ਦਾ ਕੀਤਾ ਫ਼ੈਸਲਾ

ਚੰਡੀਗੜ੍ਹ: ਤਿਉਹਾਰੀ ਸੀਜ਼ਨ ਸ਼ੁਰੂ ਹੋਣ ਵਿੱਚ ਇੱਕ ਮਹੀਨਾ ਬਾਕੀ ਹੈ ਇਸ ਲਈ ਰੇਲਵੇ ਬੋਰਡ (The Railway Board) ਨੇ ਹੁਣ ਤੋਂ ਹੀ ਤਿਆਰੀਆਂ ਸ਼ੁਰੂ ਕਰ ਦਿੱਤੀਆਂ ਹਨ। ਰੇਲਵੇ ਬੋਰਡ ਨੇ ਜੰਮੂ ਤਵੀ ਤੋਂ ਅੰਬਾਲਾ ਵਾਇਆ ਗੋਰਖਪੁਰ ਅਤੇ ਵਾਰਾਣਸੀ ਲਈ ਵਿਸ਼ੇਸ਼ ਰੇਲਗੱਡੀ ਚਲਾਉਣ ਦਾ ਫ਼ੈਸਲਾ ਕੀਤਾ ਗਿਆ ਹੈ। ਇਹ ਟਰੇਨ ਅੰਬਾਲਾ ਤੋਂ 10 ਅਕਤੂਬਰ ਤੋਂ 15 ਨਵੰਬਰ ਤੱਕ ਚੱਲੇਗੀ। ਅੰਬਾਲਾ ਮੰਡਲ ਦੇ ਡੀ.ਆਰ.ਐਮ. ਨੇ ਕਿਹਾ ਕਿ ਚੰਡੀਗੜ੍ਹ ਅਤੇ ਅੰਬਾਲਾ ਤੋਂ ਚੱਲਣ ਵਾਲੀਆਂ ਲੰਬੇ ਰੂਟ ਦੀਆਂ ਸਾਰੀਆਂ ਟਰੇਨਾਂ ਭਰੀਆਂ ਹੋਣ ਕਾਰਨ ਸਪੈਸ਼ਲ ਟਰੇਨ ਚਲਾਉਣ ਦਾ ਫ਼ੈਸਲਾ ਕੀਤਾ ਗਿਆ ਹੈ। ਇਨ੍ਹਾਂ ਟਰੇਨਾਂ ਦੀ ਬੁਕਿੰਗ ਸ਼ੁਰੂ ਕਰ ਦਿੱਤੀ ਗਈ ਹੈ। ਇਹ ਦੋਵੇਂ ਟਰੇਨਾਂ 38 ਗੇੜੇ ਲਾਉਣਗੀਆਂ।

