ਬੁਧਨੀ: ਮੱਧ ਪ੍ਰਦੇਸ਼ ਦੀਆਂ ਦੋ ਵਿਧਾਨ ਸਭਾ ਸੀਟਾਂ ‘ਤੇ ਹੋਈਆਂ ਜ਼ਿਮਨੀ ਚੋਣਾਂ (The By-Elections) ਦੀ ਗਿਣਤੀ ਦੇ ਸ਼ੁਰੂਆਤੀ ਰੁਝਾਨਾਂ ‘ਚ ਵਿਜੇਪੁਰ ‘ਚ ਸੱਤਾਧਾਰੀ ਭਾਰਤੀ ਜਨਤਾ ਪਾਰਟੀ ਅਤੇ ਬੁਧਨੀ ਸੀਟ ‘ਤੇ ਵਿਰੋਧੀ ਧਿਰ ਕਾਂਗਰਸ ਅੱਗੇ ਹੈ। ਅਧਿਕਾਰੀਆਂ ਨੇ ਇਹ ਜਾਣਕਾਰੀ ਦਿੱਤੀ।
ਇੱਕ ਚੋਣ ਅਧਿਕਾਰੀ ਨੇ ਦੱਸਿਆ ਕਿ ਬੁਧਨੀ ਵਿੱਚ ਦੂਜੇ ਦੌਰ ਦੀ ਗਿਣਤੀ ਪੂਰੀ ਹੋਣ ਤੋਂ ਬਾਅਦ ਕਾਂਗਰਸ ਦੇ ਰਾਜਕੁਮਾਰ ਪਟੇਲ ਭਾਜਪਾ ਦੇ ਰਮਾਕਾਂਤ ਭਾਰਗਵ ਤੋਂ 953 ਵੋਟਾਂ ਨਾਲ ਅੱਗੇ ਹਨ। ਇਸ ਸੀਟ ‘ਤੇ ਵੋਟਾਂ ਦੀ ਗਿਣਤੀ ਕੁੱਲ 13 ਗੇੜਾਂ ‘ਚ ਪੂਰੀ ਹੋਵੇਗੀ। ਵਿਜੇਪੁਰ ਵਿੱਚ ਅੱਠਵੇਂ ਗੇੜ ਦੀ ਗਿਣਤੀ ਪੂਰੀ ਹੋਣ ਤੋਂ ਬਾਅਦ ਭਾਜਪਾ ਦੇ ਰਾਮਨਿਵਾਸ ਰਾਵਤ ਆਪਣੇ ਨੇੜਲੇ ਵਿਰੋਧੀ ਅਤੇ ਕਾਂਗਰਸ ਦੇ ਉਮੀਦਵਾਰ ਮੁਕੇਸ਼ ਮਲਹੋਤਰਾ ਤੋਂ 8,661 ਵੋਟਾਂ ਨਾਲ ਅੱਗੇ ਹਨ। ਵਿਜੇਪੁਰ ਸੀਟ ‘ਤੇ ਕੁੱਲ 21 ਗੇੜਾਂ ਦੀ ਗਿਣਤੀ ਹੋਵੇਗੀ।
