ਰਾਸ਼ਟਰਪਤੀ ਮੁਰਮੂ ਨੇ ਪ੍ਰੋਜੈਕਟ ਜੰਗੀ ਜਹਾਜ਼ ‘ਵਿੰਧਿਆਗਿਰੀ’ ਕੀਤਾ ਲਾਂਚ

ਕੋਲਕਾਤਾ : ਰਾਸ਼ਟਰਪਤੀ ਦ੍ਰੋਪਦੀ ਮੁਰਮੂ (President Draupadi Murmu) ਨੇ ਅੱਜ ਪੱਛਮੀ ਬੰਗਾਲ ਦੀ ਰਾਜਧਾਨੀ ਕੋਲਕਾਤਾ ਵਿੱਚ ਗਾਰਡਨ ਰੀਚ ਸ਼ਿਪ ਬਿਲਡਰਜ਼ ਐਂਡ ਇੰਜੀਨੀਅਰਿੰਗ ਲਿਮਟਿਡ (GRSE) ਦੇ ਸਵਦੇਸ਼ੀ ਤੌਰ ‘ਤੇ ਬਣਾਏ ਗਏ ਤੀਜੇ ਜੰਗੀ ਬੇੜੇ ਦਾ ਨਾਮਕਰਨ ਅਤੇ ਲਾਂਚਿੰਗ ਕੀਤੀ। ਰਾਸ਼ਟਰਪਤੀ ਮੁਰਮੂ ਦੁਆਰਾ ਲਾਂਚ ਕੀਤਾ ਗਿਆ ਜੰਗੀ ਬੇੜਾ ਇੱਕ ਨੀਲਗਿਰੀ ਸ਼੍ਰੇਣੀ ਦਾ ਫ੍ਰੀਗੇਟ ਹੈ ਅਤੇ ਇੱਕ ਸਟੀਲਥ ਗਾਈਡਡ ਮਿਜ਼ਾਈਲ ਜੰਗੀ ਬੇੜਾ ਹੈ। ਇਹ ਜੰਗੀ ਜਹਾਜ਼ ਪ੍ਰੋਜੈਕਟ-17 ਅਲਫ਼ਾ ਫ੍ਰੀਗੇਟ ਦੇ ਤਹਿਤ ਬਣਾਇਆ ਜਾ ਰਿਹਾ ਹੈ।

ਇਸ ਪ੍ਰਾਜੈਕਟ ਤਹਿਤ ਕੁੱਲ ਸੱਤ ਜੰਗੀ ਬੇੜੇ ਬਣਾਏ ਜਾਣੇ ਸਨ, ਜਿਨ੍ਹਾਂ ਵਿੱਚ ‘ਵਿੰਧਿਆਗਿਰੀ’ ਛੇਵਾਂ ਜੰਗੀ ਬੇੜਾ ਹੈ। ਪਹਿਲੇ ਪੰਜ ਜੰਗੀ ਬੇੜੇ 2019 ਤੋਂ 2022 ਦਰਮਿਆਨ ਚਾਲੂ ਕੀਤੇ ਗਏ ਸਨ। ਇਹ ਤੀਜਾ ਅਤੇ ਆਖਰੀ ਜੰਗੀ ਬੇੜਾ ਹੈ। ਕੋਲਕਾਤਾ ਸਥਿਤ ਜੰਗੀ ਜਹਾਜ਼ ਨਿਰਮਾਤਾ ਦੁਆਰਾ ਪ੍ਰੋਜੈਕਟ ਦੇ ਤਹਿਤ ਜਲ ਸੈਨਾ ਲਈ ਬਣਾਇਆ ਗਿਆ ਹੈ। ਅਧਿਕਾਰੀ ਨੇ ਕਿਹਾ ਕਿ P17A ਜਹਾਜ਼ਾਂ ਦੇ ਸਾਜ਼ੋ-ਸਾਮਾਨ ਅਤੇ ਪ੍ਰਣਾਲੀਆਂ ਲਈ 75 ਫੀਸਦੀ ਆਰਡਰ ਸਵਦੇਸ਼ੀ ਕੰਪਨੀਆਂ ਤੋਂ ਹਨ, ਜਿਨ੍ਹਾਂ ਵਿੱਚ ਸੂਖਮ, ਛੋਟੇ ਅਤੇ ਦਰਮਿਆਨੇ ਉਦਯੋਗ (ਐੱਮ.ਐੱਸ.ਐੱਮ.ਈ) ਸ਼ਾਮਲ ਹਨ।

ਮਿਜ਼ਾਈਲ ਜੰਗੀ ਜਹਾਜ਼ ਦੀਆਂ ਵਿਸ਼ੇਸ਼ਤਾਵਾਂ

• P17A ਗਾਈਡਡ ਮਿਜ਼ਾਈਲ ਜੰਗੀ ਜਹਾਜ਼ ਹਨ। ਹਰੇਕ ਜੰਗੀ ਬੇੜੇ ਦੀ ਲੰਬਾਈ 149 ਮੀਟਰ ਹੈ।
• ਇਸ ਦਾ ਭਾਰ ਲਗਭਗ 6,670 ਟਨ ਹੈ ਅਤੇ ਇਸਦੀ ਰਫਤਾਰ 28 ਸਮੁੰਦਰੀ ਮੀਲ ਹੈ।
• ਇਹ ਤਿੰਨਾਂ ਮਾਪਾਂ – ਹਵਾ, ਸਤ੍ਹਾ ਅਤੇ ਉਪ-ਸਤਹ ਵਿੱਚ ਖਤਰਿਆਂ ਨੂੰ ਬੇਅਸਰ ਕਰਨ ਦੇ ਸਮਰੱਥ ਹੈ।
• ਇਹ ਦੋ MAN ਡੀਜ਼ਲ ਇੰਜਣਾਂ ਦੁਆਰਾ ਸੰਚਾਲਿਤ ਹੈ। ਇਸ ਤੋਂ ਇਲਾਵਾ 2 ਜਨਰਲ ਇਲੈਕਟ੍ਰਿਕ ਇੰਜਣ ਲਗਾਏ ਗਏ ਹਨ, ਯਾਨੀ ਇਹ ਇਕ ਇਲੈਕਟ੍ਰਿਕ-ਡੀਜ਼ਲ ਜੰਗੀ ਜਹਾਜ਼ ਹੈ ਜਿਸ ਦੀ ਵੱਧ ਤੋਂ ਵੱਧ ਸਪੀਡ 59 ਕਿਲੋਮੀਟਰ ਪ੍ਰਤੀ ਘੰਟਾ ਹੈ।