ਜੰਮੂਤਵੀ ਤੋਂ ਕੋਲਕਾਤਾ
ਜੰਮੂ ਤਵੀ ਤੋਂ ਵਾਇਆ ਅੰਬਾਲਾ ਹੁੰਦਿਆਂ ਕੋਲਕਾਤਾ ਤੱਕ ਟਰੇਨ ਨੰਬਰ 04682 ਹਰ ਮੰਗਲਵਾਰ 8 ਅਕਤੂਬਰ ਤੋਂ 12 ਨਵੰਬਰ ਤੱਕ ਚੱਲੇਗੀ। ਇਹ ਟਰੇਨ ਜੰਮੂ ਤਵੀ ਤੋਂ ਰਾਤ 11.20 ਵਜੇ ਰਵਾਨਾ ਹੋਵੇਗੀ ਅਤੇ ਸਵੇਰੇ 6.08 ਵਜੇ ਅੰਬਾਲਾ ਪਹੁੰਚੇਗੀ। ਇਸ ਤੋਂ ਬਾਅਦ ਇਹ ਟਰੇਨ ਅਗਲੇ ਦਿਨ ਦੁਪਹਿਰ 1 ਵਜੇ ਕੋਲਕਾਤਾ ਪਹੁੰਚੇਗੀ। ਇਹ ਟ੍ਰੇਨ ਕੋਲਕਾਤਾ ਤੋਂ ਹਰ ਬੁੱਧਵਾਰ ਰਾਤ 11.45 ਵਜੇ ਰਵਾਨਾ ਹੋਵੇਗੀ ਅਤੇ ਅਗਲੇ ਦਿਨ ਸਵੇਰੇ 5 ਵਜੇ ਅੰਬਾਲਾ ਪਹੁੰਚੇਗੀ। ਇਹ ਟਰੇਨ ਜੰਮੂਤਵੀ, ਪਠਾਨਕੋਟ ਕੈਂਟ, ਜਲੰਧਰ ਕੈਂਟ, ਲੁਧਿਆਣਾ, ਅੰਬਾਲਾ ਕੈਂਟ, ਯਮੁਨਾਨਗਰ ਜਗਾਧਰੀ, ਸਹਾਰਨਪੁਰ, ਬਰੇਲੀ, ਸ਼ਾਹਜਹਾਂਪੁਰ, ਲਖਨਊ, ਰਾਏ ਬਰੇਲੀ, ਪ੍ਰਤਾਪਗੜ੍ਹ, ਵਾਰਾਣਸੀ, ਗਯਾ, ਧਨਬਾਦ, ਆਸਨਸੋਲ ਜੰਕਸ਼ਨ ਹੁੰਦੇ ਹੋਏ ਕੋਲਕਾਤਾ ਜਾਵੇਗੀ।

ਅੰਬਾਲਾ ਹੁੰਦੇ ਹੋਏ ਬਰੌਨੀ ਜੰਕਸ਼ਨ
ਰੇਲਵੇ ਨੇ ਜੰਮੂ ਤਵੀ ਤੋਂ ਬਰੌਨੀ ਲਈ ਦੂਜੀ ਸਪੈਸ਼ਲ ਟਰੇਨ ਚਲਾਈ ਹੈ। ਟਰੇਨ ਨੰਬਰ 04646 ਜੰਮੂ ਤਵੀ ਤੋਂ 10 ਅਕਤੂਬਰ ਤੋਂ 14 ਨਵੰਬਰ ਤੱਕ ਹਰ ਬੁੱਧਵਾਰ ਸਵੇਰੇ 5.45 ਵਜੇ ਚੱਲੇਗੀ। ਇਹ ਟਰੇਨ ਦੁਪਹਿਰ 12.40 ਵਜੇ ਅੰਬਾਲਾ ਅਤੇ ਅਗਲੇ ਦਿਨ ਦੁਪਹਿਰ 12.10 ਵਜੇ ਬਰੌਨੀ ਪਹੁੰਚੇਗੀ। ਬਦਲੇ ਵਿੱਚ, ਰੇਲਗੱਡੀ ਨੰਬਰ 04645 ਹਰ ਸ਼ੁੱਕਰਵਾਰ ਨੂੰ 3.15 ਵਜੇ ਬਰੌਨੀ ਤੋਂ ਰਵਾਨਾ ਹੋਵੇਗੀ ਅਤੇ ਅਗਲੇ ਦਿਨ ਰਾਤ 10.30 ਵਜੇ ਜੰਮੂ ਤਵੀ ਪਹੁੰਚੇਗੀ। ਇਹ ਟਰੇਨ ਜੰਮੂਤਵੀ, ਪਠਾਨਕੋਟ ਕੈਂਟ, ਜਲੰਧਰ ਕੈਂਟ, ਲੁਧਿਆਣਾ, ਅੰਬਾਲਾ, ਸਹਾਰਨਪੁਰ, ਲਕਸਰ, ਮੁਰਾਦਾਬਾਦ, ਬਰੇਲੀ, ਸੀਤਾਪੁਰ, ਗੋਂਡਾ, ਗੋਰਖਪੁਰ, ਛਪਰਾ, ਹਾਜੀਪੁਰ, ਸ਼ਾਹਪੁਰ, ਬੱਚਵਾੜਾ ਤੋਂ ਹੁੰਦੀ ਹੋਈ ਬਰੌਨੀ ਜਾਵੇਗੀ।