ਕਰਨਾਟਕ : ਕਰਨਾਟਕ ਵਿੱਚ ਇੱਕ ਦਰਦਨਾਕ ਹਾਦਸਾ ਵਾਪਰਿਆ, ਜਿੱਥੇ ਇੱਕ ਘਾਤਕ ਪਤੰਗ ਦੀ ਡੋਰ ਨੇ ਇੱਕ ਵਿਅਕਤੀ ਦੀ ਜਾਨ ਲੈ ਲਈ। ਬਿਦਰ ਜ਼ਿਲ੍ਹੇ ਵਿੱਚ ਸੜਕ ਦੇ ਪਾਰ ਫੈਲੀ ਨਾਈਲੋਨ ਪਤੰਗ ਦੀ ਡੋਰ ਨਾਲ 48 ਸਾਲਾ ਬਾਈਕਰ ਸਵਾਰ ਦੀ ਮੌਤ ਹੋ ਗਈ। ਨਾਈਲੋਨ ਪਤੰਗ ਦੀ ਡੋਰ ਨੂੰ ਚੀਨੀ ਮਾਂਝਾ ਵੀ ਕਿਹਾ ਜਾਂਦਾ ਹੈ, ਜੋ ਬਹੁਤ ਖਤਰਨਾਕ ਹੁੰਦੀ ਹੈ।
ਮ੍ਰਿਤਕ ਦੀ ਪਛਾਣ ਸੰਜੂ ਕੁਮਾਰ ਹੋਸਾਮਨੀ ਦੇ ਰੂਪ ਵਿੱਚ ਹੋਈ ਹੈ। ਉਹ ਬਿਦਰ ਜ਼ਿਲ੍ਹੇ ਦੇ ਤਾਲਾਮਾਦਗੀ ਪੁਲ ਦੇ ਨੇੜੇ ਬਾਈਕ ਤੇ ਜਾ ਰਿਹਾ ਸੀ। ਇਸ ਦੌਰਾਨ, ਸੜਕ ਦੇ ਪਾਰ ਪਤੰਗ ਦੀ ਇੱਕ ਡੋਰ ਉਸਦੀ ਗਰਦਨ ਵਿੱਚ ਫਸ ਗਈ। ਡੋਰ ਇੰਨੀ ਜ਼ੋਰ ਨਾਲ ਖਿੱਚੀ ਗਈ ਕਿ ਉਨ੍ਹਾਂ ਦੇ ਗਲੇ ’ਤੇ ਡੂੰਘਾ ਕੱਟ ਲੱਗ ਗਿਆ ਅਤੇ ਖੂਨ ਵਗਣ ਲੱਗ ਪਿਆ।
ਦੇਰ ਨਾਲ ਪਹੁੰਚੀ ਐਂਬੂਲੈਂਸ
ਗੰਭੀਰ ਹਾਲਤ ਵਿੱਚ ਹੋਸਾਮਨੀ ਬਾਈਕ ਤੋਂ ਗਿਰ ਗਿਆ। ਇਸ ਦੇ ਬਾਵਜੂਦ, ਉਨ੍ਹਾਂ ਨੇ ਕਿਸੀ ਤਰ੍ਹਾਂ ਆਪਣੇ ਮੋਬਾਈਲ ਫੋਨ ‘ਤੇ ਆਪਣੀ ਧੀ ਦੇ ਨੰਬਰ ‘ਤੇ ਕਾਲ ਕਰਨ ਵਿੱਚ ਕਾਮਯਾਬ ਰਿਹਾ। ਇੱਕ ਵੀਡੀਓ ਸਾਹਮਣੇ ਆਇਆ ਜਿਸ ਵਿੱਚ ਉਹ ਖੂਨ ਨਾਲ ਲੱਥਪੱਥ ਕਾਲ ਕਰਨ ਦੀ ਕੋਸ਼ਿਸ਼ ਕਰ ਰਿਹਾ ਸੀ।
ਇਸ ਦੌਰਾਨ ਉੱਥੋਂ ਗੁਜਰ ਰਹੇ ਇੱਕ ਆਦਮੀ ਨੇ ਹੋਸਾਮਨੀ ਨੂੰ ਗੰਭੀਰ ਹਾਲਤ ਵਿੱਚ ਦੇਖਿਆ ਅਤੇ ਉਸਦੇ ਜ਼ਖ਼ਮ ‘ਤੇ ਕੱਪੜਾ ਰੱਖ ਕੇ ਖੂਨ ਵਹਿਣ ਨੂੰ ਰੋਕਣ ਦੀ ਕੋਸ਼ਿਸ਼ ਕੀਤੀ। ਸਥਾਨਕ ਲੋਕਾਂ ਦੇ ਅਨੁਸਾਰ, ਇੱਕ ਐਂਬੂਲੈਂਸ ਬੁਲਾਈ ਗਈ ਸੀ, ਪਰ ਉਸਦੇ ਪਹੁੰਚਣ ਤੋਂ ਪਹਿਲਾਂ ਹੀ ਹੋਸਾਮਨੀ ਮੌਤ ਹੋ ਗਈ। । ਪਰਿਵਾਰਕ ਮੈਂਬਰਾਂ ਦਾ ਦੋਸ਼ ਹੈ ਕਿ ਜੇਕਰ ਐਂਬੂਲੈਂਸ ਸਮੇਂ ਸਿਰ ਪਹੁੰਚ ਜਾਂਦੀ ਤਾਂ ਉਸਦੀ ਜਾਨ ਬਚਾਈ ਜਾ ਸਕਦੀ ਸੀ। ਪਰਿਵਾਰਕ ਮੈਂਬਰਾਂ ਦਾ ਦੋਸ਼ ਹੈ ਕਿ ਜੇਕਰ ਐਂਬੂਲੈਂਸ ਸਮੇਂ ਸਿਰ ਪਹੁੰਚ ਜਾਂਦੀ ਤਾਂ ਉਨ੍ਹਾਂ ਦੀ ਜਾਨ ਬੱਚ ਸਕਦੀ ਸੀ।
ਘਟਨਾ ਤੋਂ ਬਾਅਦ, ਹੋਸਾਮਨੀ ਦੇ ਪਰਿਵਾਰ ਅਤੇ ਸਥਾਨਕ ਲੋਕ ਮੌਕੇ ‘ਤੇ ਇਕੱਠੇ ਹੋਏ ਅਤੇ ਵਿਰੋਧ ਪ੍ਰਦਰਸ਼ਨ ਕੀਤਾ। ਉਨ੍ਹਾਂ ਨੇ ਨਾਈਲੋਨ ਪਤੰਗ ਦੀਆਂ ਡੋਰਾਂ ਵਿਰੁੱਧ ਸਖ਼ਤ ਕਾਰਵਾਈ ਅਤੇ ਐਮਰਜੈਂਸੀ ਸੇਵਾਵਾਂ ਵਿੱਚ ਸੁਧਾਰ ਦੀ ਮੰਗ ਕੀਤੀ। ਮੰਨਾ ਏਕਾਹੇਲੀ ਪੁਲਿਸ ਸਟੇਸ਼ਨ ਵਿੱਚ ਮਾਮਲਾ ਦਰਜ ਕੀਤਾ ਗਿਆ ਹੈ। ਪੁਲਿਸ ਦਾ ਕਹਿਣਾ ਹੈ ਕਿ ਘਟਨਾ ਦੀ ਜਾਂਚ ਕੀਤੀ ਜਾ ਰਹੀ ਹੈ।
