ਬੇਲਗਾਮ: ਕਰਨਾਟਕ ਦੇ ਬੇਲਗਾਮ ਵਿੱਚ ਇੱਕ ਭਿਆਨਕ ਸੜਕ ਹਾਦਸਾ ਵਾਪਰਿਆ, ਜਿੱਥੇ ਨਿਪਾਨੀ ਸਥਾਵਨਨਿਧੀ ਘਾਟ (Nippani Sthavannidhi Ghat) ਨੇੜੇ ਇੱਕ ਤੋਂ ਬਾਅਦ ਇੱਕ 8 ਵਾਹਨ ਆਪਸ ਵਿੱਚ ਟਕਰਾ ਗਏ। ਹਾਦਸੇ ‘ਚ 4 ਲੋਕਾਂ ਦੀ ਮੌਤ ਹੋ ਗਈ ਜਦਕਿ 6 ਦੀ ਹਾਲਤ ਨਾਜ਼ੁਕ ਦੱਸੀ ਜਾ ਰਹੀ ਹੈ। ਮਰਨ ਵਾਲਿਆਂ ਵਿੱਚ ਦੋ ਬਾਈਕ ਸਵਾਰ ਅਤੇ ਦੋ ਕਾਰ ਸਵਾਰ ਸ਼ਾਮਲ ਹਨ। ਘਟਨਾ ਵਾਲੀ ਥਾਂ ਦੀਆਂ ਤਸਵੀਰਾਂ ਸਾਹਮਣੇ ਆਈਆਂ ਹਨ, ਜਿਸ ਵਿੱਚ ਇੱਕ ਕਾਰ ਟੈਂਕਰ ਦੇ ਹੇਠਾਂ ਬੁਰੀ ਤਰ੍ਹਾਂ ਫਸੀ ਹੋਈ ਦੇਖੀ ਜਾ ਸਕਦੀ ਹੈ। ਕਾਰ ਪੂਰੀ ਤਰ੍ਹਾਂ ਨੁਕਸਾਨੀ ਜਾਪਦੀ ਹੈ। ਚਸ਼ਮਦੀਦਾਂ ਮੁਤਾਬਕ ਹਾਦਸੇ ਸਮੇਂ ਰੌਲਾ ਪੈ ਗਿਆ। ਕੁਝ ਹੀ ਪਲਾਂ ਵਿੱਚ ਗੱਡੀਆਂ ਦੀ ਇੱਕ ਲੜੀ ਆਪਸ ਵਿੱਚ ਟਕਰਾ ਗਈ। ਤੁਰੰਤ ਪੁਲਿਸ ਨੂੰ ਸੂਚਨਾ ਦਿੱਤੀ ਗਈ।
ਮੌਕੇ ‘ਤੇ ਪਹੁੰਚੀ ਪੁਲਿਸ ਅਨੁਸਾਰ ਕੰਟੇਨਰ ਵਾਹਨ ਦੇ ਡਰਾਈਵਰ ਦੀ ਲਾਪ੍ਰਵਾਹੀ ਕਾਰਨ 3 ਕਾਰਾਂ, 2 ਲਾਰੀਆਂ, 1 ਕੰਟੇਨਰ ਅਤੇ ਇਕ ਬਾਈਕ ਦੀ ਟੱਕਰ ਹੋ ਗਈ । ਨਿਪਾਨੀ ਦੇ ਹਸਪਤਾਲ ‘ਚ ਜ਼ਖਮੀਆਂ ਦਾ ਇਲਾਜ ਜਾਰੀ ਹੈ। ਪੁਲਿਸ ਘਟਨਾ ਦੀ ਜਾਂਚ ਕਰ ਰਹੀ ਹੈ। ਇਹ ਮਾਮਲਾ ਨਿਪਾਨੀ ਸਿਟੀ ਥਾਣਾ ਖੇਤਰ ਦਾ ਹੈ। ਮਰਨ ਵਾਲਿਆਂ ਦੀ ਪਛਾਣ ਸੰਤੋਸ਼ ਗਣਪਤੀ ਮਾਨੇ, ਰੇਖਾ ਗਾਡੀਵੱਦਰ, ਜਬੀਨ ਮਾਨਕਦਾਰਾ ਅਤੇ ਦਿਲਦਾਰਾ ਮੁੱਲਾ ਵਜੋਂ ਹੋਈ ਹੈ। ਮ੍ਰਿਤਕ ਗਣਪਤੀ ਅਤੇ ਰੇਖਾ ਬਾਈਕ ਸਵਾਰ ਸਨ, ਜਦਕਿ ਜਬੀਨ ਅਤੇ ਦਿਲਦਾਰਾ ਵੈਗੋਨੀਅਰ ਦੇ ਯਾਤਰੀ ਸਨ।
